Mbsak 31:54 - Hdi

⁵⁴ Ka hlaftá i Musa nda Ilghazar, mnda dra skwi ŋa Lazglafta ta tsa huzlaha ka dasu si da tsa maliha ta ghəŋa dəmbuʼ (1.000) nda maliha ta ghəŋa dərmək (100) ya, ka klaghata da tumpula guyaku ka skwa havu ŋa la Israʼila ta kəma Yawe.

Mbsak 31:54 ပူးပေါင်းရင်းမြစ်များ

Izra 7:5

Buki zwaŋa Avisuwagh, Avisuwagh zwaŋa Pinhas, Pinhas zwaŋa Ilghazar, Ilghazar zwaŋa Haruna ta nzakway ka mali ta ghəŋa gwal ta dra skwi ŋa Lazglafta.

Sabi 28:12

Ka habafta ka ta tsa palaha his ya ta dzvuha badzagaha tsa ifut ya, ŋa nzakwa tsa palaha ya ka skwa havu da la Israʼila. Ka kladaghata Haruna ta tsa hguha taŋ ya ta badzagaha ni his his ta kəma Yawe ka skwa havu.

Sabi 30:16

Zlghafta gha ta tsa kfura tsedi ya da la Israʼila ya ná, ŋa klafta gha ŋa maga slna tumpula guyaku. Dzaʼa nzakway ka skwa havu da la Israʼila ta kəma Yawe kazlay vara vara kuni ta htsiŋa ghuni kəʼa, » kaʼa.

Lukwa 22:19

Ka kapaftá tsi ta buradi, tahula rfanaghatani ta Lazglafta, ka ɓlanaptá tsi, kaʼa mantsa: « Nana na ná, sluʼuvgha ɗa ya vla lu ŋa ghuni, ka maga kuni manda nana ŋa havay ghuni ta iʼi, » kəʼa ka vlaŋtá tsi ta həŋ.

Slna gwal ghunay 10:4

Ka nghə tsi ta tsa duhwala Lazglafta ya nda zləŋ nda zləŋ. Kaʼa mantsa: « Nya ní Mghama ɗa! » kaʼa. « Ɓhadafɓha tsa maga duʼa ta mag ka ya, nda tsa mbaha mnduha ta mbah ka ya da Lazglafta, kəl tsi ka havapta ka kagha.

Yəhusuwa 4:7

ka kuni dzaʼazlay nda həŋ na: “Sladaghu slada zala Yardeŋ ta kəma akwata dzratá wa Yawe. Ta tsughwaɗagaptá tsi ta Yardeŋ, ka sladaghutá zala kul mbaɗa,” ka kuni dzaʼazlay. Dzaʼa gɗa gɗa na palaha na ka skwa havanaktá la Israʼila, ta tsəna mazəmzəm na, » kaʼa.