Nəhemiya 4:7 - Hdi

⁷ Ka payanatá yu ta vli ma didiŋaha ta hula matsak, nda ya ma vliha ta wa lilwa. Ka paghata yu ta mnduha ta uʼa taŋ ta uʼa taŋ, ka ghuɓu ka ghuɓu, nda hlatá budugwaha taŋ, nda gupaha taŋ, nda lgheɗ taŋ ma dzvu.

Nəhemiya 4:7 ပူးပေါင်းရင်းမြစ်များ

Zlrafta 3:15

Dzaʼa naghunaf na yu ka ghuma nda na marakw na. Mantsa dzaʼa nzakwa tsi mataba zivira gha nda zivira ni. Zivira ni dzaʼa dzaɓaghaptá ghəŋa gha, dzaʼa balay kagha ta durama guli, » kaʼa nda tsi.

2Mgh 24:2

Ka ghwanadaghatá Yawe ta bakuha zləɗa la Kaldiya, nda ŋa la Aram, nda ŋa la Muwav, nda ŋa la Ghamuŋ dika Yəhuyakim ŋa zaɗanata haɗika la Yuda, taɓta gwaɗa ya mna Yawe nda ma wa kwalvaha ni la anabi.

2Rus 20:1

Tahula tsa, ka sliʼaktá la Muwav, nda la Ghamuŋ, nda la Məghuŋ, da vulu nda Yəhusafat.

Izra 5:8

Mgham ɗa! Ɗina ka snaghamta ŋni kazlay sliʼaf sliʼa ŋni ka lab ta haɗika Yahuda da nghanatá həga Lazglafta dagala kəʼa. Ka slanaghatá ŋni ná, ta bay bay la Yahuda ta tsa həga ya nda raratsatá palaha dagala dagala. Ta pghay pghay həŋ ta matala ma muhul. Ɗasuwa nda tva ni ta maga həŋ ta tsa slna ya, kwats kwats nzakwa ni guli.

Nəhemiya 2:10

Manda snaŋta i Samballat mnda la Huruŋ, nda Tuviya la Ghamuŋ, ka kwalva ya, ta sagha mndu da kataŋta la Israʼila, ka kwal tsi zɗəganatá həŋ.

Nəhemiya 2:19

Ka snaŋta i Samballat mnda la Huruŋ, nda Tuviya mnda la Ghamuŋ, ka kwalva ya, nda Gesem mnda la Arap, ka ghuɓas həŋ ta aŋni, ka hərtataŋnata. Ka həŋ mantsa: « Nahgani na skwi ta mag kuni na na? Ta kumay kuni ta dza kuma nda mgham ra? » ka həŋ.

Nəhemiya 4:1

Ama manda snaŋta i Samballat nda Tuviya, nda la Arap, nda la Ghamuŋ, nda la Asdut kazlay ta payaypayay aŋni ta tsa matsaka Ursalima ya, ta kapaku kapaku, ta gwayaku gwayaku vliha ta zlazlapta kəʼa, ka ɓasaftá həŋ ta ŋuɗuf katakata.

Nəhemiya 4:6

Ka mbəɗ la Yahuda ma inda vli ndusa nda həŋ ta səla da aŋni ŋa mnaŋnaŋta. Ta magay səla taŋ taghwaŋ mana mana, ka həŋ mantsa: « Saghuwa sa ta vata aŋni! » ka həŋ.

Nəhemiya 4:8

Tahula nghanata ɗa ta nzakwa mnduha, ka yu nda gwal dagala dagala, nda ya nda la maliha, nda ya nda hamata mnduha mantsa: « Ma zləŋ kuni ta ghumaha ghuni! Havakwahava ta Mghama mu dagala ta malaghutá mbraku, kəʼa. Vulawavula ta vulu ka ŋa zwana ma ghuni, nda zwana ghuni, nda kwagha ghuni, nda miʼa ghuni, nda ya ŋa həgaha ghuni, » ka yu.

Nəhemiya 6:16

Manda snaŋta inda ghumaha ta tsa gwaɗa ya, ka ksaftá tsi ka zləŋ ta inda mndəra sana mnduha ta waŋnafta. Ka ksutá tsi ta həŋ ka hula katakata, kabga snaŋta taŋ kazlay nda kɗa tsa slna ya kəʼa, nda katá mnda Lazglafta mu.

Slna gwal ghunay 5:33

Ka kuzlanaftá tsi ta ŋuɗuf ta tsa gwal dagala dagala ya. Ta kumay həŋ má ta zaɗanatá tsa gwal ghunay ya.

Suna Yuhwana 12:17

Ka ɓasaftá tsa makɗakatandaŋ ya ta ŋuɗuf nda tsa marakw ya. Ka sliʼafta tsi ka laghu da lmu nda pɗakwa zivira tsa marakw ya, gwal ta ŋanatá zlahuha Lazglafta, nda ya nda gwal ta ŋanatá ta nzaku ka masləmtsəka *Yesu.

1Sam 11:2

Ka tsa Nahas ya nda həŋ mantsa: « Ta tsuʼay yu ta dzraftá wi nda kaghuni ta ghəŋa skwi turtuk: Nda ma paslanapta ɗa ta ira zeghwa inda kaghuni. Mantsa ya dzaʼa pghanaghata yu ta hula ta inda la Israʼila, » kaʼa.