Nəhemiya 1:4 - Hdi

⁴ Na snaŋta ɗa ta tsa gwaɗa ya, ka nzata yu, ka taw yu ta taw, kidaghi fitika ɗa ma taw, ka sumə yu ta suma, ka mag yu ta duʼa ta kəma Lazglafta ta luwa,

Nəhemiya 1:4 ပူးပေါင်းရင်းမြစ်များ

2Sam 12:16

Ka ndəɓu Dawuda ta dzvu da Lazglafta ta ghəŋa tsa zwaŋ ya, ka sum tsi ta suma. Laghwa ni dzagha, ka hanatá tsi ɓərgədaʼ ta haɗik patsuweɗ vli.

2Mgh 22:19

Tsəhala ta haga madər ka, ka hanaganatá ka ta ghəŋa gha ta kəma Yawe snaŋər ka ta skwi mna yu ta ghəŋa tsa vli ya, nda mnduha ta nzakw mida tani, kazlay dzaʼa nzakway tsa luwa ya ka kufik, vli nda ksiʼa kəʼa ya, nda ya ka kuhiŋtá ka ta lguta gha, ka tawatá ka ta taw ta kəma ɗa ya, iʼi guli ná, nda sna yu, ka Yawe mnata.

2Rus 6:13

Si magaf maga Salumuŋ ta sana vla sladu ka ghuva tili, ka fata ma daɓa həga. Mitər his nda rita slrakwa ni nda bughwata ni, mitər nda rita lafa ni ta luwa. Ka laf tsi tida, ka tsəlɓata ta kəma guyatá ghəŋa la Israʼila demdem, ka kapaftá tsi ta dzvuha ni nda ta luwa,

Izra 1:2

« Wya skwi mna Sirus mghama Persiya: Inda vli ta gə lu ta mgham ta haɗik ná, vliha vla Yawe, Lazglafta ta luwa ma dzva ɗa. Vərɗa tsatsi ta zbaptá iʼi kazlay: “Biɗifba ta həga ma Ursalima ta haɗika Yuda” kaʼa.

Izra 10:1

Ma fitika tsəlɓata Izra ta kəma həga Lazglafta ka taw, ka mananaŋtá tsi ta dmakuha ni ta Lazglafta, ta sliʼadaghatá ndəghata la Israʼila zgwana nda miʼaha nda zwani tani da wanafta, ka taw həŋ ta taw ka ŋəɗa ŋəɗa, hahəŋ demdem.

Izra 9:3

Manda snaŋta ɗa ta tsa gwaɗa ya, ka kuhiŋtá yu ta dawra ɗa nda mayafa ɗa, ka kwitsə yu ta swidi ma ghəŋa ɗa, nda ghumay ɗa, ka nzatá yu tuʼuvuk katakata.

Izra 9:5

Ma tsa fitika vla skwa pla ghəŋ ta fitik hawu ya, ka sab yu nda tsa rwatá vgha ɗa ya, ta nda tsa kwahatá lguta ɗa ya yu ta vgha, ka zləmbatá yu ta haɗik, ka tsəlɓata. Ka pghadaftá yu ta dzvu nda ta luwa təv Yawe, Lazglafta ɗa.

Nəhemiya 2:20

Ka yu zlghanaftá həŋ mantsa: « Lazglafta ta luwa ka ghəŋa ni dzaʼa nzata ta hula ŋni. Aŋni kwalvaha ni ya, dzaʼa sliʼaf sliʼa ŋni maga slna ka bəglafta luwa. Haɗ ŋa ghuni mida wu, nzanagha a kaghuni ta ghəŋa Ursalima wu, haɗ mndu dzaʼa havakta ka kaghuni ma na luwa na guli wu, » ka yu.

Nəhemiya 2:4

Ka mgham nda iʼi mantsa: « Nu ta ɗaw ka da iʼi tama ɓa? » kaʼa. Ka gi mag yu tsa duʼa da Lazglafta ta luwa.

Danyel 10:2

Ma tsa fitik ya, ka magatá iʼi Danyel ta luma hkən rəŋ rəŋ ta taw,

Danyel 2:18

Kaʼa nda həŋ mantsa: « Ka tawa kuni ta taw ka ŋəɗa ŋəɗa da Lazglafta ta luwa. Ka ɗawa kuni ta zɗakatahuɗa ni ta ghəŋa tsa suni nda ɗifa ya, ka mnamaŋta tsi, kada kwala lu ta zaɗamata, nda sanlaha ma gwal nda ɗifil da həŋ tani ma Babila, » kaʼa.

Danyel 9:3

Ka zlraftá yu ta suma, ka favatá buhu ka buhwavatá hutiɗif, ka mbəɗavatá yu təv Mgham Lazglafta ka maga duʼa da tsi nda taw nda taw.

Yunusa 1:9

Kaʼa nda həŋ mantsa: « Mnda la Hebru yu, Yawe, Lazglafta ta luwa ta zləŋ yu. Tsatsi ta magaftá drəf nda haɗik, » kaʼa.

La Ruma 12:15

Rfawa rfa ta rfu kawadaga nda gwal ta rfu. Tawawa tawa ta taw kawadaga nda gwal ta taw guli.