Nəhemiya 1:6 - Hdi

⁶ Wya dzvu, fa fa ta sləməŋ, guna guna ta ira gha, ŋa sna duʼa kwalva gha ta mag yu ta kəma gha ndanana, nda fitik tani nda rviɗik tani, ŋa kwalvaha gha la Israʼila, nda mnigiŋtá dmaku la Israʼila, ya maga gha ŋni. Nda iʼi tani, nda gwal ga da ɗa tani, gaga ŋni ta dmaku.

Nəhemiya 1:6 ပူးပေါင်းရင်းမြစ်များ

1Mgh 8:30

Fa fa ta sləməŋ ka sna tawa kwalva gha, nda ŋa mnduha gha la Israʼila, ta mag həŋ ta duʼa nda təv na vli na! Daga ma vli ta nzakw ka ta nzakwa gha, daga ta luwa, tsuʼaŋnaf tsuʼa ta duʼa ŋni, plaŋnaha ka ta dmakwa ŋni!

1Mgh 8:47

ka vraganagha vra həŋ ta ghəŋa taŋ ma tsa haɗik dzaʼa hlaghata lu ta həŋ da ga vuʼa ya, ka vrak vra həŋ da kagha, ka taw həŋ ta taw da kagha ma tsa haɗika gwal ta hlaghatá həŋ ya, ka ka həŋ mantsa: “Gaga ŋni ta dmaku, gaga ŋni ta krughuvi, maga maga ŋni ta ghwaɗaka skwi,” ka həŋ,

2Rus 28:10

Ndanana wana kuni ta kuma pghatá mnduha la Yuda nda la Ursalima, zgwana nda miʼaha tani ka vuʼa ghuni! Gana a kaghuni guli ta dmaku ta Yawe, Lazglafta ghuni ra?

2Rus 29:6

Guv ga dadaha mu ta krughuvi, ghwaɗaka skwi maga həŋ ta wa ira Yawe, Lazglafta mu. Zlanava zla həŋ, ka klaghutá ghəŋ ta vata həga Yawe, ka mbəɗanatá hul.

2Rus 6:40

Ndanana, Lazglafta ɗa, kdəkkdək, guna guna ta iri, ka fata ka ta sləməŋ, ka sna ka ta ndəɓa dzvu ma na vli na!

Izra 10:1

Ma fitika tsəlɓata Izra ta kəma həga Lazglafta ka taw, ka mananaŋtá tsi ta dmakuha ni ta Lazglafta, ta sliʼadaghatá ndəghata la Israʼila zgwana nda miʼaha nda zwani tani da wanafta, ka taw həŋ ta taw ka ŋəɗa ŋəɗa, hahəŋ demdem.

Izra 10:11

Ndana tama, mananaŋwa dmakuha ghuni ta Yawe, Lazglafta dzidzíha ghuni, ka maganata kuni ta skwi ta zɗəganata, dgawa dga ta vgha nda mnduha ta na haɗik na, nda ya nda kwagha taŋ tani, » kaʼa.

Nəhemiya 1:11

Kdəkkdək, mghama ɗa, fa fa ta sləməŋ ka sana duʼa kwalva gha, nda duʼa kwalvaha gha zɗəgana zləŋa hga gha. Magana maga ta skwi ya kumaŋ kwalva gha. Kdəkkdək, vlaŋ vla ta tva mutsafta ni ta zɗakatahuɗi da tsa mndu ya. » Ma tsa fitik ya ná, mndu ta vla ima inabi yu mgham.

Danyel 9:15

Ndanana Mgham Lazglafta ŋni, kagha ta hlagapta nda dzva gha ta mbruta, ta mnduha gha ma haɗika Masar, ka kulaŋta lu ta hga gha ha gita, gagha ga ŋni ta dmaku, gavagha ga ŋni ta sidi.

Danyel 9:20

Ka gɗavatá yu ta maga duʼa, ka mnigiŋtá dmakwa ɗa, nda dmakwa mnduha ɗa la Israʼila, ka vla tawa ɗa ŋa Yawe, Lazglafta ɗa ta ghəŋa ghwá ni nda ghuɓa.

Danyel 9:4

Ka mag yu ta duʼa da Yawe, Lazglafta ɗa, ka mnanaŋtá yu ta dmakuha ŋni, ka yu mantsa: « Ar Mgham Lazglafta, dagala ka, ka makwitkwit ka, ta ŋanata dzratá wi nda zɗaku, nda gwal ya ta ɗvutá kagha, nda gwal ta ŋanatá zlahuha gha:

Danyel 9:5

Gaga ŋni ta dmaku, kwalaghu kwala ŋni ta snatá gwaɗa, ŋa ŋni dmaku, gavagha ga ŋni ta sidi, mbəɗana mbəɗa ŋni ta hul ta zlahuha gha, nda skwiha ya mnaŋna ka ŋa magay.

Danyel 9:8

Ar Yawe! Ŋa ŋni na hula, nda mghamha ŋni tani, nda maliha ŋni tani, nda dzidzíha ŋni, kabga gaghata ŋni ta dmaku.

Lukwa 18:7

Lazglafta yeya dzaʼa kwal kul maganatá zɗaku ta mnduha ni ta wahu da tsi gifitik nda rviɗik tani ŋa gərɗa həŋ rki na?

Lukwa 2:37

ka nzaku tsi ka wadgu. Tghas mbsak fwaɗ mida ima ni. Ma həga Lazglafta ta nzakwa tsi ta ksanatá slna nda fitik tani nda rviɗik tani, nda ma maga duʼa nda suma.

Afisus 2:3

Amu demdem guli, manda tsa nzakwa hahəŋ ya si amu ghalya. Ghwaɗaka skwiha ta kum ŋuɗufa mu, nda ghwaɗaka ndanuha ta ndanu mu, si ta mag mu. Ma tsa nzatá nzakwa mu manda tsaya ná, ma dzaʼa dəɗamdəɗa amu guli da ɓasa ŋuɗufa Lazglafta, ka guram nda va ŋa tsa mnduha ta maga ghwaɗaka skwiha ya.

1Tim 5:5

Tsa vərɗa wadgu ta nzakway ka matuŋulum kul haɗ mndu ŋa kataŋta ya ná, ta Lazglafta fafta tsatsi ta ghəŋa ni. Haɗ ta zlaŋtá maga duʼa, ka tawa ghəŋ da Lazglafta nda fitik tani, nda rviɗik tani, ŋa ɗawa katu da tsi wa.

2Tim 1:3

Ta rfay yu ta Lazglafta ta ghəŋa kagha. Ŋa ni ta maganata yu ta slna nda ŋuɗufa ɗa turtuk, manda ya si ta maganata dzidzíha ɗa. Inda fitika magay ɗa ta duʼa da Lazglafta nda fitik tani nda rviɗik tani ya ná, ta havay yu ta kagha.

1 Yuhwana 1:9

Ala ka si mnigiŋ mna mu ta dmakwa mu nda wa mu katsi, dzaʼa plimispla Lazglafta ta dmakwa mu, ŋa ghuɓiŋta ni ta inda dmakwa mu, ŋa nzakwa mu tsuweɗek ta kəma ni, kabga tsatsi Lazglafta tɗukwa. Skwi mna tsi ta maga maga manda va tsaya.

1Sam 15:11

« Ta hagay yu ta madər nda fata ɗa ta Sawulu ka mgham, kabga mbəɗaghu mbəɗa ta vgha ta vata iʼi. Haɗ ta maga slna nda gwaɗaha ta mnata yu wu, » kaʼa. Ka kuzlanaftá tsi ta Samuyel ta ŋuɗuf, ka han tsi ta wahu ta kəma Yawe petsuweɗ vli.