Mbsak 3:40 - Hdi

⁴⁰ Ka Yawe nda Musa mantsa: « Mbəɗaf mbəɗa ta inda zumaliha ka zgun ma Israʼila, gwal ta klaftá imi ka tili turtuk ha ka laghwi ta kəma, ka vivindafta ka ta hga taŋ.

Mbsak 3:40 ပူးပေါင်းရင်းမြစ်များ

Mbsak 3:12

« Wya hlaf hla vərɗa iʼi mataba la Israʼila ta la Levi ma vla inda zumali ta tagatá mndər ma inda la Israʼila. La Levi ná, ŋa ɗa həŋ,

Mbsak 3:15

« Mbəɗaf mbəɗa ta mbsaka la Levi ta həga ta həga, ta uʼa taŋ ta uʼa taŋ. Ka mbəɗafta ka ta inda zgun ta klaftá imi ka tili turtuk ha ka laghwi ta kəma, » kaʼa.

Mbsak 3:41

Ama da manaka zumaliha inda la Israʼila ya, ka hlafta ka ta la Levi ŋa nzakwa taŋ ka ŋa ɗa. Ka hlafta ka ta rina la Levi ŋa da manaka zumala inda rina la Israʼila. Iʼi ná, Yawe yu, » kaʼa.

Mbsak 3:45

« Hlaf hla ta la Levi da manaka inda zumaliha la Israʼila, nda rina la Levi ŋa da manaka rina taŋ. Dzaʼa nzakway la Levi ka ŋa ɗa. Iʼi ná, Yawe yu.

Lukwa 10:20

Kulam nda tsa, ma rfu kuni ta rfu kabga snaghunata ghwaɗaka sulkumha ta gwaɗa, rfawa ta rfu ta ghəŋa vindatá hga ghuni ta luwa, » kaʼa nda həŋ.

Filip 4:3

Ka yu ta mnaghatá kagha guli gra ta ksa slna ɗa ná, wya dzvu, kataŋ kata ta tsa miʼaha ya. Nda tsa miʼaha ya, nda Klimaŋ, nda hamata gwal ta ksa slna kawadaga nda iʼi, dagala slna maga həŋ kawadaga nda iʼi, ghuy ghuya ŋni ta ɗaŋwa nda həŋ ta mna gwaɗa Lazglafta ŋa mnduha. Hahəŋ ná, vindaf vinda Lazglafta ta hga taŋ ma defteri ta vindi tsi ta hga gwal ta mutsa hafu.

2Tim 2:19

Tsaw tsa dihatá dughwaŋa skwi thaf Lazglafta ya ná, gigɗavaf a wa. Wya ka lu vindafta ta tsa dughwaŋ ya: « Nda sna Mgham Lazglafta ta gwal ta nzakway ka ŋa ni. » Ka lu guli na: « Inda mndu ta mnay kazlay: Ŋa Mgham Lazglafta yu kəʼa ná, ka mbəɗana mbəɗa tsi ta hul ta maga ghwaɗaka skwi, » kaʼa.

Hebru 12:23

Gavadagha ta vata guyatá vgha mnduha Lazglafta ta nzakway ka zumaliha vindam lu ta hga taŋ ma defteri ta luwa kuni. Gavadagha ta vata mnda tsa guma ta ghəŋa inda mnduha demdem ta nzakway ka Lazglafta kuni, nda ya ta vata sulkuma mnduha tɗukwa, gwal ta kɗanakta ya kuni.

Suna Yuhwana 14:4

Hahəŋ ná, ŋəriŋ a həŋ ta vgha taŋ nda hliri wa. Ksana ksa həŋ ta vgha taŋ, ka nzata həŋ hezleʼ. Mista Zwaŋa Tuwak ta mbaɗa həŋ ta mbaɗa dər ta dzaʼa diga tsi. Varagap mataba mnduha lu ta həŋ. Nda nza həŋ ka taŋtaŋa ni vlaŋ lu ta Lazglafta nda ya ŋa Zwaŋa Tuwak.

Suna Yuhwana 3:5

« Mantsa ya dzaʼa suɗanavata lu ta lguta ŋusliŋ ta mndu dzaʼa zata ghwa. Haɗ yu dzaʼa walaŋta hərɗiŋta hga ni ma deftera ya vindam lu ta hga gwal nda hafu ŋa kɗekedzeŋ wa. Dzaʼa mnaŋ mna yu ta hga ni ta kəma Da ɗa, nda ya ta kəma duhwalha ni kazlay: Ŋa ɗa həŋ kəʼa.