Mbsak 21:4 - Hdi

⁴ Ka sliʼaftá la Israʼila ta ghwá Hur, ka labi nda ta tva drəfa Zaŋwafi, ka tsanaghatá wara ta haɗika Idum, ama ka traptá həŋ ta ksa ŋuɗuf kabga diʼiŋata ni.

Mbsak 21:4 ပူးပေါင်းရင်းမြစ်များ

2Mgh 3:8

Kaʼa guli mantsa: « Nda ta wati tvi dzaʼa ŋla mu na? » kaʼa. Ka Yəhuram mantsa: « Nda ta mtaka Idum, » kaʼa.

Sabi 6:9

Ka rusanaftá Musa manda va tsaya ta la Israʼila, ama ka kwalaghutá həŋ ta snay, kabga nda hwaɗa ghəŋa taŋ da tsa ndəgakwa slna ta mag həŋ ya.

Mbsak 14:25

Ndanana ná, wa a la Ghamalek nda la Kanʼana ta nzaku ma didiŋa. Mahtsim, ka mbəɗa kuni ta vgha, ŋa ksa tvi nda ma mtak, təv drəfa Zaŋwafi, » kaʼa.

Mbsak 20:27

Ka magatá Musa manda ya mnanaf Yawe. Ka laf həŋ ta ghwá Hur ta wa ira inda guyatá ghəŋa mnduha.

Mbsak 32:7

Kabgawu ta kəl kuni ka rwa vgha ŋa la Israʼila ta dzaʼa tsughwaɗadamta da haɗik ya vlaŋ Yawe ta həŋ na?

Mbsak 32:9

Ka ŋladaftá həŋ da didiŋa Iskul. Manda vitsapta taŋ ta tsa haɗik ya, ka rwanatá həŋ ta vgha ta la Israʼila ŋa kwala taŋ lami da tsa haɗik vlaŋ Yawe ta həŋ ya.

Mbsak 33:41

Ka sliʼaftá la Israʼila ta ghwá Hur, ka fatá həŋ ta ghuɓa taŋ ma Tsalmuna.

Slna gwal ghunay 14:22

Ka vlaŋtá həŋ ta mbraku ta tsa gwal zlghay nda ŋuɗuf ya, ŋa dihavata taŋ ma zlghay nda ŋuɗufa taŋ. « Nda ma ghuya ɗaŋwa kavghakavgha dzaʼa lama lu da ga mghama Lazglafta, » ka həŋ, nda həŋ.

Vrafta ta zlahu 1:40

Ama kaghuni, mbəɗavawa mbəɗa ka dzaʼa kuni da mtak nda ta tva drəfa Zaŋwafi ya,” kaʼa.

Vrafta ta zlahu 2:1

« Ka mbəɗaghatá mu ta vgha ka laghwi nda ma mtak, ka ksaghatá tvi ta dzaʼa təv drəfa Zaŋwafi, manda va ya mnaɗif Yawe. Ka nzəɗavatá mu gerger ta wawaku ta ghwáha Seghir.

Gwal tsa guma 11:18

Ka mbaɗ həŋ ta mbaɗa ma mtak, ka tsanaghatá warawara ta haɗika Idum nda haɗika Muwav, ka ɓhadaghatá həŋ nda təv safa fitik ta haɗika la Muwav. Ka fatá həŋ ta ghuɓa taŋ ta ɓla Arnuŋ, lam a həŋ da haɗika Muwav wu, kabga Arnuŋ ná, mukuma nda la Muwav ya.