Mbsak 18:19 - Hdi

¹⁹ Inda mbəhuha nda ghuɓa ta faghuta la Israʼila ŋa Yawe ná, ta vlaghuna vla yu ŋa ghuni, nda zwana zgwana gha nda kwagha gha, ka zlahu ŋa ɗekɗek. Tsaya dzratá wi nda slughul ŋa ɗekɗek ta kəma Yawe, ŋa gha, nda zivira gha, » kaʼa.

Mbsak 18:19 ပူးပေါင်းရင်းမြစ်များ

2Mgh 12:16

Haɗ lu dzaʼa ɗaway da tsa mnduha vlaŋ lu ta tsa tsedi ŋa vlay ŋa mnduha ta maga slna ya, ta skwi ta mag həŋ nda tsi wu, kabga nda tva ni ta maga həŋ.

2Rus 13:5

Sna a kuni kazlay na vlaŋ vla Yawe, Lazglafta la Israʼila ta Dawuda ta gá mgham ŋa ɗekɗek ta ghəŋa la Israʼila, ŋa tsatsi nda inda zivira ni, nda ma dzratá wi nda slughul, kəʼa wu ra?

2Rus 31:4

Tahula tsa, kaʼa nda gwal ta nzakw ma Ursalima mantsa: « Vlaŋwa vla ta mayaka gwal dra skwi ŋa Lazglafta nda la Levi, kada ndiʼafta həŋ ta vgha ta zlaha Yawe, » kaʼa.

Sabi 29:27

Ka fata ka ka ŋa Yawe ta fayha tsa maŋazak hna lu ŋa pghamtá i Haruna nda zwana ni ma slna ya. Tsaha ya ghuva tsa maŋazak ya nda rkufa ni, ya vlaŋ lu ta Yawe ma zukwanafta ya. Tsa fayha ya ta nzakway ka mayaka i Haruna nda zwana ni.

La Levi 2:13

Inda mbəhu ya ta nzakway ka nimaya ná, ka kuktafta kuni ta slughul tida. Yaha kuni zanapta kuktaftá slughul, kabga slughul ŋizla dzratá wi mataba ghuni nda Lazglafta ghuni. Tsaya tama dzaʼa kəl kuni ka gɗata ta maga slughul ta inda mbəhuha ghuni.

La Levi 21:22

Laviŋ lava ta za skwa zay vlaŋ lu ta Lazglafta ni, skwiha ya ta ghuɓuta, nda skwiha ya nda ghuɓa.

La Levi 7:14

Ma inda tsa mbəhuha ya, dzaʼa hlaʼata kiʼa kiʼa ŋa vlaŋtá Yawe. Tsaya dzaʼa nzakway ŋa mnda dra skwi ŋa Lazglafta ta wutsikaftá usa pla ghəŋa zɗaku ta slərpuha gwir.

Mbsak 18:11

Wya skwiha dzaʼa nzəglaku ka ŋa gha nda zwana gha, nda kwagha gha: Ta vlagha vla yu ta mbəhuha faghu la Israʼila, nda inda skwiha ya zukwanaf lu ta Yawe. Nda nza ŋa ghuni ŋa ɗekɗek. Inda gwal kul haɗ skwa tsaɗa ta həŋ ma həga ga ghuni dzaʼa zay.

Mbsak 18:8

Ka Yawe nda Musa mantsa: « Nda ngha ka ná, iʼi ta vlaghatá slna nghapta ka inda mbəhuha ta faghuta la Israʼila ŋa ɗa. Ta vlagha vla yu, mayaka kagha tsaya, kagha nda zivira gha ŋa ɗekɗek.

Mbsak 31:29

Ma tsa rita ni ka mayaka gwal vulu dzaʼa hlapta kuni, ka vlaŋta ka ta Ilghazar, mnda dra skwi ŋa Lazglafta, manda mbəhu klap lu ŋa Yawe.

Mbsak 31:41

Ka vlaŋtá Musa ta tsaha tsaf lu ka mbəhu ŋa Yawe ya ta Ilghazar, mnda dra skwi ŋa Lazglafta, manda va ya mnaf Yawe.

Vrafta ta zlahu 12:26

Ama mbəhuha nda ghuɓa, nda mbəhuha ŋa hɗamtá skwi waɗana kuni ya, ka hla kuni ta tsaha ya da vli ya dzaʼa zbapta Yawe.

Vrafta ta zlahu 12:6

Hada dzaʼa hladaghata kuni ta skwa pla ghəŋa ghuni ŋa dray tsuh tsuh, nda sanlaha ma pla ghəŋha ghuni, nda zaka ghuni, nda mbəhuha ghuni ta klapta kuni, nda mbəhuha ŋa hɗamtá skwi waɗa kuni, ka ya ta vlata kuni nda kumay ŋuɗufa ghuni a tsi, nda taŋtaŋa yakwa slaha ghuni, nda rina fisika ghuni.