Mbsak 24:9 - Hdi

⁹ Ta frukwa frukwa, ka hanata manda rveri, ka manda markwa rveri a tsi, wa dzaʼa da sliʼanafta? Tfa wi ta ghəŋa mndu ta tfa wi ŋa gha, nda ksiʼa mndu ta ksiʼa kagha! » kaʼa.

Mbsak 24:9 ပူးပေါင်းရင်းမြစ်များ

Zlrafta 12:3

Dzaʼa tfanagha tfa yu ta wi ta gwal dzaʼa tfa wi ŋa gha. Dzaʼa ksiʼaf ksiʼa yu ta gwal dzaʼa ksiʼa kagha. Nda ma kagha dzaʼa mutsa inda mndəra mndu ta haɗik ta tfa wi, » kaʼa.

Zlrafta 27:29

Ka nza mndəra mnduha kavghakavgha ka kwalvaha gha. Ka tsəlɓa mnduha ta haɗikha kavghakavgha ta tsəlɓu ta kəma gha. Ka nza ka ka mgham ta ghəŋa zwana ma gha. Ka tsəlɓa zwana ma gha ta tsəlɓu ta kəma gha. Ka nza mndu ta ksiʼa kagha ka mndu nda ksiʼa, ka nza mndu ta tfaghaghatá wi ka mndu nda tfa wi ta ghəŋa ni, » kaʼa.

Zlrafta 49:9

Yahuda, manda slaɓalakwa rveri ka. Zwaŋa ɗa! Ksa ksa ka ta nimtak ka vraghuta da vla hana gha. Ta nza nza rveri nda nza, ta hana hana nda hana. Wa dzaʼa laviŋtá sliʼanafta na?

1Mgh 10:20

Mamu tsatsatá fwatuha rveriha ghwaŋpəɗ his ta tsa maɗgweraha ni mkuʼ ya, mkuʼ nda ga zlaɓa, mkuʼ nda ga zeghwi. Haɗ skwi ta kəɗ magafta lu manda tsaya dər ma wati ma luwa ta gə lu ta mgham wa.

2Rus 9:18

Mkuʼ madzəɓara tva ŋlu ta tsa dughuruk ya, turtuk vla fa səla ka dasu ndiʼaf lu tida. Mamu vla fa dzvuha ta slərpuha vla nzaku, ka tsatsatá lu ta fwatuha rveriha his ta sladu ndusa nda tsa vla fa dzvuha ya.

Asta 6:13

Ka rusanaftá Haman ta markwa taŋ Zeres, nda inda graha ni ta inda skwi ta slanaghata. Ka tsa graha ni ta vlaŋtá hiɗaku, nda markwa taŋ Zeres ya nda tsi mantsa: « Tsa Murduhay zlraf lu ta vragaghata ta kəma ni ya ná, haɗ sana skwi dzaʼa lavəgliŋta kagha ta maganata wa. Ama, dzaʼa kɗay ka kahwathwata ta vraganatá ghəŋ ta kəma ni. Tsatsi ná, la Yahuda ya, » ka həŋ.

Sabi 23:22

Ama ka fa fa kuni ta sləməŋ ɗina ka snanatá gwaɗa ni, ka ta magay kuni ta inda skwi dzaʼa mnaghata yu katsi, dzaʼa nzakway yu ka ghuma ghumaha ghuni, ka mnda dzaŋtá kuma nda mndu dzaʼa dzaŋtá kuma nda kaghuni.

Mbsak 22:12

Ka Lazglafta nda Bilgham mantsa: « Ma sliʼaf ka mista taŋ, ma ksiʼi ka ta tsa mnduha ya, kabga nda tfa wi ta ghəŋa taŋ, » kaʼa.

Mbsak 22:6

Sawi, kdəkkdək, ka ksiʼiɗifta ka ta na mnduha na, kabga malaghu mala mbrakwa taŋ ta iʼi, kawayaka skwi dzaʼa za za yu ta ghwa, ka ghəzlaftá həŋ ta haɗika ɗa. Nda sna yu, mndu ya tfanagha ka ta wi ná, nda tfa wa ni, mndu ya ksiʼaf ka guli ná, nda ksiʼa, » kaʼa.

Mbsak 23:24

Wana mnduha ta sliʼavata manda markwa rveri, ka sladata manda rveri. Haɗ ta hanata nda hana kada dəghaɗa skwi ksa tsi, ka sa usa skwi dza tsi wu, » kaʼa.

Mbsak 24:10

Ka gufaftá ŋuɗufa Balak ta ghəŋa Bilgham, ka dza dzvu, kaʼa nda tsi mantsa: « Hgagagha ŋa ksiʼa ghumaha ɗa yu ta kagha ná, wana mahkəna səla gha na ta bukwa həŋ nda tfa wi!

Mata 25:40

Ka Mgham dzaʼazlay mantsa: “Kahwathwata ka yu ta mnaghunata ná, inda fitik ya maga kuni ta tsa skwiha ya ŋa zwana ma ɗa gwal ya nda hta katakata ya ná, magihatá iʼi kuni nda tsa.”

Mata 25:45

Ka Mgham dzaʼazlay nda həŋ mantsa: “Kahwathwata ka yu ta mnaghunata, inda fitik ya kul maganatá kuni ta tsa skwiha ya ŋa gwal ya nda hta katakata ya, ŋa ɗa kwalaghuta kuni ta magay nda tsaya.”

Slna gwal ghunay 9:5

« Wa kagha ní Mghama ɗa? » Ka Sawul nda tsi. « Iʼi Yesu ta gə ka ta iri ŋa ɗa yeya,

Vrafta ta zlahu 30:7

Dzaʼa fanagha fa Yawe, Lazglafta ghuni ta inda tsa ksiʼi ya ta ghəŋa ghumaha ghuni, gwal husaŋ kuni ta ghuyay ŋa ghuni ya.