Nəhemiya 1:5 - Hdi

⁵ ka yu mantsa: « Kdəkkdək, Yawe, Lazglafta ta luwa, Lazglafta dagala, ta malaghutá mbraku, ta ŋanatá dzratá wi, ta maga zɗaku ŋa gwal ta ɗvuta kagha, gwal ta ŋanata zlahuha gha!

Nəhemiya 1:5 ပူးပေါင်းရင်းမြစ်များ

1Mgh 8:23

« Ari Yawe, Lazglafta la Israʼila! Haɗ lazglafta ta gwagwaya vgha nda kagha wu, dər nda gaftək ta luwa, dər ndakalandala ta haɗik! Ta ŋana ŋa ka ta dzratá wa gha nda zɗakwa gha nda kwalvaha gha, gwal ta mbaɗa ta kəma gha nda hya hya ŋuɗufa taŋ!

1Rus 17:21

Mamu sana mndəra mndu dər turtuk ta ghəŋa haɗik manda mnduha gha la Israʼila ra? Ar Lazglafta, sasa ka da varatá həŋ ŋa nzakwa taŋ ka mnduha gha, ŋa tsaftá hga gha, nda ma magata gha ta skwiha ka makwitkwit nda mandərmimiha. Ka ghazliŋtá ka ta kəma mnduha gha varagap ka ma haɗika Masar ta mndəra sanlaha ma mnduha.

Izra 1:2

« Wya skwi mna Sirus mghama Persiya: Inda vli ta gə lu ta mgham ta haɗik ná, vliha vla Yawe, Lazglafta ta luwa ma dzva ɗa. Vərɗa tsatsi ta zbaptá iʼi kazlay: “Biɗifba ta həga ma Ursalima ta haɗika Yuda” kaʼa.

Nəhemiya 2:4

Ka mgham nda iʼi mantsa: « Nu ta ɗaw ka da iʼi tama ɓa? » kaʼa. Ka gi mag yu tsa duʼa da Lazglafta ta luwa.

Nəhemiya 4:14

Ka nda sna kuni ta vyata talakwa, dər ga kuni ya, ka tskakta kuni ta vgha ta vata iʼi. Dzaʼa vulamavula Lazglafta mu ta vulu, » ka yu.

Nəhemiya 4:8

Tahula nghanata ɗa ta nzakwa mnduha, ka yu nda gwal dagala dagala, nda ya nda la maliha, nda ya nda hamata mnduha mantsa: « Ma zləŋ kuni ta ghumaha ghuni! Havakwahava ta Mghama mu dagala ta malaghutá mbraku, kəʼa. Vulawavula ta vulu ka ŋa zwana ma ghuni, nda zwana ghuni, nda kwagha ghuni, nda miʼa ghuni, nda ya ŋa həgaha ghuni, » ka yu.

Nəhemiya 9:32

« Lazglafta ŋni, kagha Lazglafta dagala, ta mbruta, makwitkwit ka, ta ŋana ŋa ka kahwathwata ta dzratá wa gha nda zɗakwa gha ŋa ŋni. Ndanana ná, ma nghə ka ka skwi kwitikw ta inda ghuya ɗaŋwa ya ta gruŋnusta nda mghamha ŋni, nda maliha ŋni, nda gwal ta draŋnatá skwi ŋa Lazglafta, nda anabiha ŋni, nda dzidzíha ŋni, nda inda mnduha gha, zlrafta ta fitika mghamha Asur ha ka sagha ta na fitik na.

Sabi 20:6

Ama ta maranaŋ mara yu ta zɗakwa ɗa ha ka lab ta dəmbuʼata zighiha ta gwal ta ɗvuta iʼi, ta sna zlahuha ɗa.

Vrafta ta zlahu 7:12

« Ka sna sna kuni ta tsa skwiha ŋa magay ya, ka ŋanata, ka ksa slna nda tsi katsi, dzaʼa ŋana ŋa Yawe, Lazglafta ghuni ta dzratá wa ni, nda zɗakwa ni waɗana tsi ta dzidzíha ghuni ya.

Vrafta ta zlahu 7:21

Yaha kuni da zləŋ ta kəma tsa mnduha ya, kabga kawadaga Yawe, Lazglafta ghuni nda kaghuni, tsatsi Lazglafta dagala, ka makwitkwit.

Vrafta ta zlahu 7:9

Grafwa gra kazlay Yawe, Lazglafta ghuni ná, tsatsi turtukwa ni Lazglafta kəʼa. Ta ŋana ŋa dar ta dzratá wa ni nda zɗakwa ni, ŋa inda gwal ta ɗvuta, ta ŋanatá zlahuha ni, ha ka lagha ta zivir dəmbuʼ.