Mbsak 22:3 - Hdi

³ Ka ghudzaku la Muwav ta ghudzaku nghanar həŋ ta ndəghatá tsa mnduha ya. Ka ksutá zləŋ katakata ta la Muwav ta kəma la Israʼila.

Mbsak 22:3 ပူးပေါင်းရင်းမြစ်များ

Nəhemiya 13:2

kabga lagha a həŋ da guya la Israʼila nda buradi nda ya nda imi wu, ka laghu həŋ skwatá Bilgham nda tsedi ŋa ksiʼa həŋ, ama ka mbəɗanaftá Lazglafta mu ta tsa ksiʼi ya ka tfa wi.

Sabi 1:12

Ta sgə lu ta ghuya ɗaŋwa ŋa taŋ ya ná, ta sgaku yakwa taŋ nda sga ka zluʼutá vli ha ka husaŋtá la Israʼila ta la Masar.

Sabi 15:15

Ka ksutá zləŋ ta mghamha la Idum, ka ghudzaku maliha ta mbruta ma Muwav, ka tsutá ŋuɗufa inda gwal ta nzaku ma Kanʼana!

Sabi 23:27

Makəɗ kuni ka ɓhadaghata ya ná, dzaʼa ganaf ga yu ta zləŋ katakata ta inda tsa mnduha dzaʼa lam kuni da taba taŋ ya. Dzaʼa hwazlaɓanaf hwazlaɓa yu ta həŋ. Da zləŋa iʼi ná, səla ma warga ma ghumaha ghuni.

Vrafta ta zlahu 2:25

Daga gita dzaʼa zlrafta yu ta favaghunatá zləŋay mnduha demdem ta ghəŋa haɗik ta zləŋ ta kaghuni. Na snaŋ sna həŋ ta gwaɗa ta kaghuni, dzaʼa ghudzaku həŋ ka zləŋ katakata dabga kaghuni,” » kaʼa.

Yəhusuwa 2:24

Ka həŋ nda Yəhusuwa mantsa: « Kahwathwata na, vlama vla Yawe ma dzva mu ta inda tsa haɗik ya. Dər gwal ma tsa haɗik ya guli ná, nda ghudza həŋ da zləŋ, ŋaŋta a həŋ da amu wu, » ka həŋ.

Yəhusuwa 9:24

Ka həŋ zlghanaftá Yəhusuwa mantsa: « Wya skwi kəl ŋni ka mnay mantsa ya: Snaŋnagha sna kazlay na, mnanaf mna Yawe, Lazglafta gha ta Musa kwalva ni kazlay na dzaʼa zlaghunaŋ zla ta inda na haɗikha na, ŋa zaɗanata ghuni ta mnduha mida kəʼa. Ka zləŋaftá ŋni ta kaghuni katakata, nda hafa ŋni, tsaya kəl ŋni ka magay mantsa.