Ka magatá zwana Israʼila manda tsaya. Ka vlaŋtá Yusufu ta mwataha sla ta həŋ manda ya mna Firʼawna. Ka vlaŋtá tsi ta skwa zay ta həŋ ŋa zay taŋ ta tvi.
« Mbəɗaf mbəɗa ta mbsaka la Levi ta həga ta həga, ta uʼa taŋ ta uʼa taŋ. Ka mbəɗafta ka ta inda zgun ta klaftá imi ka tili turtuk ha ka laghwi ta kəma, » kaʼa.
Gwagwata mbsaka inda zgwana ta klaftá imi tili turtuk ha ka laghwi ta kəma mataba la Levi, vivindaf i Musa nda Haruna ta uʼa taŋ ta uʼa taŋ manda ya mnanaf Yawe ta həŋ ná, dəmbuʼ hisambsak his mida (22.000) həŋ.
Mista skwi dzaʼa mnafta i Haruna nda zwana ni dzaʼa maga la Gersuŋ ta inda slna taŋ, dər skwi ŋa hlay taŋ, nda slna taŋ. Ka maranata kuni ta həŋ ta inda skwi ŋa hlay taŋ.
Tsaha ya mbsaka gwal vindaf lu mataba la Kehat ta uʼa taŋ ta uʼa taŋ, inda gwal ta maga slna ma tumpula guyaku. Ka vivindaftá i Musa nda Haruna ta həŋ manda ya mnanaf Yawe ta həŋ nda ma wa Musa.
Tsaha ya mbsaka gwal vivindaf lu mataba la Gersuŋ ta uʼa taŋ ta uʼa taŋ. Ka vivindaftá i Musa nda Haruna ta inda gwal dzaʼa maga slna ma tumpula guyaku manda ya mnaf Yawe.
Tsaha ya mbsaka gwal vindaf lu mataba la Mərari ta uʼa taŋ ta uʼa taŋ. Ka vivindaftá i Musa nda Haruna ta həŋ manda ya mnanaf Yawe ta həŋ nda ma wa Musa.
Manda ya mnaf Yawe, ka vivindaftá lu ta mbsaka taŋ nda snaŋta Musa, ka mbəɗanaftá lu ta həŋ ta inda slna ŋa magay taŋ nda ya ŋa hlay taŋ. Inda mndu nda slna ni manda ya mnanaf Yawe ta Musa.
Ka gavadaghata gwal dra skwi ŋa Lazglafta, la Levi, kabga Yawe, Lazglafta ghuni ta zbapta həŋ ŋa maganatá slna, nda ya ŋa tfa wi nda hga ni ŋa mnduha. Ta gwaɗa taŋ ta dgakwa inda zlərɗa wi, nda inda lmu.
