Nəhemiya 8:3 - Hdi

³ Ka dzaŋə tsi ta tsa daɓi ta kəma wa tgha Imi ya, daga wrək tghaha fitik ma ghəŋ, ta kəma zgwana, nda miʼaha, nda gwal nda mahizl ŋa snaŋta. Ka fatá mnduha demdem ta sləməŋ ka sna dzaŋa tsa deftera zlahu ya.

Nəhemiya 8:3 ပူးပေါင်းရင်းမြစ်များ

Nəhemiya 10:29

Ka gwaftá sanlaha ma mnduha nda gwal ta dra skwi ŋa Lazglafta, nda la Levi, nda gwal ta ngha wa tgha, nda gwal fa laha, nda kwalvaha həga Lazglafta, nda inda gwal ta dgaghutá vgha nda mayəm ŋa ndiʼaftá vgha ta zlaha Lazglafta, nda miʼa taŋ, nda zwana zgwana taŋ nda kwagha taŋ, nda inda gwal prək ka snaŋtá skwi nda mahizl ma ghəŋa taŋ ta vgha,

Nəhemiya 13:1

Ma tsa fitik ya, ka dzaŋaftá lu ta ɗelewera Musa ta wa sləməŋa mnduha, ka slanaghatá lu ta vinda ni kazlay na haɗ la Ghamuŋ nda la Muwav dzaʼa walaŋtá lami da taba guyatá ghəŋa mnduha Lazglafta wu kəʼa,

Nəhemiya 8:1

Ka tskavatá inda mnduha tuts ka skwa turtuk ta daɓi ta wa tgha Imi. Ka həŋ nda Izra mnda tagha zlahuha ya mantsa: « Klagap kla ta deftera zlaha Musa vlaŋ Yawe ta la Israʼila ya, » ka həŋ nda tsi.

Nəhemiya 8:18

Ka dzaŋə lu ŋa taŋ inda fitika tsa skalu ya ta deftera zlaha Lazglafta, daga baɗ taŋtaŋa fitika ni ha ka kɗavakta fitika ni. Ndəfáŋ ka həŋ ta zatá fitik ta skala tsa skalu ya. Baɗ matghas fitik, ŋa tskafta taŋ ta tska vgha dagala manda ya mnaf lu.

Nəhemiya 8:4

Ka sladagatá Izra mnda tagha zlahuha ta vli tskala magaf lu nda udzu paɗak ŋa tsa fitik ya. Ta vata ni, ka sladatá i Matitiya, nda Sem, nda Anaya, nda Uriya, nda Hilkiya nda Maʼaseya nda ga zeghwa ni. Nda ga zlaɓa ni guli ná, i Pədaya, nda Misaʼel, nda Malkiya, nda Hasum, nda Hasbaddana, nda Zakari, nda Məsulam.

Nəhemiya 8:5

Ma tsa nzəganaghata Izra ta mnduha demdem ya, ka gunanaftá tsi ta tsa defteri ya ta wa ira mnduha demdem. Manda gunanafta ni, ka sladatá mnduha demdem nda slada.

Markus 12:37

Ya “Mghama ɗa ka,” ka vərɗa Dawuda ta hgay ní, wa kəʼa nzəglaku ka zwaŋa ni tama? » kaʼa guli. Tsa skwi ta tagh Yesu ya na, zɗəgana zɗa ta tsa dəmga ta snay ya.

Lukwa 19:48

Ama sna a həŋ ta tvi ka həŋ dzaʼa ɓhanavata wu, kabga dar fata mnduha ta vgha ka sna gwaɗa ni.

Lukwa 8:18

Ɗasuwa ka kuni nda tva snaŋta skwi ta snaŋta kuni, kabga ŋa mndu nda guna sləməŋa ni ŋa sna skwi dzaʼa sganaghata lu ta snanamta. Ama ka haɗ tsi da mndu wu, dzaʼa kləgadanaghu kla lu ta va tsa má si ta ndanu tsi ta mutsay ya. »

Slna gwal ghunay 13:15

Tahula dzadzaŋafta lu ta vli ma deftera zlaha Musa, nda ya ma deftera anabiha, ka maliha ma tsa həga tagha skwa la Yahuda ya nda həŋ mantsa: « Zwana ma ɗa, ka mamu gwaɗa da kaghuni ŋa vlaŋtá mbraku ta mnduha, laviŋ lava kuni ta gwaɗay ndana, » ka həŋ.

Slna gwal ghunay 13:27

Tsaw tama, tsatsaf a mnduha ma Ursalima nda mghamha tani ta Yesu wa. Sna a həŋ ta tsa gwaɗa la anabi ta dzaŋə lu inda Sabat ya guli wa. Ka dzanaghatá həŋ ta ghəŋa skwi mna la anabi, nda ma dzata taŋ ta Yesu.

Slna gwal ghunay 15:21

daga ma nzakwagaptá, mamu mnduha ta mna gwaɗa Musa ma inda luwa. Ta dzadzaŋay lu guli inda fitika *Sabat ma həga tagha skwa la Yahuda, » kaʼa.

Slna gwal ghunay 16:14

Lidiya hga sana marakw mataba taŋ, makwa luwa Tiyatir ya. Lguta dva ya nda bla nda bla dzva ni ta dzawə tsi. Ta zləŋay ta Lazglafta guli. Ka fatá tsi ta sləməŋ ka sna gwaɗa ŋni. Ka gunanaŋtá Lazglafta ta ŋuɗufa ni, ŋa tsuʼa tsa gwaɗa ta gwaɗ Pwal ya.

Slna gwal ghunay 17:11

Mal la Yahuda ma Bere zɗakwa ghəŋa taŋ ka gwal ma luwa Tesalunik, kabga fa fa hahəŋ ta ghəŋa taŋ kahwathwata ka sna gwaɗa Lazglafta. Inda fitik həŋ ta vitsa vindatá skwi ma deftera Lazglafta ŋa nghay ka manda va tsaya tsi re, ka manda va tsaya a wa a tsa skwi ta mnə Pwal ŋa taŋ ya.

Slna gwal ghunay 20:11

Ka vradaftá Pwal ka ɓlaʼatá tsi ta buradi ka zay. Ka kəɗ tsi ta gwaɗa petsuweɗ vli. Tahula tsa, ka sliʼaftá tsi ka laghu.

Slna gwal ghunay 20:7

Ga hawu baɗu luma gwasi, ka tskavatá ŋni ŋa za skwa zaya Mgham Yesu, ka zlraftá Pwal ta gwaɗa ta kəma gwal zlghay nda ŋuɗuf, ka nzəɗavatá tsi ta gwaɗa ha ka lami da takala, kabga dzaʼa nda sliʼa tsaɗakwər vli.

Slna gwal ghunay 28:23

Ka tsaftá həŋ ta sana fitik tama ŋa gwayavata taŋ. Baɗu tsa fitik ya, ka sliʼaftá ndəghata həŋ ka lagha slanaghatá Pwal ma vla nzakwa ni. Ka zlraftá Pwal ta paslay, ka mnay ŋa taŋ ta gwaɗa ta ga mgham Lazglafta, daga ga sərɗək, ha tekulemes fitik, ŋa tɗakta ghunislaka taŋ ta ghəŋa gwaɗa ta *Yesu. Ka mnə tsi ta gwaɗa ma deftera zlaha Musa, nda ya ma deftera la anabi, ŋa taŋ.

Vrafta ta zlahu 31:9

Ka vindaftá Musa ta tsa zlahu ya, ka vlaŋtá gwal dra skwi ŋa Lazglafta, mndəra la Levi ta kla akwata dzratá wa Yawe, nda inda la galata mnduha la Israʼila.

1Tes 2:13

Ta gɗa gɗa ŋni ta rfa Lazglafta guli, kabga ma fitika mnaghunata ŋni ta gwaɗa Lazglafta ná, tsuʼaf tsuʼa kuni, ka zlghafta manda va gwaɗa gwaɗagap Lazglafta, manda ya gwaɗagap mnduha a wa. Manda va tsaya nzakwa ni kahwathwata, sagha da Lazglafta tsa gwaɗa ya, ka ksə tsi ta slna ma kaghuni ta zlghafta ya.

Yəhusuwa 8:35

Ka dzaŋaftá Yəhusuwa ta inda zlaha Musa, haɗ ya zanap tsi dər ka turtuk mataba ni wa. Ka dzaŋaftá tsi ta kəma inda la Israʼila nda zgwana tani, nda miʼaha tani, nda zwani tani, nda matbayha ma səla taŋ guli tani.

Suna Yuhwana 2:29

« Ka mamu mndu nda sləməŋa snay, ka sna tsi ta skwi ya ta mnə Sulkum ŋa Igliz, » kaʼa.

Suna Yuhwana 3:22

« Ka mamu mndu nda sləməŋa snay, ka sna tsi ta skwi mnə Sulkum ŋa Igliz, » kaʼa.