Nəhemiya 10:34 - Hdi

³⁴ Tsa tsedi ya ná, nda nza ŋa gɗata ta skwa buradi ŋa fanatá Lazglafta, nda mbəhu nda nimaya ta hlakta lu ŋa mbəhu inda fitik, nda skwa pla ghəŋ tsuh tsuh. Nda nza guli ŋa skwa skwi ŋa pla ghəŋ baɗ Sabat, nda ya ma ngha tili, nda ya ma fitika sanlaha ma skaluha ghuni. Nda nza guli ŋa skwa sanlaha ma mbəhuha ta fanata lu ta Lazglafta, nda skwa pla ghəŋ ya ta hladaghata la Israʼila ŋa mutsa pla dmakuha. Nda nza guli ŋa maga inda slna həga Lazglafta mu.

Nəhemiya 10:34 ပူးပေါင်းရင်းမြစ်များ

1Rus 24:5

Ka dagaptá lu ta həŋ nda vindima, kabga mamu maliha ta maga slna ma vli nda ghuɓa, nda gwal ta maga slna ŋa Lazglafta guli mataba mndəra la Ilghazar, nda ya mataba mndəra la Itamar.

1Rus 24:7

Wya hga maliha zabap lu nda vindima: Taŋtaŋa ni Yəhuyariv, mahisa ni Yədaghiya,

2Rus 2:3

Ta kumay yu ta banaftá həga ŋa vlaŋtá sgit ta Yawe, Lazglafta ɗa, ŋa mbəl fanatá mbəhuha, ŋa dranatá urdi zɗa ziʼakwa ni ta kəma ni, ŋa gɗata ta vla gatuha ŋa ni inda fitik, nda ya ŋa vla skwa pla ghəŋ ŋa dray tsuh tsuh ga sərɗək nda ya ga hawu. Mantsa ya ŋa Sabatha, nda ngha tili, nda skala rfuha ŋa Yawe, Lazglafta mu. Nda nza tsaya ka skwi ŋa gɗata la Israʼila ta magay ŋa ɗekɗek.

Izra 3:5

Tahula tsa, ka gɗata həŋ ta vla skwi ŋa dray tsuh tsuh inda fitik, nda skwi ŋa dray inda nghafta tili, nda ya ŋa inda fitik ya fa lu ŋa skalu ŋa Yawe, nda skwiha ŋa dray ya ta vlata gwal ta vla mbəhu nda ɗvay ŋuɗufa taŋ, ŋa Yawe.

Nəhemiya 11:1

Ka nzatá maliha ta ghəŋa mnduha ma Ursalima. Ka vzaftá hamata mnduha ta vindima ŋa zbagaghatá ya turtuk maghwaŋ ŋa nzata ma Ursalima, luwa ya nda fa ŋa Lazglafta, ta nzatá tsa pɗakwa taŋ təmbay ya ma sanlaha ma luwa.

Nəhemiya 13:31

nda ya ká lu dzaʼa vla hasuʼu ta fitika ni ya fa lu, mantsa ya taŋtaŋa yakwa fuha guli. Ari Lazglafta ɗa, havap hava ka iʼi, zɗəɗiŋ zɗa ta huɗi.

La Levi 24:5

Ka Yawe nda Musa mantsa: « Tsəɗaʼa tsəɗa ta hpu kəzlitit ka data ka ta gatu ghwaŋpəɗ his ka kiluʼ mkuʼ mkuʼ.

La Levi 24:6

Ka dzarafta ka ta ndər his mkuʼ mkuʼ ta tabəl ka dasu ghenen ta kəma Yawe.

Mbsak 28:2

« Wya skwiha dzaʼa ka mnanaftá la Israʼila: Yaha kuni nda madərŋəzl ka klaɗikta ma fitika ni ta mbəhuha ɗa nda ɗafa ɗa ka skwa pla ghəŋ ŋa dray ta vu, zɗagiha həlata ni.

Slna gwal ghunay 1:26

Ka vzə həŋ ta vindima. Ka kluta vindima ta Matiyas. Ka gwafta tsi ta vgha kawadaga nda tsa gwal ghunay ghwaŋpəɗ ndeŋ ya.

Yəhusuwa 9:27

Daga baɗ tsa, ka pghatá Yəhusuwa ta la Givyuŋ ka gwal tsanatá hasuʼu, nda zakanatá imi ta guyatá ghəŋa mnduha, nda ya ŋa ta gwira Yawe ma vli ya dzaʼa zbapta Yawe, kulam gita.