Mbsak 26:55 - Hdi

⁵⁵ Nda ma vzaftá vindima kweŋkweŋ dzaʼa dagapta lu ta tsa haɗik ya. Dzaʼa mutsay həŋ ta mayaka taŋ taɓta mbsaka mnduha taŋ, nda ma mndəra taŋ.

Mbsak 26:55 ပူးပေါင်းရင်းမြစ်များ

Mbsak 26:56

Vindima dzaʼa mnaŋtá haɗika za həga inda mndu ma dagay mataba gwal dagala həŋ ma mndəra taŋ, nda gwal kwitikw həŋ ma mndəra taŋ, » kaʼa.

Mbsak 33:54

Ka daguvusta kuni ta tsa haɗik ya ta uʼa ghuni nda ma vzaftá vindima. Gwal dagala ta uʼa taŋ ya, ka vlaŋta kuni ta mayak dagala. Gwal ya kiʼa ta uʼa taŋ ya, ka vlaŋta kuni ta mayak kiʼa. Dər wa dzaʼa mutsay ta haɗika za həga ni ma tsa vli dzaʼa vlaŋta lu nda ma vzaftá vindima ya. Mataba kaghuni ma mndəra ghuni dzaʼa mutsa kuni ta haɗika za həga ghuni.

Mbsak 34:13

Mantsa tama, ka mnanaftá Musa ta la Israʼila kaʼa mantsa: « Tsaya haɗik dzaʼa mutsafta kuni ka haɗika za həga ghuni nda ma vzaftá vindima. Tsaya haɗik mnaf Yawe ŋa vlaŋtá mndəra mnduha təmbay nda rita.

Mbsak 36:2

Ka həŋ mantsa: « Mnanaf mna Yawe ta mghama ɗa ta vlaŋtá haɗik za həga ta la Israʼila, ka dagapta nda ma vzaftá vindima. Ka zlghaftá mghama ɗa da Yawe ta mnafta vlaŋtá haɗika za həga zwaŋama ŋni Tsəlufahat ŋa kwagha ni.

Slna gwal ghunay 1:26

Ka vzə həŋ ta vindima. Ka kluta vindima ta Matiyas. Ka gwafta tsi ta vgha kawadaga nda tsa gwal ghunay ghwaŋpəɗ ndeŋ ya.

Kwalus 1:12

Rfawa rfa ta Dada. Tsatsi ta vlaghunatá mbrakwa mutsa skwiha ɗina ɗina ya payanaf tsi ta mnduha ni ma ga mghama tsuwaɗak.

Yəhusuwa 11:23

Mantsa ya tama, ka zatá Yəhusuwa ta inda tsa haɗikha ya, manda ya mnanaf Yawe ta Musa. Tahula tsa, ka daganaftá Yəhusuwa ta tsa haɗik ya ta la Israʼila ŋa nzakwa ni ka skwa za həga taŋ, ta mndəra mndu ta mndəra mndu. Ka mbiʼi tsa haɗik ya ta vgha kul haɗ vulu.

Yəhusuwa 14:2

Ka dagaftá həŋ ka skwa za həga taŋ manda va ya mnaf Yawe ta Musa: Ka vzaftá həŋ ta vindima ta ghəŋa tsa kwakwarha ya, ŋa daganaftá tsa mndəra mnduha təmbay nda rita ya.

Yəhusuwa 17:14

Ka lagha zivira Yusufu da mnanatá Yəhusuwa, ka həŋ mantsa: « Kabgawu kəl kagha ka vlaŋnatá haɗik turtuktuk ŋa nzakwa ni ka skwa za həga aŋni na, wana tfaŋnagha tfa Yawe ta wi ka yaŋnafta tusak na? » ka həŋ.

Yəhusuwa 18:6

Lawa ka kwakwarapta kuni ta tsa haɗik ya ka mayakha ndəfáŋ, ka sagha kuni da marihata. Mantsa tama, ŋa vzafta ɗa ta vindima ta mayaka inda mndəra mndu ta kəma Yawe, Lazglafta mu.

Yəhusuwa 19:1

Mahisa mayak ya vla lu nda vza vindima guli ná, tsaya ŋa mndəra la Simghuŋ ta uʼa taŋ, ta uʼa taŋ. Ka wanaftá haɗika za həga la Yahuda ta kwakwara taŋ.

Yəhusuwa 19:10

Ka vzəglaftá lu ta vindima ka mahkən, ka dɗaftá tsi ta ŋa mndəra la Zəvuluŋ ta uʼa taŋ, ta uʼa taŋ. Sliʼafta ni nda ga maghura dikw da Sarid kuraghwa haɗika za həga taŋ.

Yəhusuwa 19:17

Ka vzaftá lu ta mafwaɗa vindima, ka dɗaftá tsi ta ŋa mndəra la Yisakar ta uʼa taŋ, ta uʼa taŋ.

Yəhusuwa 19:24

Ka vzafta lu ta mahutafa vindima, ka dɗaftá tsi ta mayaka mndəra la Aser ta uʼa taŋ, ta uʼa taŋ.

Yəhusuwa 19:32

Ka vzaftá lu ta mkuʼ a vindima, ka dɗaftá tsi ta mayaka mndəra la Naftali ta uʼa taŋ, ta uʼa taŋ.

Yəhusuwa 19:40

Ka vzaftá lu ta mandəfáŋa vindima, ka dɗaftá tsi ta mayaka mndəra la Daŋ, ta uʼa taŋ, ta uʼa taŋ.