Nəhemiya 8:1 - Hdi

¹ Ka tskavatá inda mnduha tuts ka skwa turtuk ta daɓi ta wa tgha Imi. Ka həŋ nda Izra mnda tagha zlahuha ya mantsa: « Klagap kla ta deftera zlaha Musa vlaŋ Yawe ta la Israʼila ya, » ka həŋ nda tsi.

Nəhemiya 8:1 ပူးပေါင်းရင်းမြစ်များ

2Mgh 23:2

Ka ŋladaftá tsi da həga Yawe kawadaga nda inda la Yuda, nda inda la Ursalima, nda gwal dra skwi ŋa Lazglafta, nda la anabi, nda inda mnduha, sliʼafta ni ta zwani ha ta galata mnduha. Ka dzaŋaftá mgham ta wa sləməŋa inda taŋ ta inda gwaɗa ma deftera dzratá wi slanagha lu ma həga Yawe.

2Rus 34:15

Ka Hilkiya nda Safaŋ, mnda vindi mantsa: « Slaf sla yu ta deftera zlaha Musa ma həga Yawe, » kaʼa. Ka vlaŋtá Hilkiya ta tsa defteri ya ta Safaŋ.

2Rus 34:30

Ka ŋladaftá tsi da həga Yawe kawadaga nda inda la Yuda, nda inda la Ursalima, nda gwal dra skwi ŋa Lazglafta, nda la Levi, nda inda mnduha, sliʼafta ni ta zwani ha ta galata mnduha. Ka dzaŋaftá mgham ta wa sləməŋa inda taŋ ta inda gwaɗa ma deftera dzratá wi slanagha lu ma həga Yawe.

Izra 7:1

Tahula luta tsa skwiha ya, ta fitika nzakwa Artahsasta mghama Persiya ta pala, ka sliʼaftá sana mndu ta hgə lu ka Izra. Izra ná, zwaŋa Səraya, Səraya zwaŋa Ghazariya, Ghazariya zwaŋa Hilkiya,

Izra 7:10

Tsaw Izra ná, fa fa ta ghəŋa ni ka dzaŋa gwaɗa Yawe, ka ksa slna nda tsi, ka taghay ŋa la Israʼila ta inda tsa zlahuha ya nda skwiha mnaf lu.

Izra 7:11

Wya tsa ɗelewer vindanaf mgham Artahsasta ta Izra mnda dra skwi ŋa Lazglafta, mnda tagha zlahuha nda gwaɗaha mna Yawe ta nghanatá la Israʼila ya:

Izra 7:6

Tsa Izra ya ná, saf ma Babila. Mnda tagha zlahuha ta sutá zlaha Musa vla Yawe, Lazglafta Israʼila ya. Ta vlaŋ vla mgham ta inda skwi ɗawaŋ tsi, kabga ta hula ni Yawe, Lazglafta ni.

Nəhemiya 12:26

Hahəŋ gwal si ta maga slna ta fitika Yuyakim zwaŋa Yəhusuwa, zwaŋa Yutsadak, nda ya ta fitika guvna Nəhemiya, nda Izra mnda dra skwi ŋa Lazglafta, ta tagha zlahu ya guli.

Nəhemiya 12:37

Ɓhadaghata taŋ ta wa tgha Dzuɓay mbəŋ nda həŋ, ka ŋladaftá həŋ nda ta kalam ta tva dzaʼa da luwa Dawuda, nda ta tva ŋlu ta matsak, ta ghəŋa həga ga Dawuda, dikw ta wa tgha Imi nda təv safa fitik.

Nəhemiya 3:26

kawadaga nda kwalvaha həga Lazglafta, ta nzaku ma ghərzla Ghufel, ta ŋa taŋ, dikw ta tsa dzuguvi nda slra slriŋ lu, nda ya ta wa tgha Imi, nda ta tva dɗakwa fitik ya.

Nəhemiya 8:16

Ka sliʼaftá mnduha ka laghu da hlagatá tsa zligamaha ya. Ka mamagaftá həŋ ta dumbiha taŋ, ta dədəma ta ghəŋa həga taŋ, ta daɓi tgha taŋ, ta daɓi tgha həga Lazglafta, ta daɓi ta wa tgha Imi, nda ya ta daɓi ta wa tgha Ifrayim.

Nəhemiya 8:3

Ka dzaŋə tsi ta tsa daɓi ta kəma wa tgha Imi ya, daga wrək tghaha fitik ma ghəŋ, ta kəma zgwana, nda miʼaha, nda gwal nda mahizl ŋa snaŋta. Ka fatá mnduha demdem ta sləməŋ ka sna dzaŋa tsa deftera zlahu ya.

La Levi 9:5

Ka hladaghatá həŋ ta tsa skwiha mnaf Musa ya ta wa tumpula guyaku, ka sliʼadaghata guyatá ghəŋa la Israʼila demdem, ka sladata ta kəma Yawe.

Mata 13:52

Kaʼa nda həŋ guli mantsa: « Tsaya tama ná, ka nuna mnda tagha zlahu ka duhwala ga mghama Lazglafta ná, ka guram nda daŋahəga ni həga ta mutsa skwa gadghəla ni ma skwiha ka lfiɗ ka lfiɗ, nda ya ma skwiha nda kɗa fitika ni, dzaʼa gra lu, » kaʼa.

Mata 23:13

« Ɗaŋwa ŋa ghuni gwal tagha zlahu ŋa mnduha, nda la *Farisa. Tsa maɗgwirmaɗgwira ghuni ya. Mbaɗa ka kuni ka hanaftá tgha ga mghama Lazglafta ta mnduha. Lam a vərɗa kaghuni wu, zlanaŋ a kuni ta tvi ta gwal ta kuma lami guli wa.

Mata 23:2

« Dzaŋanaghatá gwal tagha zlahu, nda la *Farisa na tsislanaptá zlaha Musa ta mnduha.

Mata 23:34

Tsaya tama ná, dzaʼa ghunaghunafghuna yu ta la anabi, nda gwal nda ɗifil da həŋ, nda gwal tagha zlahu. Dzaʼa pslata nda psla kuni ta sanlaha, dzaʼa zleŋafta nda zləŋa kuni ta sanlaha, dzaʼa sləvapta nda sləva kuni ta sanlaha ma həga tagha skwa ghuni, dzaʼa zbiŋ zba kuni ta həŋ ma inda luwaha, ka giri ŋa taŋ.

Gwal tsa guma 20:1

Ka sliʼagaptá inda la Israʼila, daga ma Daŋ ga mazlay dikw da Bəʼerseva ga maghura, nda ya ta haɗika la Gilghat. Ka tskavata guyatá ghəŋ ma Mitspa manda mndu turtuk ta kəma Yawe.

Gwal tsa guma 20:8

Ka sliʼavaftá mnduha demdem manda mndu turtuk, ka həŋ mantsa: « Haɗ mndu dər turtuk mataba mu dzaʼa laghwi da tumpula ni wa. Haɗ mndu dər turtuk dzaʼa vraghuta dzagha ni wa.