Mbsak 15:30 - Hdi

³⁰ Ama mndu ta gatá dmaku ka palama, dər zwaŋa haɗik tsi, dər mayəm ta nzaku mataba ghuni a tsi, tsa mndu ya ná, raza raza ta Yawe, dzaʼa kliŋ kla lu ta tsa mndu ya mataba mnduha ni.

Mbsak 15:30 ပူးပေါင်းရင်းမြစ်များ

Zlrafta 17:14

Zgun ya kul tsaku fafaɗa ta vgha ni, dzaʼa dgana dga lu nda mndəra taŋ, kabga kwalaghu kwala ta snatá dzratá wa ɗa ŋa ɗekɗek ya, » kaʼa.

Sabi 21:14

Ama kawayaka skwi, hiɗaku magaf tsa mndu ya ka dzatá mndu ka palama, dər ta vata gwir ɗa tsa mndu ya, dzaʼa ksaf ksa lu ŋa dzata.

Sabi 30:33

Dər wati ma mndu ta tskafta ka laɓanafta manda va nana, dər ka masanavata hamata mndu a tsi, dzaʼa kliŋ kla lu mataba mndəra taŋ,” » kaʼa.

La Levi 20:10

Ka gaga mndu ta hliri nda markwa mndu katsi, tsa zgun ta hliri ya, nda tsa marakw ya tani, pslatá həŋ his his.

La Levi 20:3

Iʼi guli, dzaʼa dzaŋ dza yu ta kuma nda tsa mndu ya, dzaʼa kliŋ kla yu mataba mnduha ni, kabga vlaŋta ni ta sani turtuk mataba zwana ni ta Mulek. Ma tsa magata ni mantsa ya, niŋ na ka skwi ta tsaɗ lu ta vla ɗa nda ghuɓa, ka kfariŋtá hga ɗa nda ghuɓa.

La Levi 20:6

Ka mbəɗaghu mbəɗa mndu ta vgha təv gwal ta gwaɗa nda gwal ma haɗik, ka təv ɗəghaha a tsi, ka laghu da maga sliʼiŋsliʼiŋ nda həŋ, dzaʼa dzaŋ dza yu ta kuma nda tsi. Dzaʼa kliŋ kla yu guli mataba mnduha ni.

Mbsak 15:29

Dər má mnda Israʼila tsi, dər mayəm ta nzaku mataba ghuni a tsi, nda nza tsa tva skwi ŋa magay ya ŋa inda mndu dzaʼa gatá dmaku ka fərtaku.

Mbsak 9:13

Ama ka mamu mndu kul haɗ skwa tsaɗa tida, laghu a diʼiŋ wu, ka kwalaghutá tsi ta skala Pak, dzaʼa klap kla lu mataba guyatá ghəŋa mnduha ni, kabga kladagha a ta mbəha ni ŋa Yawe baɗ fitik tsaf lu wa. Dguv ta ghəŋa ni dmakwa ni.

Mata 12:32

Ka vzaf vza mndu ta rutsak ta *Zwaŋa mndu katsi, dzaʼa plinis pla lu ta dmakwa ni. Ama mndu ta vzaftá rutsak ta Sulkum nda ghuɓa ná, haɗ lu dzaʼa walaŋtá plinistá dmakwa ni, dər ta na zamana na, dər ta zamana dzaʼa sagha wa. »

Vrafta ta zlahu 1:43

Ka mnaghunaŋta yu, ama ka kwalaghuta kuni ta snanatá Yawe. Ka gaftá kuni ta sidi ka təŋanaftá ghəŋ, ka ŋladaftá kuni da vliha ta ghwá.

Vrafta ta zlahu 32:27

ama ka zləŋaftá yu ta ghuɓasay dzaʼa ghuɓas ghumaha taŋ ta iʼi, dá ndanu tsa ghumaha taŋ ya kazlay na: “Nda mbrakwa ŋni zata ŋni ta ghwa, haɗ skwi maga Yawe wu,” kəʼa. »

Hebru 10:26

Tahula snaŋta mu ta vərɗa tvi, ka gɗata mu ta gəgəltá dmaku ka palama katsi, grafma gra kazlay: Ta haɗ sana skwi dzaʼa vlata lu ŋa pla ghəŋ ŋa hərɗiŋtá dmaku wu kəʼa.

Hebru 10:29

Ka si mantsa ya nzakwa ni nda zlaha Musa ya ní, kighkigh dzaʼa nzakwa tsi nda mndu ta zlridiŋtá Zwaŋa Lazglafta, ka razanaftá Sulkum ya ta vlamatá zɗakatahuɗi ya tama? haɗ ghəzliwa ni wu, kaʼa nda us ya kəl Lazglafta ka dzrafta wi nda tsi, ka ghuɓiŋta nda tsi ya.

2 Piyer 2:10

Katkatatani ná, ta ghəŋa gwal ta maga ghwaɗaka skwi kumaŋ sluʼuvgha taŋ, nda gwal ta hərtətatá ga mghama Lazglafta, dzaʼa tsi giri ŋa taŋ. Tsa mnduha ta tagha ghwaɗaka skwi ya ná, haɗ hula ta wa ira taŋ wa. Ta gla ghəŋ həŋ. Vla a həŋ ta glaku ŋa duhwala Lazglafta ta luwa wa. Ta razu nda raza həŋ.

1 Yuhwana 5:16

Ka nda ngha mndu ta zwaŋama ni ta ga dmaku, dzaʼa kwal kul klaghata da mtaku ŋa kɗekedzeŋ katsi, ka maga tsi ta duʼa da Lazglafta ta ghəŋa tsa mndu ya ŋa vlaŋta Lazglafta ta hafu. Tsa hafu ya, ŋa gwal ta ga dmaku dzaʼa kwal kul klaghatá həŋ da mtaku ŋa kɗekedzeŋ dzaʼa vla lu. Mamu dmaku ta kla mndu da mtaku ŋa kɗekedzeŋ. Mna a iʼi kazlay: Ka maga kuni ta duʼa da Lazglafta ta ghəŋa mndərga tsaya kəʼa wa.

1Sam 2:25

Ka gana ga sana mndu ta dmaku ta sana mndu katsi, dzaʼa mbəɗay Lazglafta ta gwaɗa tida, ama ka gana ga tsi ta dmaku ta Yawe, wa dzaʼa mbəɗa gwaɗa tida na? » kaʼa. Ama nda warga ta sna həŋ ta tsa skwi ta mnə da taŋ ya, kabga ta kumay Yawe ta rwanatá həŋ.

1Sam 3:14

Tsaya tama, waɗana waɗa yu ta la ga Iliya kazlay na haɗ dər skwa pla ghəŋ, dər skwa mbəhuha, dzaʼa walaŋta hərɗiŋtá krughuva taŋ wu kəʼa, » kaʼa.