Mbsak 20:21 - Hdi

²¹ Mantsa ya ká Idum pyaftá laba la Israʼila ta kwakwara ni, ka ksaghatá la Israʼila ta sana tvi.

Mbsak 20:21 ပူးပေါင်းရင်းမြစ်များ

2Rus 20:10

Ndanana, wana la Ghamuŋ, nda la Muwav, nda mnduha ta kwakwar ta ghwá Seghir, ya kul vlaŋtá ka ta tvi ta la Israʼila ŋa labi nda mida ta sab həŋ ma haɗika Masar, ka mbəɗaghutá la Israʼila ta vgha təv sani, ka zlanatá həŋ ta zaɗanatá həŋ.

Mbsak 21:23

Ama ka kwalaghutá Sihuŋ ta vlaŋtá tvi ta la Israʼila ŋa labi nda ma kwakwara ni. Ka tskanatá tsi ta inda mnduha ni. Ka sabi həŋ da guyata nda vulu nda la Israʼila ma mtak. Ka lagha tsi da Yahats. Hada, ka guyatá tsi nda vulu nda la Israʼila.

Mbsak 21:4

Ka sliʼaftá la Israʼila ta ghwá Hur, ka labi nda ta tva drəfa Zaŋwafi, ka tsanaghatá wara ta haɗika Idum, ama ka traptá həŋ ta ksa ŋuɗuf kabga diʼiŋata ni.

Vrafta ta zlahu 2:27

“Zlaŋna zla ka laba ŋni nda ma haɗika gha! Dzaʼa lab nda ta tvi dagala, haɗ ŋni dzaʼa mbəɗavata dər nda ga zeghwi dər nda ga zlaɓa wa.

Vrafta ta zlahu 2:29

Ya manda tsaya zlaŋnata mndəra la Ghesav ta nzakw ma Seghir, nda mndəra la Muwav ta nzakw ma Ghar ya. Zlaŋnaŋ zla ta tvi ha ka tsughwaɗapta ŋni ta Yardeŋ, ka ɓhadaghata ŋni ta haɗik ya vlaŋna Yawe, Lazglafta ŋni,” ka yu.

Vrafta ta zlahu 23:7

Yaha kuni da walaŋta zba nzata taŋ ɗughwana, dər nzata taŋ ləŋləŋ ka tata hafu kuni.

Gwal tsa guma 11:17

Ka ghunaftá la Israʼila ta gwal ghunay da mghama Idum nda mnay kazlay na: “Vlaŋna vla ta tvi ka laba ŋni nda ma haɗika gha,” kəʼa. Ama ka kwalaghutá mghama la Idum. Ka ghunaftá həŋ guli da mghama Muwav, ka kwalaghutá tsaya guli. Mantsa tama, ka nzatá la Israʼila ma Kades.

Gwal tsa guma 11:18

Ka mbaɗ həŋ ta mbaɗa ma mtak, ka tsanaghatá warawara ta haɗika Idum nda haɗika Muwav, ka ɓhadaghatá həŋ nda təv safa fitik ta haɗika la Muwav. Ka fatá həŋ ta ghuɓa taŋ ta ɓla Arnuŋ, lam a həŋ da haɗika Muwav wu, kabga Arnuŋ ná, mukuma nda la Muwav ya.

Gwal tsa guma 11:24

Haɗ kagha ta ŋanatá ya vlagha Kəmus, lazglafta gha, ka ŋa gha wu ra? Haɗ aŋni dzaʼa klaghuta ka ŋa ŋni guli ta ya vlaŋna Yawe, Lazglafta ŋni ta kəma ŋni, ka laviŋta ŋni ta klaghuta ŋa ŋa ŋni wu ra?