Nəhemiya 7:70 - Hdi

⁷⁰ Ka valatá sanlaha ma zəʼala həgaha ta sulay ka dasu dəmbuʼ hisambsak, nda kiluʼ a tsedi dəmbuʼ nda dərmək ŋa da dzuguva ɗifa skwi ŋa maga slna.

Nəhemiya 7:70 ပူးပေါင်းရင်းမြစ်များ

1Mgh 7:45

nda zwana glifiŋha, nda pelha, nda nzəganzəga ŋa wutsikanatá skwi. Inda tsa huzlaha mnana mgham Salumuŋ ta Hiram ŋa magafta ni ŋa həga Yawe ya ná, mamagaf nda ghuva tili lu ka kakərzlafta.

1Rus 28:17

Ka mnanatá tsi guli ta kiluʼa dasu ghenen ŋa maga gayaha, nda nzəganzəga, nda kwapha, nda kiluʼa dasu ŋa maga inda leghwa. Ka mnaŋtá tsi guli ta kiluʼa kfura tsedi dzaʼa kəl lu ka maga inda leghwa.

2Rus 4:11

Ka tsatsaftá Huramʼabi ta hutayha ŋa pgha hutiɗif, nda pelha, nda nzəganzəgaha. Mantsa ya ka Hiram kɗiŋta magatá slna mnana mgham Salumuŋ ŋa magata ma həga Lazglafta ya:

2Rus 4:8

Ka tsatsaftá tsi ta tabəlha ghwaŋ, ka pghata ma həga Lazglafta, hutaf nda ga zeghwi, hutaf nda ga zlaɓa. Ka tsatsaftá tsi ta nzəganzəgaha dərmək (100) ka dasu.

Nəhemiya 10:1

Nghadapta ŋni ta inda tsa skwiha ya, ka dzraftá ŋni ta wi ka vindafta. Ta tsa ɗelewer ya, ka faftá lu ta ŋizla tida, ka thaftá i maliha ŋni, nda la Leviha ŋni, nda gwal ta draŋnatá skwi ŋa Lazglafta ta dzvu tida.

Nəhemiya 7:65

Ka pyaftá guvna tsa haɗik ya ta həŋ ka za skwi ya fana lu paɗak ta Lazglafta, ha ta sagha mnda dra skwi ŋa Lazglafta tsatsaŋta nda Urim nda ya nda Tumim karaku.

Nəhemiya 7:69

Vala vala ndəghata zəʼala həgaha ta skwiha ŋa maga slna. Ka vlatá guvna ŋa da dzuguva ɗifa skwi ta sulay ka dasu dəmbuʼ, nda leghwaha ka kfur hutaf mbsak, nda lgutha hutaf dərmək nda hkən mbsak ŋa gwal dra skwi ŋa Lazglafta.

Nəhemiya 7:71

Ka valatá pɗakwa mnduha ta sulay ka dasu dəmbuʼ hisambsak, nda tsedi ka kiluʼ dəmbuʼ, nda lgut ŋa gwal ta dra skwi ŋa Lazglafta, mkuʼ mbsak ndəfáŋ mida.

Nəhemiya 8:9

Na snanata mnduha demdem ta tsa gwaɗaha ma zlahu ya, ka taw həŋ ta taw. Mantsa tama, ka mnə i guvna Nəhemiya, nda Izra mnda dra skwi ŋa Lazglafta, ta tagha zlahu, nda la Levi ta tsisla zlahu ya ŋa mnduha demdem, ka həŋ mantsa: « Nda fa na fitik gita u na ka ŋa Yawe, Lazglafta ghuni. Ma nza kuni zuzuʼuva, ma taw kuni ta taw, » ka həŋ.

Sabi 12:22

Ka klafta kuni ta hbatá sluhwa izwap, ka tsughumamta kuni ma tsa us pgham lu ma glifiŋ ya, ka magafta kuni ta zləŋatá wa tgha nda ya ta slərpuha ni his his guli. Ama kaghuni, yaha kuni walaŋtá sab ta wa tghaha ka tsaɗata vli.

Sabi 24:6

Ka taʼatá Musa ta rita usa tsa riniha ya, ka paghamta ma glifiŋha, pɗakwa rita ni ka wutsikaftá tsi ta gwir.