Mbsak 18:7 - Hdi

⁷ Kagha nda zivira gha dzaʼa maga slna dra skwi ŋa Lazglafta ta nghanatá inda slna gwir, nda ya ta hula zlala. Tsaya slna ghuni. Ta vlaghuna vla yu ta slna dra skwi, tsaya slna mbəhaghuna yu nda tsi. Ama dzibata mndu dzaʼa gavadaghata ná, dzaʼa dza dza lu, » kaʼa.

Mbsak 18:7 ပူးပေါင်းရင်းမြစ်များ

Sabi 28:1

« Musa, gavaganagha gava ta vata kagha ta Haruna zwaŋama gha, nda zwana ni i Nadav, nda Avihuʼ, nda Ilghazar, nda Itamar. Ka dganata ka ta həŋ nda pɗakwa la Israʼila, ŋa magay taŋ ta slna dra skwi ŋa ɗa.

Sabi 29:9

Ka habanata ka ta huɗi ta i Haruna nda zwana ni nda biwir, wawanamta ka ta gwambar ma ghəŋ ta həŋ, ŋa gɗata taŋ ta maga slna dra skwi ŋa ɗa ŋa ɗekɗek. Mantsa ya dzaʼa pghamta ka ta i Haruna nda zwana ni da slna taŋ.

La Levi 16:2

Ka Yawe nda Musa mantsa: « Mnana mna ta zwaŋama gha Haruna, yaha da lami nda hamaya fitik da vli ta ghuɓuta, ta hula zlala ta kəma paɗuwi ta wa akwata dzratá wi ya. Tsaya tama, mtuta a ta zlagaptá yu ma kusay ta ghəŋa tsa paɗuwi ya wa.

La Levi 7:35

Tsaya mayaka i Haruna nda zwana ni mataba skwa pla ghəŋ ta drə lu ta vu ŋa Yawe, zlrafta baɗ tsa fitik pgham lu ta həŋ ŋa maga slna dra skwi ŋa Yawe ya.

Mbsak 1:51

Ma sliʼaftá tsa həga tumpul ya, la Levi dzaʼa palata, ma sladata ni ya guli, la Levi dzaʼa dzagwata. Inda dzibata mndu dzaʼa gavadaghata ná, dzaʼa dza dza lu.

Mbsak 18:20

Ka Yawe nda Haruna mantsa: « Haɗ haɗika za həga dzaʼa mutsafta ka ma haɗika taŋ wu, haɗ mayaka gha mataba taŋ guli wa. Iʼi mayaka gha nda za həga gha mataba la Israʼila.

Mbsak 18:3

Hahəŋ dzaʼa magaghatá slna, nda inda slna həga tumpul, ama yaha yaha həŋ dá gavadaghata ta vata dər huzla vli nda ghuɓa, dər ŋa gwir, dá rwutá hahəŋ nda kaghuni tani.

Mbsak 3:10

Ka pghamta ka ta i Haruna nda zwana ni ma slna taŋ, ŋa nghapta taŋ ka slna dra skwi ŋa Lazglafta. Inda dzibata mndu dzaʼa gavadaghata ná, dzaʼa dza dza lu, » kaʼa.

Mbsak 3:38

Ka fata i Musa, nda Haruna nda zwana ni ta ghuɓa taŋ nda ta kəma həga tumpul nda təv silwa, tsaya təv kəma tumpula guyaku nda təv safa fitik. Dguv ta ghəŋa taŋ na nghapta ka slna vli nda ghuɓa, ŋa la Israʼila. Inda dzibata mndu dzaʼa gavadaghata ná, dzaʼa dza dza lu.

Mata 10:8

Ka mbamba kuni ta gwal kul ɗughwanaku, ka sliʼaganapta kuni ta gwal nda rwa, ka mbambanafta kuni ta gwal nda ksa da rɗa mndu, ka ghazliŋta kuni ta ghwaɗaka sulkumha. Zlghaf ka mbalay kaghuni ka vla kaghuni guli ka mbalay.

Yuhwana 3:27

Ka Yuhwana mantsa: « Haɗ mndu dzaʼa mutsaftá sana skwi ka Lazglafta a ta vlaŋta wa.

Afisus 3:8

Mal iʼi htata ni mataba mnduha Lazglafta mndani, kulam nda va tsa, ka zɗaŋtá tsi ta huɗi ka vlihatá tsa slna mnanaŋtá gwal kul nzakway ka la Yahuda ya, ta tsa zɗaku ta mutsu lu da Kristi ya. Tsa zɗaku ya ná, dagala katakata, laviŋ a mnduha ta kɗanaktá snaŋta wa.

Vrafta ta zlahu 18:2

Haɗ skwa za həga la Levi mataba zwana ma taŋ wa. Yawe mayaka hahəŋ, manda ya mnana tsi ta həŋ.

Hebru 5:4

Haɗ mndu ta klaftá tsa glaku ŋa nzaku ka mali ta ghəŋa gwal maga slna Lazglafta ya ka fanaghatá ghəŋa ni wa. Lazglafta ta hgaŋta manda ya hgaŋ tsi ta *Haruna.

Yəhusuwa 18:7

Ama haɗ lu dzaʼa tsanaftá kwakwar ta la Levi wu, kabga ŋa taŋ ma skwa za həga taŋ ná, nzakway ka gwal ta dra skwi ŋa Lazglafta ya. Mutsu mutsa mndəra la Gat, nda la Rubeŋ, nda rita la Mənase ta ŋa taŋ kwakwar nda ma Yardeŋ nda ta təv safa fitik. Vərɗa Musa kwalva Yawe ta vlaŋtá ŋa taŋ, » kaʼa.

1 Piyer 5:2

Wyawa dzvu, ka ngha kuni ta bra ya faghunam Lazglafta ma dzvu. Nghawa ngha nda ŋuɗuf turtuk manda ya ta kum Lazglafta. Ma nza tsi ka mbla kaghuni nda mbla. Ma mag kuni kabga ŋa mutsa tsedi, ama magawa maga kabga ɗvu.

1 Piyer 5:3

Ma zbə kuni ta ga má mgham mgham ta ghəŋa gwal pghaghunam Lazglafta ma dzvu. Nzawa nza ka gwal ŋa ksay taŋ ta saɗa ghuni.

1Sam 2:28

Iʼi ta zbaptá həŋ mataba inda mndəra la Israʼila, ŋa magihatá slna ɗa, ka gwal dra skwi ŋa Lazglafta, ŋa lafi ta gwira ɗa, ŋa dra urdi, ŋa kla ifut ta kəma ɗa. Vlaŋ vla yu ta dzidzíha gha ta inda skwa pla ghəŋ ŋa dray ta vu ta vlata la Israʼila.