Mbsak 29:1 - Hdi

¹ « Baɗ taŋtaŋ fitik ma mandəfáŋa tili, dzaʼa mamu kuni nda guyatá ghəŋ nda ghuɓa. Haɗ kuni dzaʼa maga slna baɗ tsaya, manda ya snu kuni ta magay wa. Dzaʼa nzakway tsa fitik ya ŋa ghuni ka fitika vya duli.

Mbsak 29:1 ပူးပေါင်းရင်းမြစ်များ

1Rus 15:28

Inda la Israʼila, ka kladaftá həŋ ta tsa akwata dzratá wa Yawe, ka dzaʼa nda hayayi, nda vya duli, nda vya talakwa, ghudza ndeŋndeŋ, nda dza htimbil, nda dza kəzliŋkəzliŋ.

Izra 3:6

Mantsa tama, daga baɗ zlrafta taŋtaŋa fitik ma tila mandəfáŋ, ka zlraftá həŋ ta vla skwi ŋa dray tsuh tsuh ŋa Yawe. Aŋ mndani, dər má ta zlraf a lu ta thaftá həga Yawe wa.

Nəhemiya 8:2

Mantsa tama, baɗ taŋtaŋa fitik ma tila mandəfáŋ, ka klagaptá Izra, mnda dra skwi ŋa Lazglafta ta tsa deftera zlahu ya ta kəma tskatá mnduha, zgwana, nda miʼaha, nda inda gwal nda mahizl ŋa snaŋta.

Sabi 23:16

Tahula tsa, ŋa skalay ghuni ta skala tska taŋtaŋa ndəhatá yakwa skwiha slgaf kuni ta vwaha ghuni. Gufwak, ta hula kɗiŋta ghuni ta tskatá skwi maga kuni guli ná, ŋa skalay ghuni ta skala nekwatá nimaya ta vwah.

Sabi 34:22

Ka skala kuni ta skala tska taŋtaŋa ndəhatá alkama slgaf kuni ta vwaha ghuni. Gufwak, ŋa skalay ghuni ta skala rfa nekwatá nimaya ta vwah.

La Levi 23:23

Ka Yawe nda Musa mantsa:

La Levi 23:7

Baɗ taŋtaŋa fitik, dzaʼa mamu kuni nda guyatá ghəŋ nda ghuɓa. Haɗ kuni dzaʼa maga slna ya snu kuni ta magay wa.

Mbsak 28:26

« Baɗ fitika skala rfa nekwatá nimaya ta vwah ta kladaghata kuni ta mbəha taŋtaŋa ndəhatá lfiɗa nimaya ŋa Yawe, dzaʼa mamu kuni nda guyatá ghəŋ nda ghuɓa. Haɗ kuni dzaʼa maga dər wati ma slna baɗ tsa fitik ya, manda ya snu kuni ta magay wa.

Mbsak 29:12

« Baɗ maghwaŋpəɗ hutaf fitik ma tila mandəfáŋ, dzaʼa mamu kuni nda guyatá ghəŋ nda ghuɓa. Baɗ tsa fitik ya, haɗ kuni dzaʼa maga slna manda ya snu kuni ta magay wa. Ka skalanata kuni ta skala rfu ta Yawe ka fitik ndəfáŋ.

Mbsak 29:2

Ka vlaŋta kuni ta skwa pla ghəŋ ŋa dray tsuh tsuh zɗəgana həlata ni ta Yawe: Ta lghəŋ dɓakwa turtuk, nda maŋazak turtuk, nda slaɓalakwa maŋazakha ndəfáŋ turtuk turtuk vakwa taŋ. Rini kul haɗ maslivinza ta həŋ,

Mbsak 29:35

Baɗ matghas: Ka tskafta kuni ta tska vgha dagala ŋa skala rfa ghuni. Baɗ tsa fitik ya, haɗ kuni dzaʼa maga slna manda ya snu kuni ta magay wa.