Mbsak 32:1 - Hdi

¹ Da la Rubeŋ nda la Gat ná, mamu bra rini ta ndəghuta ka malaghutá mbraku. Nghanata taŋ ta haɗikha Yaghzer, nda kwakwara Gilghat ná, dzaʼa ɗina tsa kwakwar ya ŋa ngha rini.

Mbsak 32:1 ပူးပေါင်းရင်းမြစ်များ

Zlrafta 13:2

Nuna Abram ka gadghəl katakata kabga mamu rina ni, nda tsedi, nda dasu da tsi.

Zlrafta 13:5

Lut ta dzaʼa kawadaga nda Abram ya guli ná, mamu ŋa ni ma rina fisik, nda slaha, nda tumpulha guli.

Zlrafta 29:32

Ka zlghaftá Leʼa ta huɗi, ka yatá tsi ta zwaŋa zgun, ka tsanaftá tsi ta hga ni ka Rubeŋ, kaʼa mantsa: « Nghadap ngha Yawe ta htanata lu ta iʼi, dzaʼa ɗvu ɗva zəʼala ini ta iʼi ndana tama, » kaʼa.

Zlrafta 47:4

Ka həŋ nda Firʼawna mantsa: « Sagha sa ŋni ŋa nzata ta na haɗik na kabga haɗ vli ŋa ngha rina kwalvaha gha wu, dagala maya ta haɗika Kanʼana. Ndanana, ta ndəɓa dzvu kwalvaha gha da kagha, ka vlaŋnata ka ta tvi ka nzata ŋni ta haɗika Guseŋ, » ka həŋ nda Firʼawna.

2Sam 24:5

Ka tsughwaɗaptá həŋ ta zala Yardeŋ, ka fatá həŋ ta ghuɓa taŋ ma Gharugher, nda ga zeghwa luwa ma zlərɗa Gat, ndusa nda Yaghzer.

2Sam 24:6

Ka laghu həŋ da Gilghat nda ya ta haɗika Tatim Husi. Ka laghu həŋ da Daŋ Yaʼaŋ ka mbəɗaghatá vgha ta vata Tsiduŋ.

1Rus 4:41

Ta fitika gá mghama Hizkiya, mghama la Yuda ɓhadaghata tsa mnduha mbəɗaga lu ta hga taŋ ya. Ka hwanzaɓiŋtá həŋ ta tumpulha la Ham nda la Məghuŋ si ta nzakw hada, ka zaɗanatá həŋ nekwnekw ha gita. Ka nzatá həŋ ma vla taŋ, kabga mamu vla kuzuŋ ŋa ngha rina fisika taŋ hada.

Sabi 12:38

Mamu ndəghata mndəra sanlaha ma mnduha guli ta sliʼafta kawadaga nda həŋ, nda rina fisik nda slaha, ndəghundəgha tsa rini ya katakata.

Mbsak 21:32

Ka ghunaftá Musa ta gwal ŋa vitsaptá Yaghzer, ka hlaghutá həŋ ta zwana luwaha ta wanafta. Ka ghəzliŋtá la Israʼila ta la Amuru ma tsa vliha ya.

Mbsak 32:2

Tsaya kəl la Gat nda la Rubeŋ ka lagha slanaghatá i Musa, nda Ilghazar, mnda dra skwi ŋa Lazglafta, nda maliha ta ghəŋa guyatá ghəŋ. Ka həŋ mantsa:

Mbsak 32:26

Zwana ŋni, nda miʼa ŋni, nda bra rina ŋni, nda inda rina ŋni, dzaʼa nzata hadna həŋ ma luwaha Gilghat,

Mbsak 32:3

« Luwaha Ghatarut, nda Divuŋ, nda Yaghzer, nda Nimra, nda Hesbuŋ, nda Ilghale, nda Svam, nda Nevu, nda Beghuŋ,

Mbsak 32:35

nda Ghatrutʼsufaŋ, nda Yaghzer, nda Yugbuha,

Vrafta ta zlahu 33:21

Zbaf zba Gat ka ŋa ni ta haɗik ya malaghu ɗinakwa ni, kabga hada fanata lu ta mayaka mgham. Ka gwaftá tsi ta vgha nda maliha mataba mndəra mndu. Ka maga maga ta slna tɗukwa taɓta ya ta kum Yawe, nda tva skwi ŋa magay, vlaŋ Yawe ta la Israʼila.

Yəhusuwa 13:25

Kwakwara taŋ ná, tsaya Yaghzer, nda inda luwaha Gilghat, nda rita haɗika la Ghamuŋ, dikw da Gharugher mbəŋ nda Raba ya,

Yəhusuwa 22:13

Ka ghunaftá la Israʼila ta i Pinhas zwaŋa Ilghazar mnda dra skwi ŋa Lazglafta ta haɗika Gilghat, ŋa gwaɗganatá mndəra la Rubeŋ, nda mndəra la Gat, nda rita mndəra la Mənase.

Yəhusuwa 22:9

Ka sliʼaftá mndəra la Rubeŋ, nda mndəra la Gat, nda rita mndəra la Mənase ka vraghuta dzagha taŋ. Ka zlanatá həŋ ta sanlaha ma la Israʼila ma Silu ta haɗika Kanʼana, ka laghwi ta haɗika Gilghat, haɗik ya vlaŋ lu ta həŋ manda ya mnaf Yawe nda ma wa Musa.

1 Yuhwana 2:16

Skwi ta mag mnduha ma ghəŋa haɗik ná, maga skwi kumaf sluʼuvgha taŋ nda skwi kumaf ira taŋ ya. Mutsafta taŋ kay guli, glay taŋ ta ghəŋ nda tsi. Mndərga tsaha ya ma nzaku ná, Da mu Lazglafta a ta taghamafta wu. Ŋa na ghəŋa haɗik na mndərga tsaya.

Gwal tsa guma 5:16

Kabgawu kəl ka ka nzata ndusa nda kalakala tuwakha, ka sna vya siŋlaka gwal ngha rini ta hga braha rina taŋ na? Ama mataba la Rubeŋ ta uʼa taŋ ná, tsiŋ a lu ta ghəŋa gwaɗa ta lagha wa!