Rut 4:6 - Hdi

⁶ Ka tsa mndu raŋ varay ya mantsa: « Ka mantsa tsi, laviŋ a yu ta varata wu, kabga yaha yu da badziŋtá ŋa ɗa ma haɗika za həga. Vara vara kagha ŋa gha, ta skwi má riha varay, ya laviŋ a iʼi ta varata ya wu, » kaʼa.

Rut 4:6 ပူးပေါင်းရင်းမြစ်များ

Zlrafta 38:8

Ka Yahuda nda Unaŋ mantsa: « Lam la da markwa zwaŋama gha. Ka wunanaghata ka, ka yanata ka ta zivir ta zwaŋama gha, » kaʼa.

La Levi 25:25

Ka nuna sani ma kaghuni ka pɗu dgər, ka skwanaghutá tsi ta haɗika ni, lagha sani ta uʼa taŋ hɗeka raŋ varata da varatá tsa skwi skwap tsi ya.

Vrafta ta zlahu 25:7

Ka va a tsa mndu ya ta kla mesa ni wu, lafa tsa mesa ni ya ta wa tgha da la galata mndu ma vla tsa guma. Kaʼa dzaʼazlay nda həŋ mantsa: “Kwalaghu kwala mesa ɗa ta tsanaftá hgu ta zwaŋama ni ta mtuta ya ma Israʼila. Va a ta hɗamta nzakwa ni ka mesi wu,” kaʼa dazlay.

Vrafta ta zlahu 25:8

Ka hgadaghata la galata mndu ma luwa ka gwaɗganata həŋ. Ka kwalaghu kwala tsi ta ɗvay, “va a yu ta klay wu,” kaʼa,

Vrafta ta zlahu 25:9

gavadaghata tsa mesa ni ya ta vata ni ta kəma la galata mndu, ka suɗanapta ɓaɓah ma səla, ka tfanamta sərɗək ma kuma. Kaʼa dzaʼazlay mantsa: “Wya skwi ta mag lu ŋa mndu ta kwalaghuta fanatá zivir ta zwaŋama ni,” kaʼa dzaʼazlay.

Rut 2:20

Ka Naghumi nda ghwaʼala ni mantsa: « Ka tfanagha tfa Yawe ta wi, ta tsa mndu kul zlanata maganatá zɗaku ta gwal nda hafu nda gwal nda rwa ya! » kaʼa. Ka Naghumi nda tsi guli mantsa: « Huɗuhuɗa mu tsa Bughaz ya, tekw tsatsi mataba gwal raŋ vara u, » kaʼa.

Rut 3:13

Hana tama hadna. Ga sərɗək ya, ka tsatsi dzaʼa varaghatá, varaghata ni. Ala ka vaʼa tsi ta varaghaghata wu, varaghaghata ɗa, ka yu ta taghaftá yu ta imi ta sləməŋ nda hga Yawe nda hafu mida! Hana hana ha ka tsaɗanata gha ta vli, » kaʼa.

Rut 3:9

Kaʼa mantsa: « Wa kagha na? » kaʼa. Kaʼa mantsa: « Iʼi Rut, kurɗa gha ya, bukwanagha wa lguta gha ta kurɗa gha, kabga kagha mndu raŋ varay, » kaʼa.