Mbsak 29:18 - Hdi

¹⁸ nda mbəha nimaya, nda skwi ŋa slranata ŋa tsa lghəŋha ya, nda tsa maŋazakha ya, nda tsa slaɓalakwa maŋazakha ya, taɓta mbsaka ni, manda ya mnaf lu.

Mbsak 29:18 ပူးပေါင်းရင်းမြစ်များ

La Levi 2:1

« Ka ta kumay mndu ta mbəhatá Yawe nda nimaya katsi, tsəɗaʼata ni ta hpu kəzlitit, ka pghanaghatá rɗi tida, pghanaghaha guli ta urdi ŋa dray nda dra.

La Levi 23:18

Ka vlata kuni kawadaga nda tsa buradi ya ta slaɓalakwa maŋazakha ndəfáŋ kul haɗ maslivinza ta həŋ, ya turtuk turtuk vakwa taŋ, nda lghəŋ dɓakwa, nda maŋazakha his ŋa pla ghəŋ ŋa dray tsuh tsuh ŋa Yawe, kawadaga nda mbəha nimaya taŋ, nda ima inabi ŋa slranata. Nda nza tsaya ka skwa pla ghəŋ draf lu ta vu ŋa ɗa, ka skwa pla ghəŋ zɗəgana həlata ni ta Yawe.

Mbsak 28:14

Skwi ŋa slranata nda slra ná, wya həŋ: Ima inabi ka litər his ta lghəŋ turtuk. Litər turtuk nda rita, ta maŋazak turtuk. Litər turtuk ta slaɓalakwa maŋazak turtuk. Tsaya skwa pla ghəŋ ŋa dray tsuh tsuh ma ngha tili. Tili tili, ŋa inda tili ma vaku.

Mbsak 28:7

Ka litər turtuk skwi ŋa slranata ŋa inda slaɓalakwa maŋazak. Ma həga nda ghuɓa dzaʼa slranata lu ŋa Yawe ta ima inabi nda tawa.

Mbsak 29:6

Inda tsa pla ghəŋha ya dzaʼa sganaghata lu ta ghəŋa tsa skwa pla ghəŋ ŋa dray tsuh tsuh ma tili ya, nda mbəha ni ka nimaya, nda skwa pla ghəŋ ŋa dray tsuh tsuh inda fitik, kawadaga nda mbəha ni ka nimaya, nda skwiha taŋ ŋa slranata manda ya mnaf lu. Tsaya skwa pla ghəŋ ŋa dray ta vu zɗəgana həlata ni ta Yawe. »