Mbsak 17:11 - Hdi

¹¹ Ka Musa nda Haruna mantsa: « Klaf kla ta gədzeha gha, faf fa ta lanzəŋa gwir tida, pghanagha pgha ta urdi ŋa dray nda dra. La misimmisim təv guyatá ghəŋa mnduha, ka slərɓanapta ka ta zughu ta həŋ, kabga nda gufa ŋuɗufa Yawe, nda ghada zlrafta zləmnda, » kaʼa.

Mbsak 17:11 ပူးပေါင်းရင်းမြစ်များ

2Rus 19:10

Inda hwazlaɓaku dzaʼa hlaghunakta zwana ma ghuni ma luwaha taŋ ta ghəŋa pghiŋtá us, ka ɓlanaptá zlaha Musa a tsi, ka zlahuha a tsi, ka tva skwiha ŋa magay a tsi, ka tɗanaŋta kuni ta sləməŋ ta həŋ, kada kwala dmaku ksaftá həŋ ta kəma Yawe. Haɗ gufatá ŋuɗufa ni dzaʼa sagha ta ghəŋa kaghuni nda zwanama ghuni tani wa. Mantsa ya ka kuni da magay, ya ksafta a dmaku ta kaghuni wa.

La Levi 16:15

Tahula tsa, ŋa saba ni ghwanaftá dugzum ŋa pla ghəŋ ŋa ɗawa pla dmakwa mnduha. Dzaʼa kladam kla ta usa ni ta hula zlala. Dzaʼa maga maga nda tsa us ya manda tsa maga tsi nda usa lghəŋ ya. Dzaʼa wutsikaf wutsika ta paɗuwi, nda ya təv kəma paɗuwi.

La Levi 16:16

Mantsa ya dzaʼa slərɓanapta Haruna ta zughu ta vli ta ghuɓuta, dabga skwi ta tsaɗ lu ta magata la Israʼila, da sida taŋ, da dmakuha taŋ. Manda tsaya dzaʼa magata tsi nda tumpula guyaku da həŋ wam nzakwa taŋ ka gwal ta tsaɗ lu.

Mbsak 11:33

Ta ma wa taŋ tsa sluʼi ya, ta la a həŋ kɗiŋtá dəghaɗuta wu ná, ka sliʼafta gufaftá ŋuɗufa Yawe ta ghəŋa mnduha, ka dzuŋtá həŋ nda sana zləmnda ta fərtuta.

Mbsak 17:10

« Sabwa sa mataba na guyatá ghəŋa mnduha na, ka zaɗanata yu ta həŋ nda va nana! » kaʼa. Ka zlambatá həŋ zluzlumbruh ta haɗik.

Mbsak 17:12

Ka klaftá Haruna manda ya mnana Musa, ka hwayadaghatá tsi da taba guyatá ghəŋa mnduha, tsaw nda ghada zlrafta zləmnda mataba mnduha. Ka pghanaghatá tsi ta urdi ŋa dray nda dra, ka slərɓanaptá ta tsi ta zughu ta mnduha.