Mbsak 19:7 - Hdi

⁷ Tahula tsa, ŋa ghwaɓiŋta mnda dra skwi ŋa Lazglafta ta lgutha ni, mbazaghuha ta mbaza nda imi, ŋa vraghuta ni da ghuɓu, ama ka nzata tsi ka mndu ta tsaɗ lu ha ga hawu.

Mbsak 19:7 ပူးပေါင်းရင်းမြစ်များ

La Levi 11:24

Wya nimtakha nda rini dzaʼa nighunista ka gwal ta tsaɗ lu. Dər wati ma mndu ta ksaŋtá mbla taŋ, dzaʼa nda nza kuni ka gwal ta tsaɗ lu ha ga hawu.

La Levi 11:25

Dər wati ma mndu ta klaftá mbla taŋ, ghwaɓiŋta ni ta lgutha ni, dzaʼa nzakway ka mndu ta tsaɗ lu ha ga hawu.

La Levi 11:27

Inda skwi fwaɗ səla mista ni ta mbaɗa nda huɗa səla ná, skwi ta tsaɗ lu tsaha ya da kaghuni. Dər wa ta ksaŋtá mbla taŋ, dzaʼa nzakway ka mndu ta tsaɗ lu ha ga hawu.

La Levi 11:28

Dər wati ma mndu ta klaftá mbla taŋ, ghwaɓiŋta ni ta lgutha ni, dzaʼa nzakway ka skwi ta tsaɗ lu ha ga hawu. Skwiha ta tsaɗ lu tsaha ya da kaghuni.

La Levi 11:31

Mataba inda skwiha ta gigɗa vgha ta haɗik, tsaha ka skwiha ta tsaɗ lu da ghuni ya, dər wati ma mndu ta ksaŋtá mtata ni, dzaʼa nzakway ka mndu ta tsaɗ lu ha ga hawu.

La Levi 11:32

Inda huzla dzaʼa dɗafta mbla dər wati ma tsa skwiha ya tida, nda nza tsa skwi ya ka skwi ta tsaɗ lu, dər ta huzla ka udzu tsi, dər ta lgut tsi, dər ta huta tsi, dər ta buhu tsi, inda huzla ta ksə lu ta slna nda tsi. Dzaʼa ghuɓiŋ ghuɓa lu nda imi, ŋa nzata ni ka skwi ta tsaɗ lu ha ga hawu. Ta hula tsaya ŋa nzəglata ni ka skwi kul tsaɗ lu.

La Levi 11:39

Ka lagha sani mataba nimtak ka rini ta zə a tsi, ka mtuta katsi, tsa mndu dzaʼa ksaŋtá mbla ni ya ná, nda nza ka mndu nda skwa tsaɗa tida ha ga hawu.

La Levi 11:40

Mndu dzaʼa zutá mbla sani ma tsa skwiha ya, ghwaɓiŋta ni ta lgutha ni, ka nzata ni ka mndu nda skwa tsaɗa tida ha ga hawu. Mndu dzaʼa klaftá mbla ni, ghwaɓiŋta ni ta lgutha ni, ka nzata ni ka mndu nda skwa tsaɗa tida ha ga hawu.

La Levi 14:46

Ka lam la mndu da tsa həga ya ma tsa fitika hafta lu ya, nda nza tsa mndu ya ka mndu ta tsaɗ lu ha ga hawu.

La Levi 15:5

Ka ksaŋ ksa mndu ta ghəzləŋa ni, ghwaɓiŋta ni ta lgutha ni, ka mbazaghuta ni ta mbaza. Dzaʼa nza nza ka mndu ta tsaɗ lu ha ga hawu.

La Levi 22:6

Dzaʼa nza nza tsa mndu ta ksaŋtá tsa skwiha mantsa ya ka mndu ta tsaɗ lu ha ga hawu. Haɗ dzaʼa ɗaŋtá tsa mbəhuha nda ghuɓa ya ta kul mbazaghutá tsi ta mbaza wa.

Mbsak 19:10

Tsa mndu ta faɗaftá hutiɗifa tsa sla ya ná, dzaʼa ghwaɓiŋ ghwaɗa tsatsi ta lgutha ni guli, ka nzata ni ka mndu ta tsaɗ lu ha ga hawu. Dzaʼa nzakway ka zlahu ŋa ɗekɗek ŋa la Israʼila, mantsa ya matbayha ta nzaku ma səla taŋ, » kaʼa.

Mbsak 19:19

Dzaʼa wutsikaf wutsika mndu kul haɗ skwa tsaɗa tida ta imi ta tsa mndu nda skwa tsaɗa tida ya baɗ mahkəna fitik, nda ya baɗ mandəfáŋa fitik. Baɗ mandəfáŋa fitik, ŋa nzakwa tsa mndu si nda skwa tsaɗa tida ya ka mndu kul haɗ skwa tsaɗa tida. Tahula tsa, ŋa ghwaɓiŋta ni ta lgutha ni, ka mbazaghuta ni ta mbaza nda imi, ŋa nzakwa ni ka mndu kul haɗ skwa tsaɗa tida ga hawu.

Mbsak 19:21

Dzaʼa nzakway ŋa taŋ ka zlahu ŋa ɗekɗek. Tsa mndu ta wutsika ima kliŋtá tsaɗa ta mndu ya, dzaʼa ghwaɓiŋ ghwaɓa tsatsi guli ta lgutha ni. Dər wati ma mndu ta ksaŋtá ima ghuɓiŋta mndu ya, dzaʼa nza nza ka mndu ta tsaɗ lu ha ga hawu.

Mbsak 19:22

Inda skwi dzaʼa ksaŋta tsa mndu ta tsaɗ lu ya, dzaʼa nda nza ka skwi ta tsaɗ lu. Dər wati ma mndu dzaʼa ksaŋtá tsa skwi ta tsaɗ lu ya, dzaʼa nza nza ka mndu ta tsaɗ lu ha ga hawu.

Mbsak 19:8

Tsa mndu ta driŋtá tsa sla ya, ŋa ghwaɓiŋta ni ta lgutha ni guli, mbazaghuha ta mbaza nda imi, ka nzata ni ka mndu ta tsaɗ lu ha ga hawu.

Hebru 13:11

Tsa mali ta ghəŋa gwal dra skwi ŋa Lazglafta mataba la Yahuda ya ná, usa rini ŋa ni ta kladamta da tsa vli nda ghuɓa katakata ya, ŋa pla dmaku. Ama sluʼa tsa rini ya, ta driŋta tahula luwa lu.