Mbsak 31:8 - Hdi

⁸ Ta ghəŋa tsa rwatá mnduha ya, ka pslatá həŋ guli ta mghamha Midyaŋ: I Ivi, nda Rekem, nda Tsur, nda Hur, nda Revagh, mghamha Midyaŋ hutaf. Ka dzatá həŋ guli nda kafay ta Bilgham, zwaŋa Bəghur.

Mbsak 31:8 ပူးပေါင်းရင်းမြစ်များ

Mbsak 22:10

Ka Bilgham nda Lazglafta mantsa: « Balak, zwaŋa Tsipur mghama la Muwav ta ghunaktá həŋ, ka həŋ nda iʼi na:

Mbsak 22:4

Ka la Muwav nda galata mnduha la Midyaŋ mantsa: « Nana guyatá ghəŋa na mnduha na dzaʼa zutá vli ta wamafta, manda ya ta niʼavata sla ta kuzuŋ ma vwah, » ka həŋ. Ma tsa fitik ya, Balak, zwaŋa Tsipur ná, tsatsi si mghama Muwav.

Mbsak 22:5

Ka ghunaftá tsi ta gwal ghunay da Bilgham, zwaŋa Bəghur, ma Petur ta wa zala Yufratis ma haɗika la taŋ ŋa mnanata: « Wana sana mnduha hadna ta sliʼagapta ma Masar, ta ndəghanaftá haɗik dəɓaʼ. Wana həŋ ta nzata mbəŋ nda iʼi.

Mbsak 23:10

Wa dzaʼa mbəɗaftá rgitika Yakubu na? Dər turtuk ma dgatá la Israʼila fwaɗ, wa dzaʼa mbəɗafta na? Ka mta vərɗa iʼi ta mtakwa gwal tɗukwa, ka nzakwa kɗavakta ɗa manda ŋa taŋ! » kaʼa.

Mbsak 24:14

Mantsa! Ndanana, nda sliʼa yu da la ini, ama sawi, ka snaghamta yu ta skwi dzaʼa na mnduha na da maganatá mnduha gha ma fitikha ta sagha, » kaʼa.

Mbsak 24:25

Ka sliʼaftá Bilgham ka vraghata ta haɗika ni, ta vraghatá Balak guli ta ŋa ni tvi.

Mbsak 25:15

Tsa makwa dza lu, makwa la Midyaŋ ya ná, Kuzbi hga ni, makwa Tsur, sana mndu ka mali ta uʼa taŋ, mataba mndəra la Midyaŋ ya.

Mbsak 25:18

kabga zlurgwaf zlurgwa həŋ ta kaghuni nda ma nənɓu ya magaghuna həŋ nda ma slna Pəghur, nda ya nda ŋa Kuzbi makuma taŋ, makwa sana mali mataba la Midyaŋ, ya dza lu baɗ slata zləmnda dabga skwi ta maguta ma Pəghur, » kaʼa.

Mbsak 31:16

Wya nana miʼaha na, nda ma gwaɗa Bilgham ta hlamtá la Israʼila da dmata nda Yawe ma skwi ta maguta ma Pəghur, kəl zləmnda ka lanaghata guyatá ghəŋa mnduha Yawe.

Mbsak 31:9

Ka hlaftá la Israʼila ka vuʼa ta miʼa la Midyaŋ, nda zwana taŋ. Ka hlutá həŋ ta inda rina taŋ, nda inda bra rina taŋ, nda inda huzla taŋ.

2 Piyer 2:15

Zluŋ zla həŋ ta vərɗaka tvi, ka zwaɗuta, ka ksaghatá tvi manda ŋa Balama zwaŋa Baswara zɗuguduŋ tsedi ka magatá tsi ta ghwaɗaka skwi ya.

Yuda 1:11

Ɗaŋwa ŋa taŋ, kabga mndərga skwi maga Kayinu ghalya ta mag həŋ. Ka vziŋtá həŋ ta ghəŋa taŋ ka maga ghwaɗaka skwi ŋa mutsa tsedi manda ŋa Balama ghalya guli, ŋa rwakwa taŋ kabga sliʼavafta taŋ nda zlərɗutawi manda ŋa Kurah ghalya.

Suna Yuhwana 19:20

Ka gi ksuta lu ta tsa nimtak ya kawadaga nda tsa ghwaɗaka anabi si ta magatá mazəmzəmha ta kəma tsa nimtak ya. Nda tsa mazəmzəmha maga tsi ya nanaghata tsi ta gwal ta tsuʼaftá ŋizla tsa nimtak ya ka tsəlɓu ŋa skwa wuyay ni ya. Ka pghaghatá lu ta həŋ his his ta ndiri ta ndiri da duda vu ghandand.

Suna Yuhwana 2:14

Ama wya skwiha ta dvaghaghata yu: Mamu sanlaha mataba ghuni ta ɗvutá tagha skwa Bilʼam, ya ta taghanaftá Balak, ka pghamta zwana la Israʼila da ga dmaku, ŋa za sluʼa skwa wuyay, nda ya ŋa maga sliʼiŋsliʼiŋ ya.