Mbsak 18:20 - Hdi

²⁰ Ka Yawe nda Haruna mantsa: « Haɗ haɗika za həga dzaʼa mutsafta ka ma haɗika taŋ wu, haɗ mayaka gha mataba taŋ guli wa. Iʼi mayaka gha nda za həga gha mataba la Israʼila.

Mbsak 18:20 ပူးပေါင်းရင်းမြစ်များ

Zlrafta 15:1

Tahula tsa skwiha ta maguta ya, ka maravatá Yawe da Abram manda skwi ma suni, kaʼa nda tsi mantsa: « Abram! Ma zləŋ ka ta zləŋ. Iʼi ná, zalama gha yu, dzaʼa vlagha vla yu ta nisəla dagala, » kaʼa.

Mbsak 18:7

Kagha nda zivira gha dzaʼa maga slna dra skwi ŋa Lazglafta ta nghanatá inda slna gwir, nda ya ta hula zlala. Tsaya slna ghuni. Ta vlaghuna vla yu ta slna dra skwi, tsaya slna mbəhaghuna yu nda tsi. Ama dzibata mndu dzaʼa gavadaghata ná, dzaʼa dza dza lu, » kaʼa.

Mbsak 26:62

Mbsaka la Levi na: Dəmbuʼ hisambsak hkən mida (23.000) həŋ, mbəɗafər lu ta zgwana, sliʼafta ni ta imi ka tili turtuk ka laghwi ta kəma. Mbəɗaf a lu ta hahəŋ kawadaga nda hamata la Israʼila wu, kabga haɗ haɗika za həga vlaŋ lu ta hahəŋ mataba la Israʼila wa.

Vrafta ta zlahu 10:9

Tsaya kwal mayaka la Levi, nda skwa za həga taŋ kul haɗ manda ŋa zwana ma taŋ. Yawe skwa za həga hahəŋ manda ya mnana Yawe, Lazglafta ghuni ta həŋ.

Vrafta ta zlahu 12:12

Dzaʼa nzakway kuni ma rfu ta kəma Yawe, Lazglafta ghuni, kaghuni, nda zwana ghuni, nda kwagha ghuni, nda kwalvaha ghuni, nda kurɗuha ghuni. Mantsa ya la Levi ta nzakw ma luwaha ghuni guli, kabga haɗ mayaka hahəŋ ma za həga kawadaga nda kaghuni wa.

Vrafta ta zlahu 14:27

Ama yaha kuni da zanapta la Levi ta nzakw ma luwa ghuni, kabga haɗ mayaka hahəŋ ma za həga kawadaga nda kaghuni wa.

Vrafta ta zlahu 14:29

Tahula tsa, ŋa lagha la Levi, tsa hahəŋ kul mayaka taŋ ma za həga kawadaga nda kaghuni ya. Mantsa ya la mayəm ma səla ghuni, nda tawakri, nda wadgu ma luwa ghuni, ŋa lagha taŋ zay ka baghaku, kada tfaghunaghata Yawe, Lazglafta ghuni ta wi ta ghəŋa inda slna dzva ghuni. »

Yəhusuwa 13:14

Haɗik ya daganap Musa ka skwa za həga ná, mutsaf a mndəra la Levi wa. Skwa za həga taŋ ná, ta klapta ma skwi ta drə lu ŋa Yawe, Lazglafta la Israʼila lu manda ya tanaf Yawe ta imi ta sləməŋ ta həŋ.

Yəhusuwa 13:33

Ama haɗ sana kwakwar ya tsanaf Musa ka skwa za həga taŋ ta mndəra la Levi wu. Yawe, Lazglafta la Israʼila ŋa taŋ ma za həga, manda ya tanaf tsi ta imi ta sləməŋ ta həŋ.

Yəhusuwa 14:3

Nziya nza tsi, daganaf daga Musa ta kwakwar ta ɓla Yardeŋ nda təv dɗakwa fitik ya, ka skwa za həga taŋ ta mndəra mnduha his nda rita, ama vlaŋ a ta ŋa mndəra la Levi wa.

Yəhusuwa 18:7

Ama haɗ lu dzaʼa tsanaftá kwakwar ta la Levi wu, kabga ŋa taŋ ma skwa za həga taŋ ná, nzakway ka gwal ta dra skwi ŋa Lazglafta ya. Mutsu mutsa mndəra la Gat, nda la Rubeŋ, nda rita la Mənase ta ŋa taŋ kwakwar nda ma Yardeŋ nda ta təv safa fitik. Vərɗa Musa kwalva Yawe ta vlaŋtá ŋa taŋ, » kaʼa.

Suna Yuhwana 21:3

Ka snaŋtá yu ta sana lwi ta gugɗagapta ma dughuruk. Kaʼa mantsa: Wya həga tumpula nzakwa Lazglafta mataba mnduha! Ŋa nzakwa ni kawadaga nda həŋ, ŋa nzakwa taŋ ka mnduha ni, ŋa nzakwa tsatsi guli kawadaga nda həŋ,