Sabi 10:2 - Hdi

² Mantsa ya tama, ŋa rusay gha ŋa zwana gha nda ya ŋa zighiha gha ya ka yu sunustá ima zgi ta la Masar, nda ya ka yu magatá ŋizlaha ɗa mataba taŋ. Tsaya dzaʼa kəl kuni ka snaŋta kazlay na iʼi Yawe kəʼa, » kaʼa.

Sabi 10:2 ပူးပေါင်းရင်းမြစ်များ

2Sam 7:22

Dagala kagha mghama ɗa Yawe! Haɗ mndu taɓta kagha wa! Kahwathwata haɗ sana Lazglafta ta ghəŋa kagha, manda ya ta gɗata ŋni ta snaŋta wa!

Sabi 13:14

Ka ɗawaghuna ɗawa zwana ghuni ta kəma dazlay, kabgawu ta kəl kuni ka magay na ka həŋ ya, ka kuni dzaʼazlay nda həŋ na: “Nda mbrakwa dzva ni hlagamapta Yawe ma ga vuʼa ma Masar.

Sabi 14:18

Ma maranata ɗa ta glakwa ɗa ta Firʼawna, nda mwata plisha ni, nda sludziha ni ta plis tani ya, dzaʼa snaŋ sna la Masar kazlay iʼi ná, Yawe yu kəʼa, » kaʼa.

Sabi 14:4

Dzaʼa təŋanaf təŋa yu ta ghəŋa Firʼawna ŋa hwayighunista ni. Dzaʼa marana mara yu ta glakwa ɗa ta Firʼawna nda sludziha ni demdem tani. Mantsa ya dzaʼa kəl la Masar ka snaŋta kazlay iʼi ná, Yawe yu kəʼa! » kaʼa. Ka magata la Israʼila manda va tsaya.

Sabi 7:17

Ka Yawe na: “Dzaʼa nda sna ka kazlay iʼi Yawe kəʼa.” Wana yu dzaʼa dzuŋta nda na dafa ma dzva ɗa na ta imi ma ghwa na, ŋa navafta ni ka us.

Sabi 7:5

Dzaʼa snaŋ sna la Masar kazlay iʼi Yawe kəʼa, faf fər yu nda mbrakwa dzva ɗa ta la Masar, ka hlagaptá la Israʼila mataba taŋ, » kaʼa.

Sabi 8:6

Kaʼa mantsa: « Mahtsim, » kaʼa. Ka Musa mantsa: « Dzaʼa nzakway manda ya mna ka! Kada snaŋta ka kazlay haɗ mndu taɓta Yawe, Lazglafta ŋni wu kəʼa.

Afisus 6:4

Kaghuni dadaha, ma ganaf kuni ta ɓasa ŋuɗuf ta zwana ghuni. Galawagala ta həŋ, taghawa tagha ta skwiha ŋa taŋ, zlahawazlaha ta həŋ manda ya ta kum Mghama mu.

Vrafta ta zlahu 4:9

Ama ɗasuwa ka kuni, ka nghuta kuni ta ghəŋa ghuni, ma zanap kuni ta skwi ya nghaŋ kuni nda ira ghuni, dá zliŋtá kuni ŋa saghwa ni ma ŋuɗufa ghuni ma inda nzakwa ghuni. Ka rusa kuni ŋa zwana ghuni nda ya ŋa zighiha ghuni.