Mbsak 31:24 - Hdi

²⁴ Baɗ mandəfáŋ fitik, ka ghwaɓiŋta kuni ta lgutha ghuni, ŋa nzakwa ghuni kul tsaɗ lu. Tahula tsaya, dzaʼa vradamta kuni da ghuɓu, » kaʼa.

Mbsak 31:24 ပူးပေါင်းရင်းမြစ်များ

La Levi 11:25

Dər wati ma mndu ta klaftá mbla taŋ, ghwaɓiŋta ni ta lgutha ni, dzaʼa nzakway ka mndu ta tsaɗ lu ha ga hawu.

La Levi 14:9

Baɗ mandəfáŋa fitik, ŋa htsəgliŋta ni ta inda swida ni, nda ŋa ghəŋ tani, nda ghumay tani, nda vlikimha ni tani, ŋa htsiŋta ni ta inda swida ni. Ghwaɓiŋha ta lgutha ni, mbazaghutá mbaza, ŋa nzakwa ni kul haɗ skwa tsaɗa tida.

La Levi 15:13

Ka ta haɗ vgha tsa mndu ya tata mbəzaku wu, tahula tsa, mbəɗafta ni ta fitik ndəfáŋ kada nzəglata tsi kul haɗ tsaɗa tida. Baɗ tsaya, ka ghwaɓiŋta tsi ta lgutha ni, mbazaghuha ta mbaza nda ima dzuɓay. Dzaʼa nza nza kul haɗ tsaɗa tida.

Mbsak 19:19

Dzaʼa wutsikaf wutsika mndu kul haɗ skwa tsaɗa tida ta imi ta tsa mndu nda skwa tsaɗa tida ya baɗ mahkəna fitik, nda ya baɗ mandəfáŋa fitik. Baɗ mandəfáŋa fitik, ŋa nzakwa tsa mndu si nda skwa tsaɗa tida ya ka mndu kul haɗ skwa tsaɗa tida. Tahula tsa, ŋa ghwaɓiŋta ni ta lgutha ni, ka mbazaghuta ni ta mbaza nda imi, ŋa nzakwa ni ka mndu kul haɗ skwa tsaɗa tida ga hawu.

Mbsak 31:23

nda inda skwiha ta ŋaŋtá vu yeya dzaʼa pghadamta kuni da vu ŋa nanafta ka skwi kul tsaɗ lu. Dzaʼa ghuɓay lu guli nda ima ghuɓiŋta. Ka pghamta kuni ma imi ta inda ya kul haɗ ta ŋaŋtá vu.

Mbsak 31:25

Ka Yawe nda Musa mantsa: