Nəhemiya 9:8 - Hdi

⁸ Ka nghanatá ka ta ŋuɗufa ni ka vərɗa ni ta wa ira gha, ka dzraftá ka ta wi nda tsi, ka tanaftá ka imi ta sləməŋ ŋa vlaŋtá zivirha ni ta haɗika la Kanʼana, nda la Het, nda la Amuru, nda la Periz, nda la Yəbus, nda la Girgas. Hɗanam hɗa ka ta tsa gwaɗaha gha ya, kabga tɗukwa ka.

Nəhemiya 9:8 ပူးပေါင်းရင်းမြစ်များ

Zlrafta 12:7

Ka maravatá Yawe ta kəma Abram, kaʼa nda tsi mantsa: « Dzaʼa vlaŋtá zivira gha yu ta na haɗik na, » kaʼa. Ka dzihwaftá Abram ta gwir ŋa Yawe ta zlagapta da tsi ya.

Zlrafta 15:6

Ka zlghaftá Abram ta skwi mnana Yawe. Tsaya kəl Yawe ka klafta ka tɗukwa mndu.

Zlrafta 22:12

Kaʼa mantsa: « Ma faf ka ta dzva gha ta tsa zwaŋ ya, yaha ka maganatá sana skwi. Ndana tama, nda sna yu kazlay ta zləŋay ka ta Lazglafta kəʼa, kabga sɗiɗif a ka ta zwaŋa gha, kɗakwa ni turtuktuk wu, » kaʼa.

2Sam 22:31

Tviha Lazglafta ná, tɗukwa həŋ, gwaɗa ta mnata Yawe ná, nda ra. Nda nza ka zalama inda gwal ta ɗifa da tsi.

1Rus 1:14

Ma tsatsi saba la Yəbus, nda la Amuru, nda la Girgas,

1Rus 16:16

ya dzraf tsi nda Abraham, ya waɗana tsi ta Izak,

Izra 9:15

Yawe, Lazglafta Israʼila, tɗukwa kagha, zlana zla ka ta sanlaha ma aŋni ka nzəglata nda hafu gitana. Wana ŋni kay guli ta kəma gha ta nda dmakuha ŋni haɗ mndu má si dzaʼa lavəgliŋtá sladata ta kəma gha nda mndərga tsa nzaku ya wa, » ka yu.

Nəhemiya 9:33

Ama nza nza kagha tɗukwa ka vərɗa mndu ma inda tsa skwiha ta slaŋnaghata ya, dər má ta ga sidi aŋni.

Sabi 3:17

Mantsa ya tama, dzaʼa hlap hla yu ta kaghuni ma na Masar ta sə kuni ta duni na, ka hlaghatá kaghuni ta haɗika la Kanʼana, nda la Het nda la Amuru, nda la Periz, nda la Hiv nda la Yəbus. Ta tsa haɗik ya ná, ta mbəzaku uʼa nda zuɗum mida.”

Sabi 3:8

Tsaya tama kəl yu ka saha da zluʼagaptá həŋ ma dzva la Masar. Dzaʼa hlaf hla yu ta həŋ ma Masar, ŋa hlaghata ɗa ta həŋ ta sana haɗik ká ka nda ɗinakwa ni, dagala guli, ta mbəzaku uʼa nda zuɗum mida. Tsa vli ya ná, haɗika la Kanʼana, nda la Het, nda la Amuru, nda la Periz, nda la Hiv, nda ya nda la Yəbus ya.

Mbsak 13:29

Ma kwakwara Negev nzata la Ghamalek. Ta ghwá nza nzata la Het, nda la Yəbus, nda la Amuru. Ndusa nda wa drəf dagala, nda laghwa vli ta wa Yardeŋ nza nzata la Kanʼana, » ka həŋ.

Mbsak 23:19

Mnda səla a Lazglafta ŋa tsakalay ni ta wi wa. Zwaŋa mnda səla a ŋa mbəɗanaftá skwi kura tsi wa. Ta gwaɗay ta gwaɗa ŋa kwal kul magata ra? Ta gwaɗay ta gwaɗa ŋa kwal kul ksa slna nda tsi ra?

Slna gwal ghunay 13:22

« Ka mbəɗanatá Lazglafta ta hul ta Sawul, ka mbəɗanamtá ga mgham ta Dawuda ta ghəŋa taŋ. “Slaf sla yu ta Dawuda, zwaŋa Yesay. Zɗəgiha zɗa, dzaʼa magay ta inda skwi ya ta kum ŋuɗufa ɗa,” kaʼa.

Vrafta ta zlahu 26:3

Ka lagha ka slanaghata mnda dra skwi ŋa Lazglafta ma tsa fitik ya. Ka ka dzaʼazlay nda tsi na: “Ta mnanaŋ mna yu ta Yawe, Lazglafta gha gita kazlay, ɓhagagha ɓha yu ta na haɗik ya waɗana Yawe ta dzidzíha ŋni ŋa vlaŋnata na kəʼa.”

Vrafta ta zlahu 32:4

Tsatsi ná, kutumba ya, nda tva ni ta maga tsi ta inda skwi, kahwathwata tɗukwa inda tva ni. Tsatsi ná, vərɗa Lazglafta ya, haɗ ta tərɗanata skwi wu, ŋərma ya, tɗukwa tsatsi.

Vrafta ta zlahu 7:1

« Dzaʼa hladaghunam hla Yawe, Lazglafta ghuni da tsa haɗik ya dzaʼa nzakway ka ŋa ghuni ya. Dzaʼa ghəzliŋ ghəzla ta kəma ghuni ta la Het, nda la Girgas, nda la Amuru, nda la Kanʼana, nda la Periz, nda la Hiv, nda la Yəbus, tsa mndəra mnduha ndəfáŋ ta ndəghuta malaghu mbrakwa taŋ ka ŋa ghuni ya.

Vrafta ta zlahu 9:5

Nza a dabga vəl nzakwa ghuni ka tɗukwa mndu nda ŋərma mndu dzaʼa kəl kuni ka lami da klaghuta ŋa ŋa ghuni ta haɗika taŋ wu, ama dabga ghwaɗaka skwi ta mag mndəra na mnduha na dzaʼa kəl Yawe, Lazglafta ghuni ka ghəzlaftá həŋ ta kəma ghuni. Nda nza guli ŋa hɗanamtá gwaɗa ya waɗana tsi ta dzidzíha ghuni i Abraham, nda Izak, nda Yakubu.

Titus 1:2

Ŋa nzakwa taŋ nda fatá ghəŋ ta mutsa hafu ŋa kɗekedzeŋ, kabga ghada ghada Lazglafta kul haɗ ta tsakalawi ta tamaftá imi ta sləməŋ, ma kɗaku tsi ka tsaftá ghəŋa haɗik.

Hebru 11:17

Nda ma zlghay nda ŋuɗuf kumafta Abraham ta vlatá zwaŋa ni Izak ŋa pla ghəŋ ma dzəghaŋta ya dzəghaŋ Lazglafta. Ka kumaftá tsi ta vlatá tsa kɗakwa kɗakwa zwaŋa ni turtuktuk ya, dər má si tanafta Lazglafta ta imi ta sləməŋ ta ghəŋa tsa zwaŋ ya.

Hebru 6:18

Mantsa ya ná, his skwiha ya dzaʼa kwal lu kul laviŋtá mbəɗanafta. Skwiha ya tanaf tsi ta imi ta sləməŋ ta mndu nda waɗu ya waɗa tsi nda tsi. Haɗ dzaʼa walaŋtá tsakalatawi mida wa. Mantsa ya guli ná, ta vlama vla ta mbraku ta amu gwal ta hwayamta da ghuva Lazglafta, ŋa ŋavata mu nda fatá ghəŋ ta skwi ya tamaf Lazglafta ta imi ta sləməŋ ya.

Yəhusuwa 11:23

Mantsa ya tama, ka zatá Yəhusuwa ta inda tsa haɗikha ya, manda ya mnanaf Yawe ta Musa. Tahula tsa, ka daganaftá Yəhusuwa ta tsa haɗik ya ta la Israʼila ŋa nzakwa ni ka skwa za həga taŋ, ta mndəra mndu ta mndəra mndu. Ka mbiʼi tsa haɗik ya ta vgha kul haɗ vulu.

Yəhusuwa 11:3

nda ya da la Kanʼana təv safa fitik, nda ya nda təv dɗakwa fitik, nda la Amuru, nda la Het, nda la Periz, nda la Yəbus ta ghwá, nda la Hiv mista ghwá Hermuŋ ta haɗika Mitspa.

Yəhusuwa 23:14

Iʼi taɗa, wana nda sliʼa yu manda va ya ta sliʼi inda skwiha ta na ghəŋa haɗik na. Ndanana ná, nda sna kaghuni nda inda ŋuɗufa ghuni, nda inda hafa ghuni kazlay na, haɗ gwaɗa dər turtuk ta dɗavaghuta ma inda ŋərma gwaɗaha ya mnaf Yawe, Lazglafta ghuni ta ghəŋa ghuni wu kəʼa. Hɗam hɗa inda ni demdem, haɗ ya ta dɗavaghuta kul magata dər ka turtuk wa.

Yəhusuwa 9:1

Snanaghatá tsa zaɗanata la Israʼila ta luwa Ghay ya, ta inda mghamha ma kwakwarha nda təv dɗakwa fitik ta nzatá lu ta wa zala Yardeŋ, nda kwakwarha ta ghwá nda kwakwarha ta kuɗuŋur, nda inda kwakwarha ta wa laghwa drəf dagala, ka laghu nda ma Ləvanuŋ, nda la Het, nda la Amuru, nda la Kanʼana, nda la Periz, nda la Hiv, nda la Yəbus ya,

1 Yuhwana 1:9

Ala ka si mnigiŋ mna mu ta dmakwa mu nda wa mu katsi, dzaʼa plimispla Lazglafta ta dmakwa mu, ŋa ghuɓiŋta ni ta inda dmakwa mu, ŋa nzakwa mu tsuweɗek ta kəma ni, kabga tsatsi Lazglafta tɗukwa. Skwi mna tsi ta maga maga manda va tsaya.