Mbsak 24:17 - Hdi

¹⁷ Ta nghay yu, ama ŋa ndanana a wa. Ta vitsay yu, ama ndusa a wa: Ka sab tekwatsa da Yakubu, ma Israʼila ta sliʼafta dafa ga mgham, ta pslanaptá bizlbizla kuma la Muwav, nda bɗəma inda mndəra la Set.

Mbsak 24:17 ပူးပေါင်းရင်းမြစ်များ

Zlrafta 49:10

Ma həga ga Yahuda dzaʼa gɗavata dafa ga mgham. Ma dzva gwal dzaʼa yata lu ma zivira taŋ dzaʼa nzata mbrakwa ga mgham, ha fitika sagha vərɗa mndani, ya dzaʼa snu ndəghata mndəra mnduha ta gwaɗa da tsi.

2Sam 8:14

Ka fafatá Dawuda ta guvnaha ma Idum. Ma inda Idum fafata tsi ta guvnaha. Ka nutá inda la Idum ka vuʼa Dawuda. Ta vlaŋ vla Yawe ta zatá ghwa ta Dawuda ma inda vli ta lagha tsi.

2Sam 8:2

Ka zatá tsi guli ta ghwa ta ghəŋa la Muwav. Ka hananatá həŋ ta haɗik, ka garaftá tsi ta dzatá vgha taŋ nda tɓaŋ. Tɓaŋ his ya, ŋa pslatá həŋ, tɓaŋ turtuk ya ŋa zlanatá həŋ nda hafu. Ka nzakw la Muwav ka vuʼa mista Dawuda ka pla dzumna ŋa ni.

2Mgh 3:5

Ma mtatá Ahav, ka ganavatá mghama Muwav ta sidi ta mghama la Israʼila.

1Rus 18:2

Ka zatá tsi ta ghwa ta ghəŋa la Muwav, Ka nzakw la Muwav ka vuʼa mista Dawuda ka pla dzumna ŋa ni.

Mbsak 21:29

Wabaw kagha, Muwav! Nda zaɗa kuni gwal ta tsəlɓu ŋa Kəmus! Ta vlatá zwana ni ka gwal hwaya, ta kwagha ni ka gwal kasagha lu ka vuʼa, ma dzva Sihuŋ mghama la Amuru.

Mbsak 24:16

gwaɗa mndu ta sna lwa Lazglafta, nda sna ta skwi ta sagha da Lazglafta Dagala, ta ngha ta skwi ta maranaŋta Lazglafta ta Mbruta, mndu ta zləmbata ta haɗik, ka gunanatá lu ta iri.

Lukwa 1:78

Dagala tawa hiɗahiɗa nda zɗaku da Lazglafta mu kəl tsi ka vlagatá tsuwaɗaka ni manda fitik ta safi gavzlazlaŋ, ka sagha da amu daga ta luwa,

Hebru 1:8

Ŋa Zwaŋa ni ya, wya ka Lazglafta mnata ta ghəŋa ni: « Dughurukwa ga mghama gha Lazglafta ná, nda nza ŋa kɗekedzeŋ. Dafa ga mghama gha ná, nda nza ŋa ga mgham ta ghəŋa mnduha nda tvi tɗukwa.

Hebru 7:14

Nda sna lu guli ta tsatsi kazlay: Sabi ma mndəra la Yuda kəʼa. Nziya ya nza tsi ná, gwaɗaŋ a Musa ta gwaɗa ta ghəŋa tsa mndəra taŋ ya ma fitika gwaɗay ni ta gwaɗa ta ghəŋa gwal ta dra skwi ŋa Lazglafta wa.

2 Piyer 1:19

Ta ghəŋa tsaya guli ná, nda fa ghəŋa ŋni ta gwaɗa ya klak la anabi. Ɗina má ka ŋanata ghuni ɗasuwa ta tsa gwaɗaha taŋ ya, kabga nda nza manda pitirla, ya ta tsuwaɗakaku ma grum. Ɗina ka gɗata ghuni ta snay, ha ka tsaɗata vli, ka safa gumbəzla ŋa nghaŋta ghuni ta tsalatá inda skwi ma ŋuɗufa ghuni.

Yuda 1:11

Ɗaŋwa ŋa taŋ, kabga mndərga skwi maga Kayinu ghalya ta mag həŋ. Ka vziŋtá həŋ ta ghəŋa taŋ ka maga ghwaɗaka skwi ŋa mutsa tsedi manda ŋa Balama ghalya guli, ŋa rwakwa taŋ kabga sliʼavafta taŋ nda zlərɗutawi manda ŋa Kurah ghalya.

Suna Yuhwana 1:7

Wya tsi dzaʼa sagha ma ghwayak. Dzaʼa nda ngha inda mnduha nda ira taŋ, nduk nda tsa gwal ta dzata ya tani. Dzaʼa taway inda mndəra mndu ta taw ta ghəŋa ni. Manda va tsaya dzaʼa nzakwa tsi. Amin!

Suna Yuhwana 11:15

Ka vyata mandəfáŋa duhwala Lazglafta ta ŋa ni ma duli. Ka snaku sana lwiha dagala dagala daga ta luwa. Ka həŋ mantsa: « Mgham Lazglafta ŋni nda Kristani ta ga mgham ta ghəŋa haɗik ndana. Tsatsi dzaʼa ga Mgham ŋa kɗekedzeŋ, » ka həŋ.

Suna Yuhwana 22:16

« Iʼi Yesu ta ghunaftá duhwala ɗa ŋa mnanaŋtá tsa skwiha ya ta *Igliz. Iʼi ná, zivira mghama Dawuda yu, gumbəzla ta wuɗaku ga sərɗək yu, » kaʼa.

1Sam 14:38

Ka Sawulu mantsa: « Gavagaghawa gava da hadna, kaghuni demdem, la mali ta ghəŋa sludziha. Psapwa psa ka nghanata kuni, ka ma wu gata mu ta dmaku gita ya.