Nəhemiya 2:5 - Hdi

⁵ Ka yu nda tsi mantsa: « Ka zɗəgana zɗa tsi ta mgham, ta rfu ŋuɗufa ni guli ta ghəŋa vuʼa ni katsi, vliha vla ta tvi ka dzaʼa yu ta haɗika Yahuda, da luwa ya nda kula dzidzíha ɗa, ka bəglafta yu, » ka yu.

Nəhemiya 2:5 ပူးပေါင်းရင်းမြစ်များ

2Sam 14:22

Ka zləmbatá Yuʼav zlumbruh ta haɗik, ka tsəlɓatá tsi. Ka tfanagha tfa Lazglafta ta wi ta mgham, kaʼa. Kaʼa guli mantsa: « Iʼi kwalva gha, nda sna yu gita kazlay na mutsaf mutsa yu ta zɗakatahuɗi ta wa ira gha, mgham, rvera ɗa, ka si maga maga tsi manda tsa mna yu ya, » kaʼa.

Izra 5:17

Ndana tama, ka si zɗəgana zɗa tsi ta mgham katsi, ka psaŋ psa lu mataba vindiha ŋa ghalya ma həga tska skwa mgham ma Babila. Ka si mamu gwaɗa mna mgham Sirus ta nghanata bəglaftá həga Lazglafta ma Ursalima ya. Tahula tsa, ka tsghəgaŋnaghata mgham ta zlghata wa skwi ya kumaŋ tsatsi ta ghəŋa tsa ɗaway ya, » ka həŋ.

Nəhemiya 2:4

Ka mgham nda iʼi mantsa: « Nu ta ɗaw ka da iʼi tama ɓa? » kaʼa. Ka gi mag yu tsa duʼa da Lazglafta ta luwa.

Nəhemiya 2:6

Ka mgham nda iʼi, ta nzaku markwa taŋ ta vata ni mantsa: « Kidaghi dzaʼa zakta ka ta fitika tsa mayəma gha ya? Yawu dzaʼa vrakta ka? » kaʼa. Ka tsanaftá yu ta fitika ni ta mgham, ka zɗəganata tsi ta mgham, ka zliɗista tsi ŋa dzaʼa.

Asta 1:19

Mantsa tama, ka zɗəgana zɗa tsi ta mgham katsi, ka fa fa tsi ta zlahu ta sab da tsatsi, ka vindamta lu mataba zlahuha Persiya nda Mediya, ŋa kwal kul mbəɗanafta, ŋa kwala Vasti ləglami ta kəma mgham Ahasverus. Ka klafta mgham ta sgita ga mghama Vasti ka vlaŋtá sani ta malaghutá tsatsi.

Asta 5:8

Ka zɗəɗiŋ zɗa mgham ta huɗi, ka zɗəgana zɗa tsuʼiɗifta ni ta ɗaway ɗa, ka magihatá skwi manda ya ta kum yu katsi, ka vrəglak vra tsi da za skwa zay dzaʼa payglafta yu mahtsim guli, kawadaga nda Haman. Tsaya tama, dzaʼa mnana mna yu ta mgham ta skwi ta ndan yu, » kaʼa.

Asta 7:3

Ka Asta, markwa mgham zlghanaftá wi mantsa: « Rvera ɗa, ka zɗəgagha zɗa yu ta nghə ka, zɗəgagha zɗa ɗaway ɗa katsi, zliha zla nda hafu, zlana zla guli ta mndəra ini, ka nzakwa həŋ nda hafu. Tsaya na ɗaway ɗa, tsaya skwi ta kum yu.

Asta 8:5

Kaʼa mantsa: « Rvera ɗa, ka si ta kumay ka ta mariɗiŋtá zɗakwa gha katsi, ka ɗina tsi ta nghə ka ta kəma gha, ka tɗukwa tsa ɗaway ɗa ya katsi, ka zɗəgagha zɗa yu katsi, vindaf vinda ta sana ɗelewerha. Ka nzakwa həŋ ŋa mtanatá tsa ɗelewerha vivindaf Haman zwaŋa Hamədataʼ la Agag, ŋa pslatá inda la Yahuda ma inda haɗikha ta gə ka ta mgham ta ghəŋa taŋ ya.

Danyel 9:25

Wya skwi ŋa snaŋta gha, ŋa famta gha ma sləməŋ tama: Daga ma saba tsa gwaɗa ta ghəŋa hlagaptá gwal si hlagha lu ya, nda gwaɗa ta bəglaftá luwa Ursalima ya, ha ka sagha fitika zlagapta sana mgham pghanagha lu ta rɗi, dzaʼa nzəɗava nzəɗa lu ka luma ndəfáŋ, nda luma mkuʼ mbsak his mida. Dzaʼa bəglaf ba lu ta tsa luwa ya nda matsaka huzlu ŋa katay, ama dzaʼa mamu ghuya ɗaŋwa ma tsa fitik ya.

Mata 23:27

« Ɗaŋwa ŋa ghuni gwal tagha zlahu ŋa mnduha, nda la Farisa. Tsa maɗgwirmaɗgwira ghuni ya! Manda kulu ɓap lu ka ŋusliŋ nzakwa ghuni. Ká ka nda ɗinakwa ni nda ta hula ni, ama nda ma huɗa ni ná, tskata ghudzifa gwal nda rwa, nda ya nda rwatá ŋəɗak yeya mida.

Rut 2:13

Kaʼa mantsa: « Má ka mutsaf mutsa yu ta zɗakatahuɗa gha mghama ɗa. Vliha vla ka ta mbraku, iʼi kurɗa gha, mniha mna ka ta gwaɗa ta ksiɗimtá ta ŋuɗuf, kulam nda nzakwa ɗa kul slafta ka sani mataba kurɗuha gha, » kaʼa.