Rut 2:2 - Hdi

² Ma sana fitik, ka Rut makwa la Muwav nda Naghumi mantsa: « Kdəkkdək zliha zla ka dzaʼa yu da tska vana ma vwah nda hula mndu ya dzaʼa zɗəɗiŋ ta huɗi, » kaʼa. Ka Naghumi mantsa: « La makwa ɗa, » kaʼa.

Rut 2:2 ပူးပေါင်းရင်းမြစ်များ

Zlrafta 32:6

Mamu yu nda slaha, nda kəɗihha, nda rina fisik, nda kwalvaha nda kurɗuha. Wya yu ta ghunadaptá mnduha ɗa ŋa snaghamta mghama ɗa, kabga ŋa tsuʼafta gha ta iʼi ɗina,” » kaʼa.

La Levi 19:10

Manda tsaya, yaha kuni da ɗagata nekwnekw ta yakwa inabi ma vwaha inaba ghuni. Haɗ kuni dzaʼa ɗagaftá ya ta rkagata ta haɗik wa. Dzaʼa zlanaŋ zla kuni ta inda tsaha ya ta gwal ka pɗu, nda la mayəm ma səla ghuni. Iʼi ná, Yawe yu, Lazglafta ghuni.

La Levi 19:16

Ma yəg kuni ta ghwaɗaka gwaɗa ta ghəŋa mnduha ghuni. Ma gə kuni ta tsuwa nda hafa sləvda ghuni. Iʼi ná, Yawe yu.

La Levi 19:9

Ma fitika tskay ghuni ta skwi ta vwah ma haɗika ghuni, haɗ kuni dzaʼa nekwaftá tskata ha kɗavakta mukuma vwaha ghuni wu, haɗ kuni dzaʼa tskaftá ya dzaʼa paɗata ŋa vanay wa.

La Levi 23:22

Ma tskay ghuni ta skwi ta vwah ma haɗika ghuni, haɗ kuni dzaʼa nekwaftá tskata ha kɗavakta mukuma vwaha ghuni wu, haɗ kuni dzaʼa tskaftá ya dzaʼa paɗata ŋa vanay wa. Dzaʼa zlanaŋ zla kuni ta inda tsaha ya ta gwal ka pɗu, nda la mayəm ma səla ghuni. Iʼi ná, Yawe yu, Lazglafta ghuni, » kaʼa.

Rut 2:3

Ka laghu tsi tama, da tska vana nda hula gwal ta tska skwi ta vwah. Tsaw ŋa Bughaz ta uʼa turtuk nda Ilimelek ya tsa vwah slaf tsi tida ya.

Rut 2:7

Kaʼa na: “Ta kumay yu ta vana mataba bakərvaha mista gwal ta tska skwi ta vwah,” kaʼa. Ka sagha tsi daga ga sərɗək ha ndana ta nzada a wu, zekw yeya nzadata tsi ma həga, » kaʼa.

1Sam 1:18

Kaʼa mantsa: « Má ka mutsaf mutsa kurɗa gha ta zɗakatahuɗi ta wa ira gha! » kaʼa. Ka laghu tsa marakw ya, ka zutá tsi ta skwa zay, ta nda suʼanakata kuma a wa.