Mbsak 34:2 - Hdi

² « Wya skwiha ŋa mnanafta gha ta la Israʼila: Manda lama ghuni da haɗika Kanʼana, wya nzakwa tsa haɗik dzaʼa nzakway ka ŋa ghuni ka haɗika za həga ghuni ya. Haɗika Kanʼana nda mukumaha ni na:

Mbsak 34:2 ပူးပေါင်းရင်းမြစ်များ

Zlrafta 10:19

Kuraghuta kwakwara haɗika la Kanʼana ná, tsaya sliʼafta ni daga ma Tsiduŋ ka laghwi təv Gerar ha ka lagha da Ghaza, ka lab təv Sədum nda Ghamura, nda Adma, nda Tsevuyim ha ka lagha da Lesa.

Zlrafta 17:8

Dzaʼa vlagha vla yu ŋa gha nda zivira gha ta hula gha ta na haɗik ta nzaku ka mida ka mayəm na. Dzaʼa nzakway inda haɗika Kanʼana ka ŋa ghuni ŋa ɗekɗek. Dzaʼa nzakway yu ka Lazglafta tsa zivira gha ya, » kaʼa.

Sabi 23:31

Dzaʼa kwaraghuna kwara yu ta mukuma haɗika ghuni, sliʼafta ta wa drəfa Zaŋwafi ha ka lagha ta wa drəfa la Filisti, nda ya sliʼafta ta wa mtaka Sinay ha ka lagha ta wa ghwa Yufratis, dzaʼa vlaghuna vla yu ma dzva ghuni ta mnduha ta tsa haɗikha ya, ŋa ghazliŋta ghuni ta həŋ ta kəma ghuni.

Mbsak 34:1

Ka Yawe nda Musa mantsa:

Slna gwal ghunay 17:26

Nda ma mndu turtuk zlagagiŋta tsi ta inda mnduha, ka pghata həŋ təɓsaʼ ta ghəŋa haɗik demdem. Ka daganatá fitika inda skwi, kwakwaranaha ta inda taŋ ta haɗik ŋa nzakwa taŋ.

Slna gwal ghunay 26:18

Ŋa gwananata gha ta iri ta həŋ, Ŋa sliʼagapta taŋ ma grusl ka lam da tsuwaɗak, ŋa kwala halaway ka gəgəlta mgham ta ghəŋa taŋ. Lazglafta ta dzaʼa ga mgham ta ghəŋa taŋ. Mantsa ya dzaʼa kəl həŋ ka mutsafta planata dmakwa taŋ, ŋa mutsafta taŋ ta vla nzaku kawadaga nda gwal ta zlghaftá Lazglafta,” » kaʼa.

Afisus 1:14

Ŋa ɗasuɗasu vlamata tsi ta tsa Sulkum ya, ŋa maraŋta ká Lazglafta dzaʼa vlamatá inda pɗakwa skwiha ɗina ɗina dazlay, manda ya mna tsi. Ma tsa fitik dzaʼa mbamafta Lazglafta ŋa ɗekɗek ya dzaʼa tsuʼa mu. Zləzlvama glakwa Lazglafta.

Afisus 1:18

Ta ndəɓay yu ta dzvu da tsi guli ka tsalaghunapta tsi ta ndana ghuni ɗina, kada snaŋta kuni ta tsa ŋərma skwi kəl tsi ka hgaghunata kazlay: Dzaʼa mutsay kuni kəʼa ya. Ta ndəɓay yu ta dzvu guli dzaʼa kəl kuni ka snaŋtá glakwa tsa skwa za həga faghuna tsi nda inda gwal ta nzakway ka ŋa ni ya tani.

Yəhusuwa 11:23

Mantsa ya tama, ka zatá Yəhusuwa ta inda tsa haɗikha ya, manda ya mnanaf Yawe ta Musa. Tahula tsa, ka daganaftá Yəhusuwa ta tsa haɗik ya ta la Israʼila ŋa nzakwa ni ka skwa za həga taŋ, ta mndəra mndu ta mndəra mndu. Ka mbiʼi tsa haɗik ya ta vgha kul haɗ vulu.

Yəhusuwa 13:1

Nda hala Yəhusuwa, lula ima ni. Ka Yawe nda tsi mantsa: « Nda hala ka, lula ima gha, ama ta dagala kwakwarha ŋa zakta.

Yəhusuwa 21:43

Mantsa ya ká Yawe vlaŋtá la Israʼila ta inda tsa haɗikha waɗa tsi ta vlaŋtá dzidzíha taŋ ya. Ka hlutá həŋ demdem, ka nzatá həŋ hada.