Rut 2:12 - Hdi

¹² Ka plagham pla Yawe ta skwi ya maga ka, ka hɗaghamta Yawe, Lazglafta la Israʼila, sagha ka da zba vla bukwa mista zlimbira ni ya, ta nisəla gha gerger! » kaʼa.

Rut 2:12 ပူးပေါင်းရင်းမြစ်များ

Mata 23:37

« Aya Ursalima! Aya Ursalima! Kagha ta pslatá la anabi, kagha ta pslata nda pala ta gwal ghunadaghagha Lazglafta. Nda kɗa fitika zbaŋta ɗa ta tskanatá zwana gha manda mana ghatalakw ta tskanatá nduɗukhani ma zlambakha ni ya, ama ka kwalaghuta kuni.

Mata 5:12

Rfawa rfa ta rfu, ka nzata kuni waɗah, kabga mamu nisəla ghuni dagala ta kəzla kaghuni ta luwa. Manda va tsaya ganapta lu ta iri ta anabiha ta tiŋlaghutá kaghuni. »

Mata 6:1

« Ɗasuwa ka kuni ta mag kuni ta skwi tɗukwa, yaha kuni da magay ŋa ghubaku ta wa ira mnduha. Ka mantsa tsi ná, mutsafta a kuni ta nisəla ghuni da Da ghuni ta nzakway ta luwa wa.

Lukwa 6:35

Kaghuni ya ná, ɗvuwa ɗva ta ghumaha ghuni, magawa maga ta zɗaku ŋa taŋ. Ɓlawa nzawa ŋa mnduha, ma faf kuni ta ghəŋ ta vraghunamta, dzaʼa mamu nisəla ghuni dagala, dzaʼa nzakway kuni ka zwana Lazglafta Dagala, kabga tsatsi ná, zɗa ghəŋa ni nda mnduha kul haɗ ta rfa mndu, nda gwal ta sidi tani. »

Kwalus 2:18

Yaha kuni zlanaŋtá ghəŋa ghuni ta sanlaha ma mnduha, tsa gwal ta tsəlɓu ta kəma duhwalha Lazglafta ta mna gwaɗa ta ghəŋa mazəmzəmha nghaŋ həŋ manda skwi ma suni ya, da ŋraptá həŋ ta kaghuni. Tsa mnduha ya ná, ndana mnda səla ma ghəŋa taŋ,

2Tim 1:18

Má ka vlaŋ vla Mgham Yesu Kristi ta mutsafta ni ta tawa hiɗahiɗa Lazglafta baɗu fitika tsa guma. Mal kagha guli nda sna ta katu ya katiha tsi ma nzakwa ɗa ma luwa Afisus.

2Tim 4:8

Ndanana, ta kzlaykzlay nisəla vəl zaktá ɗa ta ghwa ta iʼi. Tsa nisəla ya ná, zewzewa mbaku ya dzaʼa vlihata mnda tsa guma tɗukwa, baɗu fitika tsa guma. Ŋa ɗa nda ghəŋa ɗa yeya a wu, nduk nda inda gwal ta kəzla ɗvaftá sagha ni.

Hebru 11:26

Mal ghuyɗipta mnduha ta ɗaŋwa manda ya dzaʼa ghuyanapta lu ta *Kristi ya, ka inda skwa gadghəl ta haɗika Masar, » kaʼa, kabga nda fa ŋuɗufa ni ta skwi ya dzaʼa vlaŋta Lazglafta ta kəma.

Hebru 11:6

Ka haɗ zlghay nda ŋuɗuf wu ná, haɗ fitik zɗəgana mndu ta Lazglafta wa. Mndu ta gavadaghata da Lazglafta ná, ɗina ka grafta ni kazlay: Mamu Lazglafta, ta magay ta skwi ɗina guli ŋa gwal ta zbay kəʼa.

Hebru 6:10

Lazglafta ná, tɗukwa tsatsi, haɗ dzaʼa zanaptá slna ghuni ya maga kuni, ŋa kataŋtá zwana ma ghuni gwal zlghay nda ŋuɗuf, ya ta gɗata kuni ta kata həŋ ndanana guli ya wa.

Rut 1:16

Ama ka Rut mantsa: « Ma sliŋwu ka ta iʼi ŋa zlavaghata, ŋa mbəɗaghata ɗa ta hul. Da vli ta dzaʼa ka, ta dzaʼa iʼi, ma vli dzaʼa hanata ka, hada dzaʼa hanata yu, la ghuni dzaʼa nzakway ka la ini, Lazglafta gha, Lazglafta ɗa.

Rut 2:11

Ka Bughaz nda tsi mantsa: « Rusiɗif rusa lu ta inda skwi magana ka ta midza gha daga ka yawu mtuta zəʼala ghuni, nda ya ká ka zlanavatá i da gha nda ma gha nda haɗik ya yaga lu ta kagha mida, ka dzaʼa mista mnduha ya si kul snaŋtá ka ghalya.

Rut 2:13

Kaʼa mantsa: « Má ka mutsaf mutsa yu ta zɗakatahuɗa gha mghama ɗa. Vliha vla ka ta mbraku, iʼi kurɗa gha, mniha mna ka ta gwaɗa ta ksiɗimtá ta ŋuɗuf, kulam nda nzakwa ɗa kul slafta ka sani mataba kurɗuha gha, » kaʼa.

Rut 4:15

Dzaʼa lɓa gha lɓa ta ŋuɗuf, dzaʼa nghap ngha ka kagha ma halata kagha, kabga ghwaʼala gha ta ɗvutá kagha ta yata, malap mala tsa marakw ya ma kagha ka zwana zgwana ndəfáŋ, » ka həŋ.

1Sam 24:19

Kagha, mariɗiŋ mara ka gita ta zɗaku ya ta mag ka ŋa ɗa. Si vla vla Yawe ta iʼi ma dzva gha, ka zlanatá ka ta dzihata.

1Sam 24:20

Ka gruŋ gra mndu ta ghuma ni, dzaʼa zlana zla ka ksay ni ta tva ni ɗasuwa ra? Ka vlagha vla Yawe ta nisəla ma na skwi magiha ka gita na.