Nəhemiya 8:6 - Hdi

⁶ Ka rfanaghatá Izra ta Yawe, Lazglafta dagala. « Amin! Amin! » ka mnduha demdem kapaftá dzva taŋ. Ka tsəlɓatá həŋ ka zlambata zluzlumbruh ta kəma Yawe.

Nəhemiya 8:6 ပူးပေါင်းရင်းမြစ်များ

Zlrafta 14:22

Ka Abram zlghanaftá wi ta mghama Sədum mantsa: « Ta kapaf kapa yu ta dzva ɗa təv Yawe, Lazglafta Dagala ta zlaganaptá luwa nda haɗik.

Zlrafta 24:26

Ka dzatá tsa mndu ya ta ghəŋ ka tsəlɓatá ta kəma Yawe,

1Rus 16:36

Rfu ŋa Yawe, Lazglafta la Israʼila, kul haɗ zlrafta ni, nda kɗavakta ni! » ka həŋ. Ka mnə mnduha demdem: « Amin! Zləzləvama Yawe! » ka həŋ.

1Rus 29:10

Ka rfanaghatá Dawuda ta Yawe ta kəma inda guyatá ghəŋ, kaʼa mantsa: « Rfu ŋa gha daga manda ghalya ha ŋa ɗekɗek, Yawe, Lazglafta Israʼila, dzidza ŋni!

1Rus 29:20

Tahula tsa, ka Dawuda nda inda guyatá ghəŋ mantsa: « Kdəkwakdək! Rfanaghawa rfa ta Yawe, Lazglafta ghuni, » kaʼa. Ka rfanaghata inda guyatá ghəŋ ta Yawe, Lazglafta dzidzíha taŋ. Ka dzadzatá həŋ ta ghəŋ, ka tsətsəlɓata ta kəma Yawe, nda ya ta kəma mgham.

2Rus 20:18

Ka dzadatá Yəhusafat ta kuma ta haɗik, ka zlambatá inda la Yuda, nda la Ursalima ta kəma Yawe ŋa vla glaku ŋa ni.

2Rus 29:10

Ama ndanana, kura kura yu ma ŋuɗufa ɗa ta dzraftá wi nda Yawe, Lazglafta la Israʼila, kada mbəɗaghuta tsa gufatá ŋuɗufa ni katakata ya ta vata amu.

2Rus 29:30

Tahula tsa, ka i mgham Hizkiya nda maliha mnanatá la Levi mantsa: « Zləzləvawa zləzləva ta Yawe nda lahaha Dawuda, nda ŋa Asaf, slayaŋ ya, » ka həŋ. Ka zləzləvu həŋ nda rfu nda rfu, ka dzadzatá həŋ ta ghəŋ, ka tsətsəlɓata.

2Rus 6:4

Kaʼa mantsa: « Rfu da Yawe, Lazglafta la Israʼila ta mnanata nda wa ni ta da ɗa Dawuda, ka hɗamtá tsi nda mbrakwa ni ta skwi mna tsi, kaʼa mnuta na:

Nəhemiya 5:13

Ka gəgdaŋtá yu guli ta lguta ɗa, ka yu ta ghəŋa ni mantsa: « Dər wa ta kwalaghuta hɗanamtá tsa gwaɗa ya ná, ka gəgdiŋgəgda Lazglafta ma həga ni, nda ya nda skwiha ni. Manda va tsaya dzaʼa gəgduta tsi ka nzata bɗadar, » ka yu. « Amin! Ka nza tsi mantsa! » ka mnduha demdem. Ka zləzləvə həŋ ta Yawe. Ka magata mnduha manda va tsa kura həŋ ya.

Nəhemiya 8:7

Tahula sliʼavata taŋ ka sladata ma va tsa vli ya, ka zlraftá la Levi i Yəhusuwa nda Bani, nda Sereviya, nda Yamiŋ, nda Ghakuv nda Sabətay, nda Hudiya, nda Maʼaseya, nda Kəlita, nda Ghazariya, nda Yuzavat, nda Hanaŋ, nda Playa ta tsislanaptá mnduha ta tsa zlahu ya.

Sabi 12:27

ka kuni dzaʼazlay nda həŋ na: “Tsaya skwa pla ghəŋa ka Pak ŋa Yawe kabga tsughwaɗaghuta ni ta həga la Israʼila ma Masar ma fitika dzuŋta ni ta Masar. Ama ka zluŋtá tsi ta həgaha amu,” » kaʼa. Ka tsəlɓatá la Israʼila ka zlambata zluzlumbruh.

Sabi 4:31

Ka zlghaftá la Israʼila ta tsa gwaɗaha ya. Ka snaŋtá həŋ kazlay nghanagha ngha Yawe ta la Israʼila kəʼa, nda ngha ta satá duna taŋ. Mantsa tama, ka tsəlɓatá həŋ ta haɗik, ka vlaŋtá glaku.

La Levi 9:24

Ka sab vu da Yawe, ka dəghwaɗutá tsa skwa pla ghəŋ ŋa dray tsuh tsuh, nda vliha nda mala nda mala ta gwir ya. Ka nghaŋtá la Israʼila demdem, ka hlaftá həŋ ta wi ka rfu, ka zlambata həŋ zluzlumbruh ta haɗik.

Mata 26:39

Zadaptani dawʼ ta kəma, ka zləmbatá tsi ka mbumba, ka maga duʼa. Kaʼa mantsa: « Da ɗa, ka ta magaku tsi, diʼiŋiŋ diʼiŋa ta na leghwa ghuya ɗaŋwa na nda iʼi. Nziya nza tsi ná, manda ya ta kum iʼi a wu, manda ya ta kum kagha, » kaʼa.

Mata 6:13

Ma zlaŋna ka tawa skwi dzaʼa dzəghaŋnata. Klap kla ta aŋni ma dzva halaway, [kabga ŋa gha ga mgham, nda mbraku, nda glaku, ŋa kɗekedzeŋ. Amin!]

1Kwa 14:16

Ka mantsa a tsi wu, ka ta rfay ka ta Lazglafta ma sulkuma gha kweŋkweŋ, waká hamata mndu ta snay kul snaŋtá tsa gwaɗa ya, dzaʼa mna « amin » ta ghəŋa tsa rfu rfa ka ya, ka sna a tsi ta tsa skwi mna ka ya na?

Afisus 1:3

Zləzlvama Lazglafta ta nzakway ka Da ni mamgham *Yesu *Kristi. Tsatsi ta tfamaghatawi ma vlamata ni ta inda skwi ɗina ɗina daga ta luwa ŋa kataŋtá sulkuma mu. Nda ma ndiʼatá vgha mu nda Yesu Kristi magamata tsi.

1Tim 2:8

Ta kumay yu tama ta magay zgwana ma inda vli ta duʼa nda kapatá dzvu ya nda ghuɓa hezleʼ nda ta luwa, nda gatá sidi a wu, nda zlərɗa wi a guli wa.

1 Piyer 1:3

Zləzlvama Lazglafta ta nzakway ka Da ni ma Mghama mu *Yesu *Kristi. Ma glakwa Zɗakwa ni, ka yəglatá tsi ta amu ka vlamata hafu ka lfiɗ ma sliʼaganaptani ta Yesu Kristi mataba gwal nda rwa. Mantsa ya tama, mamu mu nda fata ghəŋ ta nzaku nda hafu ka lfiɗ,

Suna Yuhwana 7:11

Inda duhwalha Lazglafta, nda la halata mndu, nda tsa skwiha fwaɗ nda hafu ma həŋ ya kay tani ta wanafta tsa dughuruk ya. Ka zləmbata həŋ ta kəma tsa dughuruk ya ka tsəlɓu ŋa Lazglafta.