Mbsak 5:7 - Hdi

⁷ Dzaʼa mnigiŋ mna tsa mndu ya ta tsa dmaku ga tsi ya. Dzaʼa vranam vra ta skwa tsa mndu ya manda va vla ni, sganaghaha ta ghəŋa ni ta turtuk ma dgatá sgita tsa skwi ya hutaf.

Mbsak 5:7 ပူးပေါင်းရင်းမြစ်များ

La Levi 26:40

« Dzaʼa mnigiŋ mna həŋ ta dmakuha taŋ, nda ŋa dzidzíha taŋ, ya ká həŋ ɓlanaptá zlahuha ɗa nda ya ka həŋ dzaŋtá kəma nda iʼi.

La Levi 26:41

Tsaya kəl iʼi guli ka dzaŋtá kuma nda həŋ, ka hlaghatá həŋ ta haɗika ghumaha taŋ. Ka hanagana hana həŋ ta təŋata ghəŋa taŋ, ka tsuʼaftá tsanaghatá guma nda tva ni ta krughuva taŋ katsi,

La Levi 5:15

« Ka lagha mndu ka ga ta dmaku nda ɗvay ni a wu, nda ma dmanaftá skwiha nda fa ka ŋa Yawe katsi, dzaʼa klanak kla ta Yawe ta maŋazak kul haɗ maslivinza tida mataba bra rina fisik ka skwa pla ghəŋ ŋa paya tvi. Sgita tseda tsa maŋazak ya ná, taɓ ta ya ta grafta lu ta skwa gra skwi ma həga nda ghuɓa dzaʼa nzakwa tsi. Nda nza tsa maŋazak ya ka skwi ŋa pla ghəŋ ŋa paya tvi.

La Levi 5:16

Ka plata tsa mndu ya ta inda skwiha nda fa ka ŋa Yawe dmanaf tsi ya, sganaghaha ta turtuk ma dgata sgita ni hutaf, ka vlaŋta demdem ta mnda dra skwi ŋa Lazglafta. Ka slərɓapta mnda dra skwi ŋa Lazglafta ta zughu nda tsa maŋazaka pla ghəŋ ŋa paya tvi ya. Dzaʼa plaku dmakwa ni.

La Levi 5:5

Ka ksaf ksa dmakwa sani ma tsa skwiha ya ta mndu katsi, dzaʼa mnigiŋ mna ta dmakwa ni.

La Levi 7:7

Tsa tva skwi ŋa magay nda skwa pla ghəŋ ŋa paya tvi ya ná, manda va tsa tva skwi ŋa magay ŋa pla ghəŋ ŋa ɗawa pla dmaku ya nzakwa ni. Tsa mnda dra skwi ŋa Lazglafta ta magatá tsa slərɓa zughu ya dzaʼa kla sluʼa ni. »

Mbsak 5:8

Ama ka mtu mta tsa mndu gana lu ta dmaku ya, haɗ zba ni ndusa ŋa vranavatá tsa skwi ya wu katsi, vranavatá tsa skwi ya ta mnda dra skwi ŋa Lazglafta ŋa Yawe. Mbəɗa a lu ta maŋazak ŋa pla ghəŋ ŋa slərɓa zughu, dzaʼa klafta lu ŋa slərɓa zughu nda tsa mndu ta gatá dmaku ya wa.

Lukwa 19:8

Ka sladata Zakayus, kaʼa nda Mgham Yesu mantsa: « Sna ɓa Mghama ɗa! Dzaʼa daganaftá slɓahwa gadghəla ɗa yu ta la ka pɗu. Ka mamu mndu si hulgudunus yu ta skwa ni, fwaɗ səla dzaʼa planamta yu ta va tsa skwa ni ya guli, » kaʼa.

Yəhusuwa 7:19

Ka Yəhusuwa nda Ghahaŋ mantsa: « Sagəŋ, vlaŋ vla ta glaku ta Yawe, Lazglafta la Israʼila, ka mnihata ka ta kahwathwata. Mniha mna ta skwi ya maga ka, ma ɗifiha ka, » kaʼa.