Mbsak 18:9 - Hdi

⁹ Wya ŋa gha mayak mataba mbəhuha ta ghuɓuta kul draftá lu: Tsaya inda mbəhuha taŋ, ka nimaya, nda skwa pla ghəŋ ŋa ɗawa pla dmaku, nda inda skwa pla ghəŋ ŋa paya tvi ta klagaghata həŋ ŋa ɗa. Tsa mbəhuha nda ghuɓuta ya ná, ŋa kagha nda zivira gha tsaya.

Mbsak 18:9 ပူးပေါင်းရင်းမြစ်များ

2Mgh 12:17

Tsedi ya ta vlata lu ŋa pla ghəŋa paya tvi, nda ya ŋa pla ghəŋa ɗawa pla dmaku ya, fa a lu ta tsaha ya da akwata həga Yawe wu, nghanatá gwal dra skwi ŋa Lazglafta tsaha ya.

Nəhemiya 10:36

Inda vaku, dzaʼa hlakta ŋni da həga Yawe ta taŋtaŋa yakwa inda skwi hva ŋni nda hva, nda taŋtaŋa yakwa inda fuha ŋni.

La Levi 10:17

« Kabgawu kwal kuni zutá sluʼa skwa pla ghəŋ ŋa ɗawa pla dmaku ma vli nda ghuɓa na? Kabga skwi ta ghuɓuta katakata ya. Vlaghuna vla Yawe ŋa kliŋtá krughuva guyata ghəŋa mnduha, kada slərɓanapta kuni ta zughu ta həŋ ta kəma Yawe.

La Levi 14:13

Dzaʼa ghwanaf ghwa ta tsa slaɓalakwa tuwak ya ma vla pla ghəŋ ŋa ɗawa pla dmaku, nda ŋa pla ghəŋ ŋa dray tsuh tsuh, ma vli nda ghuɓa. Skwa pla ghəŋ ŋa paya tvi ná, manda skwa pla ghəŋ ŋa ɗawa pla dmaku nzakwa ni, nda nza tsaya ka ŋa mnda dra skwi ŋa Lazglafta. Skwi ta ghuɓuta katakata ya.

La Levi 2:10

Pɗakwa tsa mbəha nimaya ya guli ná, dzaʼa nzakway ka ŋa i Haruna nda zwana ni. Nda nza tsaya ka skwi ta ghuɓuta katakata, kabga pɗakwa skwa pla ghəŋ draf lu ta vu ta kəma Yawe ya.

La Levi 22:11

Ama dzaʼa zay vuʼa ya skwa mnda dra skwi ŋa Lazglafta nda tseda ni. Mantsa ya mndu ya yaga lu ma həga ga taŋ guli, dzaʼa zay hahəŋ ta tsa skwa zay ni ya.

La Levi 22:7

Na gi laghwa fitik da həga ma ni ya, ta haɗ skwa tsaɗa tida wa. Dzaʼa zay ta tsa skwiha nda ghuɓa ya. Skwa zay ni tsaya.

La Levi 4:22

« Ka mali ta gatá dmaku katsi, ka si ka palama a tsi wu, ka ɓlanaptá tsi ta ya turtuk ma inda zlahuha Yawe, Lazglafta ni nda ma magatá skwi ya pyaf zlahu ta magay katsi, ksaf ksa dmaku.

La Levi 4:27

« Ka sani ma hamata mndu mataba la Israʼila ta gatá dmaku, ka si ka palama a tsi wu, ka ɓlanaptá tsi ta ya turtuk ma inda zlahuha Yawe nda ma magatá skwi ya pyaf zlahu ta magay katsi, ksaf ksa dmaku.

La Levi 5:1

« Ka lagha mndu ka gatá dmaku ma kwalaghuta pslaftá wi manda snaŋta ni ta hgatá hgu ŋa ga masləmtsək baŋluwa ta ghəŋa sana skwi nghaŋ tsi, ka ya snaŋ tsi a tsi, tsaya ná, dguv ta ghəŋa ni dmaku ni.

La Levi 5:6

Ka klanakta tsi ta skwa paya tvi ta Yawe, dabga tsa dmaku ga tsi ya. Ka klagaghata tsi ta rina fisik, dər mana tuwak, ka mana gu a tsi mataba bra rina fisik ŋa pla ghəŋ ŋa ɗawa pla dmakwa tsa mndu ya. Manda tsa dzaʼa magata mnda dra skwi ŋa Lazglafta ta skwa pla ghəŋ ŋa slərɓanaptá zughu ma dmaku ga tsi. »

La Levi 6:17

Ka Yawe nda Musa mantsa:

La Levi 6:19

Tsa mnda dra skwi ŋa Lazglafta dzaʼa maga slna tsa pla ghəŋ ya dzaʼa za sluʼa ni. Dzaʼa zuta ma vli nda ghuɓa, ma daɓa tumpula guyaku.

La Levi 7:1

« Wya tva skwi ŋa magay nda skwa pla ghəŋ ŋa paya tvi, skwi ta ghuɓuta katakata ya.

La Levi 7:6

Inda zgun ta nzakway mataba mndəra gwal ta dra skwi ŋa Lazglafta dzaʼa laviŋtá za tsa sluʼi ya. Dzaʼa zay lu ma vli nda ghuɓa, skwi ta ghuɓuta katakata ya.

La Levi 7:7

Tsa tva skwi ŋa magay nda skwa pla ghəŋ ŋa paya tvi ya ná, manda va tsa tva skwi ŋa magay ŋa pla ghəŋ ŋa ɗawa pla dmaku ya nzakwa ni. Tsa mnda dra skwi ŋa Lazglafta ta magatá tsa slərɓa zughu ya dzaʼa kla sluʼa ni. »

Mbsak 18:10

Ka zuta ka manda skwa zay ta ghuɓuta. Laviŋ lava inda zgwana ta zay. Ka nzakwa tsi ka skwi nda ghuɓa da kagha.

Vrafta ta zlahu 18:1

« Haɗ gwal dra skwi ŋa Lazglafta, la Levi, mndəra la Levi demdem tani dzaʼa mutsa mayaka taŋ, nda skwa za həga taŋ kawadaga nda la Israʼila wa. Mataba skwa pla ghəŋ ta drə lu ta vu ŋa Yawe ŋa taŋ mayak ŋa zay taŋ.