Nəhemiya 6:1 - Hdi

¹ Ka snaŋtá i Samballat nda Tuviya, nda Gesem la Arap, nda pɗakwa ghumaha mu kazlay baf ba yu ta matsak, ta haɗ sana vli ta pɗata dər ka kiʼa wu kəʼa. Aŋ mndani, kulam ndana ta la a yu da pəghamtá parawalha wa.

Nəhemiya 6:1 ပူးပေါင်းရင်းမြစ်များ

Nəhemiya 13:4

Ma kɗaku tsaya, ka fanamtá lu ma dzvu ta Ilyasiv mnda dra skwi ŋa Lazglafta, ta nghapta ka dzuguviha ta vata həga Lazglafta mu. Zbu tsatsi nda Tuviya,

Nəhemiya 2:10

Manda snaŋta i Samballat mnda la Huruŋ, nda Tuviya la Ghamuŋ, ka kwalva ya, ta sagha mndu da kataŋta la Israʼila, ka kwal tsi zɗəganatá həŋ.

Nəhemiya 2:19

Ka snaŋta i Samballat mnda la Huruŋ, nda Tuviya mnda la Ghamuŋ, ka kwalva ya, nda Gesem mnda la Arap, ka ghuɓas həŋ ta aŋni, ka hərtataŋnata. Ka həŋ mantsa: « Nahgani na skwi ta mag kuni na na? Ta kumay kuni ta dza kuma nda mgham ra? » ka həŋ.

Nəhemiya 3:1

Ka zlrafta Ilyasiv, mali ta ghəŋa gwal dra skwi ŋa Lazglafta nda mnduha ni gwal ta dra skwi ŋa Lazglafta ta maga slna. Ka bəglaftá həŋ kawadaga ta wa tgha Tuwakha. Ka fanamtá həŋ ma dzvu ta Lazglafta, ka pghuŋtá həŋ ta parawalha. Ka payaftá həŋ ta matsak dikw ta dzuguvi nda slra ta hgə lu ka Dərmək ya, ka fanamtá həŋ ma dzvu ta Lazglafta, ka kɗaŋtá həŋ ta fanamtá dikw ta dzuguva Hananiyel da slra ya.

Nəhemiya 3:3

Ka bəglaftá la Sənaʼa ta wa tgha Klipi. Ka tsaftá həŋ ta dzaʼuwaha ni, ka pghuŋtá həŋ ta parawalha ni nda sandlaŋha kfur ni ŋa ŋanata, nda ya ŋa ŋərzlay.

Nəhemiya 3:6

Ka payə i Yuyada zwaŋa Paseʼa, nda Məsulam zwaŋa Besudiya ta Halata wa tgha luwa. Ka tsaftá həŋ ta dzaʼuwaha ni, pghuŋha həŋ ta parawalha ni, nda sandlaŋha kfur ni ŋa ŋanata, nda ya ŋa ŋərzlay.

Nəhemiya 4:1

Ama manda snaŋta i Samballat nda Tuviya, nda la Arap, nda la Ghamuŋ, nda la Asdut kazlay ta payaypayay aŋni ta tsa matsaka Ursalima ya, ta kapaku kapaku, ta gwayaku gwayaku vliha ta zlazlapta kəʼa, ka ɓasaftá həŋ ta ŋuɗuf katakata.

Nəhemiya 7:1

Manda kɗata batá tsa matsak ya, ka pghuŋtá yu ta parawalha. Pghamha yu guli ta gwal dzaʼa ngha wa tgha, nda gwal fa laha, nda la Levi.

Danyel 9:25

Wya skwi ŋa snaŋta gha, ŋa famta gha ma sləməŋ tama: Daga ma saba tsa gwaɗa ta ghəŋa hlagaptá gwal si hlagha lu ya, nda gwaɗa ta bəglaftá luwa Ursalima ya, ha ka sagha fitika zlagapta sana mgham pghanagha lu ta rɗi, dzaʼa nzəɗava nzəɗa lu ka luma ndəfáŋ, nda luma mkuʼ mbsak his mida. Dzaʼa bəglaf ba lu ta tsa luwa ya nda matsaka huzlu ŋa katay, ama dzaʼa mamu ghuya ɗaŋwa ma tsa fitik ya.