« Ka magafta ka ta sundula pitirla nda dasu ghenen. Tida tida dzaʼa taɗagapta ka nda guduma ta səla ni, nda sundula ni, nda ŋulaŋha ni, nda mazalha ni, nda vzlizlaha ni ka skwa turtuk.
Ta lam Musa da tumpula guyaku ŋa gwaɗa nda Yawe, ta snay tsi ta lwi ta gwaɗagapta ka tsatsi nda ta ghəŋa paɗuwa vla pla dmaku ta akwata dzratá wi, ma takataka kerubaha his. Mantsa ya ta gwaɗa tsi ta gwaɗa nda tsi.
« Mnana mna ta Haruna, ka ka nda tsi na: “Ma tsay gha ta vu ta pitirlaha ya ná, ka tsuwaɗaka tsa pitirlaha ndəfáŋ ya ta vli nda ta kəma sundula pitirla,” ka ka, » kaʼa.
« Ma tsa fitik ya, ka zbaptá Yawe ta mndəra la Levi ŋa kla akwata dzratá wa Yawe, ŋa sladata taŋ ta kəma Yawe ka maganatá slna, ŋa tfay taŋ ta wi ŋa mnduha nda hga ni, manda va ya ta mag həŋ ha gitana ya.
