Mbsak 22:12 - Hdi

¹² Ka Lazglafta nda Bilgham mantsa: « Ma sliʼaf ka mista taŋ, ma ksiʼi ka ta tsa mnduha ya, kabga nda tfa wi ta ghəŋa taŋ, » kaʼa.

Mbsak 22:12 ပူးပေါင်းရင်းမြစ်များ

Zlrafta 12:2

Dzaʼa yagap ya yu ta ndəghata mndəra mndu ma kagha, dzaʼa tfaghagha tfa yu ta wi, dzaʼa ŋlanaf ŋla yu ta hga gha. Nda ma kagha dzaʼa mutsa sanlaha ta tfa wi.

2Rus 31:10

Mantsa tama, ka Ghazaryahu mali ta ghəŋa gwal dra skwi ŋa Lazglafta ma zivira Tsaduk mantsa: « Daga ka yawu zlrafta hlaktá mbəhuha da həga Yawe ná, mamu skwa zay ka baghaku, nda ya ka haslay katakata, kabga tfanagha tfa Yawe ta wi ta mnduha ni. Tsa haslata ni ya nana, » kaʼa.

Mbsak 22:11

“Wana sana mnduha ta sab ma Masar, ka ndəghanaftá həŋ ta haɗik dəɓaʼ. Sawi da ksiʼiɗiftá həŋ, kawayaka skwi dzaʼa za za yu ta ghwa ta ghəŋa taŋ, ka ghəzlaftá həŋ,” » kaʼa.

Mbsak 22:13

Ga sərɗək ga mahtsima ni, ka sliʼaftá Bilgham, kaʼa nda tsa maliha ghunaf Balak ya mantsa: « Vrawa vra ta haɗika ghuni, kabga kwalaghu kwala Yawe ta zliɗista ka dzaʼa mista ghuni, » kaʼa.

Mbsak 22:6

Sawi, kdəkkdək, ka ksiʼiɗifta ka ta na mnduha na, kabga malaghu mala mbrakwa taŋ ta iʼi, kawayaka skwi dzaʼa za za yu ta ghwa, ka ghəzlaftá həŋ ta haɗika ɗa. Nda sna yu, mndu ya tfanagha ka ta wi ná, nda tfa wa ni, mndu ya ksiʼaf ka guli ná, nda ksiʼa, » kaʼa.

Mbsak 23:23

Laviŋ a lu ta magatá la Yakubu wu, dər vzafta mandaŋ ta la Israʼila wa. Ta ghəŋa la Yakubu, la Israʼila ya, ngha ta ŋərma skwi ta maga Lazglafta!

Mbsak 23:3

Ka Bilgham nda Balak mantsa: « Slada slada ta vata na pla ghəŋa gha ŋa dray tsuh tsuh na, ta diʼiŋaghutá iʼi, kawayaka skwi dzaʼa sagha sa Yawe da guyaku nda iʼi. Gwaɗa ya dzaʼa sniɗimta tsi dər kinawu nzakwa ni, dzaʼa mna gha mna yu, » kaʼa. Ka laghu tsi ta sana kuɗuŋur dɗay.

Mbsak 23:8

Waká yu dzaʼa ksiʼa mndu kul ksiʼaftá Lazglafta na? Waká yu dzaʼa ɓadziŋtá mndu kul ɓadziŋtá Yawe na?

Mbsak 24:9

Ta frukwa frukwa, ka hanata manda rveri, ka manda markwa rveri a tsi, wa dzaʼa da sliʼanafta? Tfa wi ta ghəŋa mndu ta tfa wi ŋa gha, nda ksiʼa mndu ta ksiʼa kagha! » kaʼa.

Mata 27:19

Ta nzaku Pilat ma vla tsa guma tama, ka ghunafta markwa taŋ ta mndu ŋa mnanata kazlay: Ma fam ka ta ghəŋa gha ma gwaɗa ta na mndu kul haɗ dmakwa ni na. Ya ghuy ghuya yu ta ɗaŋwa katakata ta ghəŋa na mndu na ma suna ɗa ta na rviɗik gita u na kəʼa.

La Ruma 11:29

Skwi ya vla Lazglafta, nda hgu ya hgaf tsi ná, haɗ ta mbəɗglanafta wa.

Afisus 1:3

Zləzlvama Lazglafta ta nzakway ka Da ni mamgham *Yesu *Kristi. Tsatsi ta tfamaghatawi ma vlamata ni ta inda skwi ɗina ɗina daga ta luwa ŋa kataŋtá sulkuma mu. Nda ma ndiʼatá vgha mu nda Yesu Kristi magamata tsi.

Vrafta ta zlahu 2:7

Tfaghunagha tfa Yawe, Lazglafta ghuni ta wi ma inda slna ghuni. Tsatsi si ta nghapta ka kaghuni ma mbaɗa ya mbaɗ kuni ma tsa mghama mtak ya. Kawadaga Yawe, Lazglafta ghuni nda kaghuni ma tsa vaku fwaɗ mbsak ya, haɗ sana skwi pɗa kuni wu,” kaʼa.

Vrafta ta zlahu 23:5

Ta sab kuni ma Masar ná, kwalaghu kwala həŋ ta sabi da gəma kaghuni nda buradi nda ya nda imi, ta tvi. Mbəha mbəha həŋ kay guli ta Bilgham zwaŋa Bəghur, mnda la Petur ma Mesuputami ŋa ksiʼafta ni ta kaghuni.

Vrafta ta zlahu 28:6

Dzaʼa nda tfa wi ta ghəŋa kaghuni ma ɓhakta ghuni nda ya ma sliʼa ghuni.

Vrafta ta zlahu 33:29

Rfa ta rfu kagha Israʼila! Wa ya manda kagha, mndu ya mbanaf Yawe na? Nda nza ka zalam, ta kata kagha, nda nza guli ka kafay zaghatá ghwa. Dzaʼa tsəlɓu ghumaha gha da kagha, ama kagha dzaʼa ŋlaf ŋala ka ta həŋ, » kaʼa.

Vrafta ta zlahu 7:14

Dzaʼa nzakway kuni ka gwal nda tfa wi ta ghəŋa taŋ ka malaghuta inda mnduha. Slanaghata a lu ta zgun ka marakw a tsi ka dzəghəŋ mataba ghuni, dər mataba rina ghuni wa.