Mbsak 27:21 - Hdi

²¹ Ka sladata tsi ta kəma Ilghazar mnda dra skwi ŋa Lazglafta, ya dzaʼa ɗawafta ŋa ni ta tsata guma Urim ta kəma Yawe. Dzaʼa sna sna i Yəhusuwa nda inda guyatá ghəŋa la Israʼila ta skwiha dzaʼa mnafta tsi dər yawu tsi, » kaʼa.

Mbsak 27:21 ပူးပေါင်းရင်းမြစ်များ

2Sam 21:1

Ta fitika gay Dawuda ta mgham, ka slatá maya ka vaku hkən ta ghəŋ ta ghəŋ. Ka ɗawu Dawuda da Yawe. Ka Yawe nda tsi mantsa: « Nda nza dabga Sawulu, nda la ga taŋ gwal pghiŋtá us, kabga vəl pslata taŋ ta la Givghuŋ, » kaʼa.

Izra 2:63

Ka pyaftá guvna tsa haɗik ya ta həŋ ka za skwi ya fana lu paɗak ta Lazglafta, ha ta sagha mnda dra skwi ŋa Lazglafta tsatsaŋta nda Urim nda ya nda Tumim karaku.

Nəhemiya 7:65

Ka pyaftá guvna tsa haɗik ya ta həŋ ka za skwi ya fana lu paɗak ta Lazglafta, ha ta sagha mnda dra skwi ŋa Lazglafta tsatsaŋta nda Urim nda ya nda Tumim karaku.

Sabi 28:30

Kagha Musa, ka pghamta ka ma tsa zliba ghuva ta dga guma ya ta Urim nda Tumim ŋa klay Haruna ta ghuva ni ta lam tsi ta kəma Yawe. Mantsa, ta lam tsi ta kəma Yawe ya ná, ŋa gɗata ni ta klay ta ghuva ni ta tsa skwiha ta dga guma ŋa la Israʼila ya.

La Levi 8:8

Ka fanamtá Musa ta zliba ghuva. Ma tsa zliba ghuva ya, ka pghamtá tsi ta pala vza vindima ta hgə lu ka Urim nda Tumim ya.

Mbsak 27:17

ta laviŋta klanatá kəma ta həŋ ma vulu dər dzaʼa diga həŋ, kada kwala guyatá ghəŋa mnduha Yawe nzata manda bra rini kul haɗ mnda nghay, » kaʼa.

Mbsak 27:2

Ka lagha həŋ ta kəma i Musa, nda Ilghazar mnda dra skwi ŋa Lazglafta, nda la maliha, nda inda guyatá ghəŋ ta wa tgha tumpula guyaku. Ka həŋ mantsa:

Mbsak 27:20

Ka vlaŋta ka ta faway ma mbrakwa gha, kada sna inda guyatá ghəŋa la Israʼila ta gwaɗa ni.

Mbsak 27:22

Ka magatá Musa manda ya mnanaf Yawe. Ka klaftá tsi ta Yəhusuwa, ka sladanata ta kəma Ilghazar, mnda dra skwi ŋa Lazglafta, nda ya ta kəma inda guyatá ghəŋ.

Mbsak 27:5

Ka kladaghatá Musa ta tsa gwaɗa taŋ ya ta kəma Yawe.

Vrafta ta zlahu 31:3

Yawe, Lazglafta ghuni dzaʼa klaghunatá kəma, tsatsi dzaʼa zaɗanatá na mndəra mnduha ta kəma ghuni na ŋa ghəzlafta ghuni ta həŋ. Yəhusuwa dzaʼa klaghunatá kəma manda ya mna Yawe.

Vrafta ta zlahu 33:8

Wya kəʼa mnata ta ghəŋa Levi: Kagha ta vlaŋtá Tumim nda Urim ta la Levi, gwal klaf ka ka ŋərma mndu, ya dzəghaŋ ka ta həŋ ma Masa, nda ma zlərɗa wi ta wa ima Meriva,

Yəhusuwa 9:14

Mantsa tama, ka tsuʼaftá la Israʼila ta zaʼatá skwa zaya taŋ, ama ɗawaŋ a həŋ ta Yawe ta ghəŋa ni ŋa snanatá skwi ta kum tsi wa.

Gwal tsa guma 1:1

Tahula mtuta Yəhusuwa, ka ɗawaŋtá la Israʼila da Yawe, ka həŋ mantsa: « Tiŋəl la wa mataba ŋni dzaʼa lafi da gəmata nda vulu nda la Kanʼana na? » ka həŋ.

Gwal tsa guma 20:18

Ka sliʼaftá la Israʼila ka laghwi da Betel da ɗawaŋta da Lazglafta, ka həŋ mantsa: « Tiŋəl wa mataba ŋni dzaʼa lafi da vulu nda la Biŋyamiŋ na? » ka həŋ. Ka Yawe mantsa: « Tiŋəl mndəra la Yuda dzaʼa lafi, » kaʼa.

Gwal tsa guma 20:23

Ka laf la Israʼila da taw ta kəma Yawe ha ga hawu, ka ɗawglaŋtá həŋ ta Yawe, ka həŋ mantsa: « Ka vulugəlta ŋni ta na vulu na nda mndəra la Biŋyamiŋ, zwaŋama ŋni ra? » ka həŋ. Ka Yawe mantsa: « Lafwa la da vulay! » kaʼa.

1Sam 14:19

Ta gwaɗ Sawulu ta gwaɗa nda tsa mnda dra skwi ŋa Lazglafta ya ná, ta sgavaghatá sliʼavafta vli kuɗukuts ma ghuɓa la Filisti. Ka Sawulu nda mnda dra skwi ŋa Lazglafta mantsa: « Ma dəgəl ka tagha! » kaʼa.

1Sam 23:9

Snaŋta Dawuda kazlay ta dzərka maga ghwaɗaka skwi Sawulu ta ghəŋa ni kəʼa, kaʼa nda Aviyatar, mnda dra skwi ŋa Lazglafta mantsa: « Klak kla ta ifut! » kaʼa.

1Sam 28:6

Ka ɗawaŋtá Sawulu da Yawe, ama zlghanaf a Yawe ta wi wu, dər ma suni, dər nda ma Urim, dər nda da la anabiha wa.

1Sam 30:7

Ka Dawuda nda Aviyatar, mnda dra skwi ŋa Lazglafta, zwaŋa Ahimelek mantsa: « Wya dzvu klagiɗagha ifut ya, » kaʼa. Ka klanaktá Aviyatar.