Mbsak 19:13 - Hdi

¹³ Dər wati ma mndu ta ksaŋtá mbla mnda səla ya ta mtuta, ka nzakw tsi ka mndu ta tsaɗ lu, nda tsa imi ta ghuɓiŋtá mndu tsaya, niŋ na ka skwi ta tsaɗ lu ta həga tumpula Yawe. Dzaʼa kliŋ kla lu ta tsa mndu ya mataba la Israʼila, kabga kwala lu kul wutsikanaftá imi ŋa ghuɓiŋta, nda nza ka mndu ta tsaɗ lu. Gɗavata ni ma tsa nzakwa ni ta tsaɗ lu ya.

Mbsak 19:13 ပူးပေါင်းရင်းမြစ်များ

Sabi 30:33

Dər wati ma mndu ta tskafta ka laɓanafta manda va nana, dər ka masanavata hamata mndu a tsi, dzaʼa kliŋ kla lu mataba mndəra taŋ,” » kaʼa.

La Levi 15:31

Ka gavanaghuta kuni ta la Israʼila, ka nzaghuta həŋ kətsaʼu nda skwi ta niŋtá həŋ ka gwal ta tsaɗ lu, dá rwutá həŋ dabga niŋta taŋ ka skwi ta tsaɗ lu ta həga tumpula ɗa mataba taŋ.

La Levi 20:3

Iʼi guli, dzaʼa dzaŋ dza yu ta kuma nda tsa mndu ya, dzaʼa kliŋ kla yu mataba mnduha ni, kabga vlaŋta ni ta sani turtuk mataba zwana ni ta Mulek. Ma tsa magata ni mantsa ya, niŋ na ka skwi ta tsaɗ lu ta vla ɗa nda ghuɓa, ka kfariŋtá hga ɗa nda ghuɓa.

La Levi 22:3

Mnana mna ta həŋ: Daga ndanana ha ma zivira ghuni, ka nda nza sani mataba gwal ta dra skwi ŋa Lazglafta ka mndu ta tsaɗ lu, ama ka gavanavatá tsi ta mbəhuha nda ghuɓa ya pghaghu la Israʼila ŋa Yawe katsi, dzaʼa kliŋ kla lu ta tsa mndu ya ta kəma ɗa. Iʼi ná, Yawe yu.

La Levi 22:4

Dər wati ma mndu mataba zivira Haruna ksu ghwaɗaka lku, ka ta mbəzaku mndəra ni a tsi, haɗ dzaʼa za tsa mbəhuha nda ghuɓa ya ha ka kwala ni nzata kul tsaɗ lu wa. Mantsa ya guli dər wati ma mndu ta ksaŋtá skwi niŋ mbli ka mndu ta pghiŋtá vgha ni a tsi ka mndu ta tsaɗ lu,

La Levi 5:17

Ka lagha sana mndu ka gatá dmaku, ka magatá skwi turtuk mataba zlahuha ya mnaf Yawe kazlay yaha kuni da magay kəʼa nda snaŋta ni a wu, tsaya ná, ksaf ksa dmaku, dguv ta ghəŋa ni dmakwa ni.

La Levi 5:3

Ka lagha sana mndu, ka ksaŋtá sana skwi ta tsaɗ lu ta sab ma mndu, dər nu tsi, dər má nda snaŋta ni a tsi wu ná, dzaʼa niŋ na ka mndu ta tsaɗ lu. Baɗ snaŋta ni, dguv ta ghəŋa ni dmaku ni.

La Levi 5:6

Ka klanakta tsi ta skwa paya tvi ta Yawe, dabga tsa dmaku ga tsi ya. Ka klagaghata tsi ta rina fisik, dər mana tuwak, ka mana gu a tsi mataba bra rina fisik ŋa pla ghəŋ ŋa ɗawa pla dmakwa tsa mndu ya. Manda tsa dzaʼa magata mnda dra skwi ŋa Lazglafta ta skwa pla ghəŋ ŋa slərɓanaptá zughu ma dmaku ga tsi. »

La Levi 7:20

Ama ka zuza mndu ta sluʼa skwa pla ghəŋa zɗaku vla lu ŋa Yawe, tsaw ghuɓa a tsa mndu ya wu katsi, dzaʼa kliŋ kla lu mataba mnduha ni.

La Levi 7:21

Manda tsaya guli, ka ksaŋ ksa mndu ta inda skwi ta tsaɗ lu, ka sana skwi ta tsaɗ lu ta sab ma mndu a tsi, dər nimtak a tsi ta tsaɗ lu, nda manzakɗawayha ta tsaɗ lu, ka zutá tsi ta sluʼa pla ghəŋa zɗaku vla lu ŋa Yawe katsi, dzaʼa kliŋ kla lu ta tsa mndu ya mataba mnduha ni, » kaʼa.

Mbsak 15:30

Ama mndu ta gatá dmaku ka palama, dər zwaŋa haɗik tsi, dər mayəm ta nzaku mataba ghuni a tsi, tsa mndu ya ná, raza raza ta Yawe, dzaʼa kliŋ kla lu ta tsa mndu ya mataba mnduha ni.

Mbsak 19:14

Wya zlahu ta nghanatá mndu ta mtuta ma tumpul: Dər wati ma mndu ta lami da tsa tumpul ya, dər wati ma mndu ta nzakway ma tsa tumpul ya, nda nza həŋ ka gwal ta tsaɗ lu ka fitik ndəfáŋ.

Mbsak 19:18

Dzaʼa klaf kla mndu kul haɗ skwa tsaɗa tida ta udza izwap, ka tsughumamta ma tsa imi ya, ka wutsikafta ta tsa tumpul ya, nda ya ta inda huzla, nda ya ta mnduha mida. Ka wutsikafta ni guli ta tsa mndu ta ksaŋtá ghudzifa mndu ya, ka ta tsa mndu ta ksaŋtá tsa mndu dza lu, ka mbli a tsi, ka kulu a tsi ya.

Mbsak 19:19

Dzaʼa wutsikaf wutsika mndu kul haɗ skwa tsaɗa tida ta imi ta tsa mndu nda skwa tsaɗa tida ya baɗ mahkəna fitik, nda ya baɗ mandəfáŋa fitik. Baɗ mandəfáŋa fitik, ŋa nzakwa tsa mndu si nda skwa tsaɗa tida ya ka mndu kul haɗ skwa tsaɗa tida. Tahula tsa, ŋa ghwaɓiŋta ni ta lgutha ni, ka mbazaghuta ni ta mbaza nda imi, ŋa nzakwa ni ka mndu kul haɗ skwa tsaɗa tida ga hawu.

Mbsak 19:20

Ama tsa mndu ta tsaɗ lu ta kwalaghutá kliŋtá skwi ta tsaɗ lu ma nzakwa ni ya, dzaʼa kliŋ kla lu ta mndərga tsa mndu ya mataba guyatá ghəŋ, kabga niŋ na ka skwi ta tsaɗ lu ta vli ya nda ghuɓa ŋa Yawe. Nda nza ka mndu ta tsaɗ lu, kabga wutsikanaf a lu ta ima ghuɓiŋta wa.

Mbsak 19:9

Mndu kul haɗ skwa tsaɗa tida dzaʼa faɗaftá hutiɗifa tsa sla ya, ka laghwi da pghata ta hula ghuɓu ma vli kul haɗ lu ta tsaɗay fa lu ŋa tska hutiɗif. Dzaʼa payana paya guyatá ghəŋa la Israʼila ta tsa hutiɗif ya ŋa paya imi ŋa ghuɓiŋtá skwi ta niŋta ta mndu ka mndu nda skwa tsaɗa tida. Tsaya skwa pla ghəŋ ŋa ɗawa pla dmaku.

Mbsak 8:7

Wya ká ka dzaʼa magay ŋa hliŋtá skwi ta tsaɗ lu ta həŋ: Ka wutsikafta ka ta ima kliŋtá skwi ta tsaɗ lu ta həŋ, ka hatsiŋta həŋ ta swidi demdem ta vgha taŋ, ka ghwaɓiŋta həŋ ta lgutha taŋ, ŋa nzakwa taŋ kul haɗ skwi ta tsaɗ lu ta həŋ.

Mbsak 9:13

Ama ka mamu mndu kul haɗ skwa tsaɗa tida, laghu a diʼiŋ wu, ka kwalaghutá tsi ta skala Pak, dzaʼa klap kla lu mataba guyatá ghəŋa mnduha ni, kabga kladagha a ta mbəha ni ŋa Yawe baɗ fitik tsaf lu wa. Dguv ta ghəŋa ni dmakwa ni.

Yuhwana 8:24

Tsaya tsa kəl yu ka mnay ŋa ghuni kazlay: Dzaʼa rwaku kuni ma dmakuha ghuni kəʼa ya. Dzaʼa rwaku kuni ma dmakuha ghuni ka si zlgha a kuni kazlay: “Iʼi ná, iʼi ya kəʼa ya wu,” » kaʼa nda həŋ.

Hebru 10:29

Ka si mantsa ya nzakwa ni nda zlaha Musa ya ní, kighkigh dzaʼa nzakwa tsi nda mndu ta zlridiŋtá Zwaŋa Lazglafta, ka razanaftá Sulkum ya ta vlamatá zɗakatahuɗi ya tama? haɗ ghəzliwa ni wu, kaʼa nda us ya kəl Lazglafta ka dzrafta wi nda tsi, ka ghuɓiŋta nda tsi ya.

Hebru 9:10

Gwaɗa ta skwa zay, nda skwa say, nda tva ghuɓaku kavghakavgha kweŋkweŋ ta taghamafta tsaha ya. Tsa skwiha fa fa lu laviŋ mnduha ta magay ya ná, nda nza tsaha ya ŋa kəzla mbəɗanafta Lazglafta ta inda skwi.

Suna Yuhwana 21:8

Ama gwal ta yaɗi, nda gwal ta mbrəs, nda gwal ta maga manzakɗaway skwiha, nda gwal ta pslatá mndu, nda gwal ta maga sliʼiŋsliʼiŋ, nda gwal ta mbaɗaku, nda gwal ta wuya skwi, nda inda gwal ta tsakalawi ya, da duda vu ghandand dzaʼa pghaghata lu ta həŋ. Tsaya ta nzakway ka mahisa mtaku, » kaʼa.

Suna Yuhwana 22:11

Ka ghwaɗaka skwi kumaŋ mndu ta magay ya, kɗayni ta maga ghwaɗaka skwa ni. Ka skwi ŋa mbiɗay nda mbiɗa kumaŋ mndu ta magay ya, kɗayni ta magay. Ka nzaku tɗukwa kumaŋ mndu ta magay ya guli, kɗayni ta magay. Mndu ya nda ghuɓa ya, ka kɗa tsi ta nzakwa ni nda ghuɓa, » kaʼa.

Suna Yuhwana 22:15

Ama gwal ta nzakway ta magaku manda kriha, nda gwal ta mbəɗaku, nda gwal ta maga sliʼiŋsliʼiŋ, nda gwal ta pslatá mndu, nda gwal wya skwi, nda inda gwal zɗəgana tsakalawi, ta tsakalay həŋ guli ya, mabli dzaʼa zlanata lu ta tsaha ya.