Nəhemiya 7:2 - Hdi

² Ka klaftá yu ta Hana ni zwaŋama ɗa ŋa nzanaghatá Ursalima, nda Hananiya ka mali ta ghəŋa həga huzlu, kabga vərɗa mndu ya, ta zləŋay ta Lazglafta ka malaghutá ndəghata sanlaha.

Nəhemiya 7:2 ပူးပေါင်းရင်းမြစ်များ

Zlrafta 42:18

Baɗu mahkəna fitik, ka Yusufu nda həŋ mantsa: « Iʼi ná, mnda zləŋa Lazglafta yu, wya skwi dzaʼa kuni magay ka ta kumay kuni ta nzakwa ghuni nda hafu.

2Sam 23:3

Gwaɗa gwaɗa Lazglafta la Israʼila ta gwaɗa. Ka kutumba la Israʼila mnihata na: “Mndu ya ta ga mgham tɗukwa mataba mnduha, ta ga mgham nda zləŋa Lazglafta ná,

1Mgh 18:12

Ama, laghwa ɗa ta vata kagha dzaʼazlay ná, dzaʼa klagha kla Sulkuma Yawe ta kagha snaŋta a yu ka diga tsi wa. Dzaʼa laghu la yu da snanamtá Ahav, ama ma kwala ni dzaʼa kwal kul nghaŋtá kagha ná, dzaʼa dziha dza. Wya kay guli ta zləŋay iʼi kwalva gha ta Yawe daga ma ga zwaŋa ɗa.

1Mgh 18:3

Ka hgaftá Ahav ta Ghuvadiya, mali ta ghəŋa həga ga mghama ni. Tsaw ta zləŋay Ghuvadiya katakata ta Yawe.

Nəhemiya 1:2

ka ɓhadaghata Hana ni sani mataba zwanamaha ɗa si ma Yahuda, kawadaga nda sanlaha ma mnduha. Ka ɗawu yu da həŋ ta gwaɗa ta nzakwa la Yahuda, gwal ta ndapta mataba gwal si kasagha lu ta həŋ, nda ya ka kinawu nzakwa Ursalima.

Nəhemiya 10:23

nda Platiya, nda Hanaŋ, nda Anaya,

Nəhemiya 13:13

Ka pghatá yu ŋa ngha tsa dzuguva ɗifa skwi ya ta i Selemya mnda dra skwi ŋa Lazglafta, nda Tsaduk mnda tagha zlahu, nda Pədaya tekw mataba la Levi, fanavaha yu ŋa kataŋtá həŋ ta Hanaŋ zwaŋa Zakur zwaŋa Mataniya. Tsa hahəŋ ya ná, vərɗa mnduha həŋ, hahəŋ dzaʼa dga skwiha ŋa pɗakwa mnduha taŋ.

Nəhemiya 2:8

Vindiɗif ka guli ta ya ŋa vlaŋtá Asaf, mndu ya ta ghəŋa fuha mgham, kada vlihata tsi ta hasuʼuha prək ka maga wa tgha həga huzlu, ndusa nda həga Lazglafta, nda ya ŋa maga matsaka luwa, nda ya ŋa maga həga ya dzaʼa lam yu dida, » kaʼa. Ka vivindiɗifta mgham, kabga ta hula ɗa Lazglafta.

Nəhemiya 5:15

Makəɗ iʼi, tsa guvnaha ta laghu nda hul ya ná, ta mnduha si nzafta həŋ. Si ta hlaghu hla həŋ ta skwa zay, nda ima inabi, nda sulay fwaɗ mbsak ta ghəŋa ni, da həŋ. Ndaɗaʼa ka gwal si ta ksa slna kawadaga nda həŋ si ta ghuya mnduha wa. Ama iʼi, magaŋ a yu mantsa wu, kabga ta zləŋay yu ta Lazglafta ɗa.

Nəhemiya 7:3

Ka yu nda həŋ mantsa: « Yaha lu gunaŋtá wa tghaha Ursalima ka ta saf a fitik. Ga hawu ya, makəɗ gwal ta nghay laghu ya ná, ŋa hafta taŋ ka ŋerzlafta nda slrata kfur. Ka mbaɗa gwal ma Ursalima ta vgha ka ngha luwa, ta nzatá sanlaha ma sana vliha, ta nzata sanlaha ta wa tghaha taŋ, » ka yu.

Sabi 18:21

Zabap zaba mataba mnduha demdem ta sanlaha ma gwal nda sgit ta həŋ, ta zləŋa Lazglafta, ta vərɗa mnduha, gwal husaŋ nənɓu. Pagha pagha ta həŋ ka maliha ta ghəŋa mnduha dəmbuʼ dəmbuʼ, nda mnduha dərmək dərmək, nda mnduha hutaf mbsak hutaf mbsak, nda mnduha ghwaŋ ghwaŋ.

Danyel 6:4

Tsa Danyel ya ná, malaghu mala ta tsa sanlaha ma maliha ya, nda tsa guvnaha ya tani, kabga mamu sulkum ta malapta ma tsatsi. Ka ndanaptá mgham ta fanaghata ta ghəŋa inda tsa ga mgham ya.

Mbsak 12:7

Mantsa ya a ŋa kwalva ɗa Musa wa. Tsatsi ta nzakway ka mnda ɗa faf yu ta ghəŋ tida ŋa inda həga ɗa.

Mata 24:45

« Wa na ŋərma kwalva nda hiɗa fanam daŋahəga ni həga ni ma dzvu ta inda gwal ksanata slna, ŋa nghapta ni ka həŋ ka dgay ni ta skwa zay ŋa taŋ nda fitika ni na na?

Mata 25:21

Ka daŋahəga ni həga ni nda tsi mantsa: “Ɗina tsa, ŋərma kwalva ka! Manda va tsa nzakwa gha ka ŋərma mndu ma skwi kwitikw ya, ta vlagha vla yu ta skwi dagala. Saghu sa gha da rfu kawadaga nda iʼi,” kaʼa.

1Kwa 4:2

Vərɗa skwi ya ta psə lu da mndu ya fanam lu ta skwi ma dzvu ná, nzakwa ni ka ŋərma mndu.

2Tim 2:2

Skwi ya snaŋ ka da iʼi ta kəma ndəghata masləmtsəkha ya, taghanaf tagha ta ŋərma mnduha ta laviŋtá taghanaftá sanlaha guli.