Mbsak 25:13 - Hdi

¹³ Dzaʼa nzakway tsa dzratá wi ya ŋa granaftá nzakwa ni ka mndu ta maga slna dra skwi ŋa Lazglafta, nda zivira ni tani ŋa ɗekɗek, kabga skwaghutá ta draku ma vla Lazglafta ni, ka slərɓanaptá tsi ta zughu ta la Israʼila guli, » kaʼa.

Mbsak 25:13 ပူးပေါင်းရင်းမြစ်များ

2Sam 21:3

Ka Dawuda nda la Givghuŋ tama mantsa: « Nahgani dzaʼa magaghunata yu na? Kinawu dzaʼa slərɓapta yu ta zughu ma ghwaɗaka skwi suʼu kuni, kada tfanaghata kuni ta wi ta mnduha Yawe, skwa za həga ka ŋa ni na? » kaʼa.

1Mgh 19:10

Kaʼa zlghanaftá wi mantsa: « Ŋava ŋa yu nda inda mbrakwa ɗa ka maganatá slna ta Yawe, Lazglafta mghama gwal vulu. Ama zlanava zla la Israʼila ta dzratá wa gha, ka dzaɓiŋtá həŋ ta gwirha gha, ka pslatá anabiha gha nda kafay. Ka pɗatá iʼi turtukwa ɗa. Ta zba iʼi həŋ guli ŋa dzata, » kaʼa.

1Mgh 19:14

Kaʼa zlghanaftá wi mantsa: « Ŋava ŋa yu nda inda mbrakwa ɗa ka maganatá slna ta Yawe, Lazglafta mghama gwal vulu. Ama zlanava zla la Israʼila ta dzratá wa gha, ka dzaɓiŋtá həŋ ta gwirha gha, ka pslatá anabiha gha nda kafay. Ka pɗatá iʼi turtukwa ɗa, ta zba iʼi həŋ guli ŋa dzata, » kaʼa.

1Mgh 2:27

Ka ghəzliŋtá Salumuŋ ta Aviyatar ma slna dra skwi ŋa Yawe ŋa hɗamtá gwaɗa Yawe ma Silu ta ghəŋa həga ga Iliya.

Nəhemiya 13:29

Ari Lazglafta ɗa! Ma zanap ka ta dmanaf dma taŋ ta slna gwal ta dra skwi ŋa Lazglafta, nda dzratá wa gwal ta dra skwi ŋa Lazglafta, nda ya nda la Levi, maga həŋ ya.

Sabi 29:9

Ka habanata ka ta huɗi ta i Haruna nda zwana ni nda biwir, wawanamta ka ta gwambar ma ghəŋ ta həŋ, ŋa gɗata taŋ ta maga slna dra skwi ŋa ɗa ŋa ɗekɗek. Mantsa ya dzaʼa pghamta ka ta i Haruna nda zwana ni da slna taŋ.

Sabi 32:30

Ga mahtsima ni, ka Musa nda mnduha mantsa: « Gaga kuni ta mghama dmaku. Ndanana, ka ŋla yu da Yawe, dzaʼa mutsay yu kasiʼi ta plighunista ni ta dmakwa ghuni, » kaʼa.

Sabi 40:15

Ka paghanaghata ka ta rɗi ta həŋ manda va ya pghanagha ka ta da taŋ ya ŋa magihata taŋ ta slna dra skwi. Tsa pghanaghatá rɗi ta həŋ ya ná, tsaya dzaʼa fata həŋ ma slna dra skwi ka ŋa ɗa ŋa ɗekɗek ha zivir zivira taŋ, » kaʼa.

La Levi 15:15

Dzaʼa vla vla mnda dra skwi ŋa Lazglafta ta ya turtuk ka skwa pla ghəŋ ŋa ɗawa pla dmaku, sani guli ka skwa pla ghəŋ ŋa dray tsuh tsuh. Mantsa ya dzaʼa slərɓanapta mnda dra skwi ŋa Lazglafta ta zughu ta kəma Yawe, dabga tsa mbəzakwa vgha ni ya.

Mbsak 17:12

Ka klaftá Haruna manda ya mnana Musa, ka hwayadaghatá tsi da taba guyatá ghəŋa mnduha, tsaw nda ghada zlrafta zləmnda mataba mnduha. Ka pghanaghatá tsi ta urdi ŋa dray nda dra, ka slərɓanaptá ta tsi ta zughu ta mnduha.

Mbsak 25:14

Tsa mnda la Israʼila dza lu kawadaga nda tsa makwa la Midyaŋ ya ná, Zimri hga ni, zwaŋa Salu, mali mataba mndəra la Simghuŋ.

Yuhwana 2:17

Ka havaktá duhwalha ni ta skwi ya nda vinda ma gwaɗa Lazglafta tazlay: « Ɗvaf ɗva yu ta həga gha, manda vu ta dra tsi ta iʼi, » kaʼa ya

Hebru 2:17

Tsaya tama kəl tsi ka nzakway ka skwi nda ra ka nuta ni ka gra vgha nda zwana ma ni, kada nzakwa tsi ka mali ta ghəŋa gwal ta dra skwi ŋa Lazglafta. Tsatsi ná, dagala tawa hiɗahiɗa da tsi, ŋərma ya ma slna Lazglafta, ŋa platá dmakwa mnduha.

Hebru 7:11

Ŋa mndəra la Levi ta nzakway ka gwal ta ksa slna Lazglafta, vlaŋta Lazglafta ta zlahu ta la Israʼila. Ama tsa slna taŋ ya ná, slaghwa a ŋa dzanaghatá ghəŋa skwi ya kumaŋ Lazglafta, ta vlaŋtá tsi ta zlahu ta həŋ wa. Ka má si slaghu sla tsi katsi ná, má zbəgla a lu ta sana mali ta ghəŋa gwal ksa slna Lazglafta, manda Melkisedek ya wu, má gi klaʼatá mndu mataba mndəra la Levi manda Haruna má dzaʼa nzakwa tsi.

Yəhusuwa 7:12

Tsaya tama, haɗ la Israʼila dzaʼa ŋəglaŋta da ghumaha taŋ wu, dzaʼa hwayaf hwaya həŋ da ghumaha taŋ. Nda nza vərɗa hahəŋ manda skwiha ŋa zaɗanata nekwnekw. Haɗ yu dzaʼa gɗavata kawadaga nda kaghuni, ka hwanzaɓiŋ a kuni ta tsa skwiha ŋa zaɗanata nekwnekw mataba ghuni ya wa.

1 Piyer 2:5

Kaghuni guli, nzawa nza ka pala nda hafu mida, ya ta kəl lu ka ba həga mndərga ŋa Sulkum, ŋa nzakwa ghuni ka guyata ghəŋa gwal nda ghuɓa ta vla skwi manda ya ta kum Sulkum. Tsaya skwi ta zɗəganatá Lazglafta nda ma Yesu Kristi.

1 Piyer 2:9

Ama kaghuni ya, nda nza kaghuni ka mndəra mndu zabap Lazglafta, ka guyata ghəŋa gwal ta vla skwi ŋa Lazglafta, ka gwal faghu Lazglafta ka ŋa ni. Tsatsi ta hagaftá kaghuni ka hlagaghunapta ma grusl, ka pghaghunamta ma tsuwaɗak ta ndərmim lu nda ndərmima, ŋa mna skwi maga tsi ta malaghutá mbraku.

1 Yuhwana 2:2

Tsatsi ta mtuta ŋa pla ghəŋ kada plimista Lazglafta ta dmakuha mu. Nza a ŋa pla dmakuha amu nda ghəŋa mu wu, laviŋ lava ta pla dmakwa inda mnduha ta ghəŋa haɗik demdem guli.

Suna Yuhwana 1:6

Tsatsi ta namafta ka gwal ta ga mgham, ka gwal ta vla skwi ŋa Lazglafta ta nzakway ka Da ni. Ŋa ni glaku nda mbraku ŋa kɗekedzeŋ. *Amin!

1Sam 2:30

Tsaya tama, ka Yawe, Lazglafta la Israʼila na: “Si mna mna yu kahwathwata kazlay na dzaʼa nzay gwal ga ghuni, nda zivira dzidzíha gha ŋa magihatá slna ŋa ɗekɗek kəʼa, ama ndanana, nzəglata a mantsa ya wu!” ka Yawe mnata. “Ta vlay yu ta sgit ŋa gwal ta vla sgit ŋa ɗa, ama gwal ta kfara iʼi ya, dzaʼa kfaraku hahəŋ guli.