Mbsak 15:3 - Hdi

³ ka vlaŋta kuni ta Yawe ta skwi ŋa pla ghəŋ draf lu ta vu zɗəgana həlata ni ta Yawe ka sla ka rina fisik a tsi ŋa dray tsuh tsuh, ka ya ŋa hɗamtá skwi ya waɗa lu a tsi, ka mbəha rfa ŋuɗuf a tsi, ka ya ŋa skala rfu a tsi.

Mbsak 15:3 ပူးပေါင်းရင်းမြစ်များ

Zlrafta 8:21

Həlhəla nzakwa ni ta wa htsiŋa Yawe, ka zɗəganatá tsi. Ka Yawe ma ŋuɗufa ni mantsa: « Haɗ yu dzaʼa ksiʼiglaftá haɗik dabga mndu wa. Aŋ mndani, nda ɓadza ndana mndu daga ma ga zwaŋa ni, ama zaɗglanata a yu ta inda skwi nda hafu mida manda na maga yu na wa.

Izra 7:17

Ɓhadaghata gha da hada ya, ŋa dzawata gha nda tva ni manda ya ta raku ta lghəŋha, nda maŋazakha, nda slaɓalakwa tuwakha, nda inda nimaya, nda inda ya ta slranata nda slra ta dzaʼa kawadaga nda həŋ. Ŋa vlata gha ta inda tsa skwiha ya ta gwira həga Lazglafta gha ma Ursalima.

Sabi 29:18

Ka drafta ka ta tsa maŋazak ya demdem ta gwir. Tsaya skwa pla ghəŋ ŋa dray tsuh tsuh ŋa Yawe. Tsa skwa pla ghəŋ draf lu ta vu ya ná, zɗəgana həlata ni ta Yawe.

Sabi 29:25

Tahula tsa, ka hlapta ka guli ma dzva taŋ, ka drafta ka ta gwir ta ghəŋa skwa pla ghəŋ ŋa dray tsuh tsuh. Tsa skwa pla ghəŋ draf lu ta vu ta kəma Yawe ya ná, zɗəgana zɗa həlata ni ta Yawe.

Sabi 29:41

Ka vlata ka ta tsa mahisa slaɓalakwa maŋazak ya ga hawu ka sganaghata ka ta mbəha nimaya nda skwi ŋa slranata manda va tsa ga sərɗək ya. Tsaya skwa pla ghəŋ ŋa dray ta vu zɗəgana həlata ni ta Yawe.

La Levi 10:13

Dzaʼa zuta ma sana vli nda ghuɓa kuni, kabga tsaya mayaka ghuni, kagha nda zwana gha, ma mbəhuha draf lu ta vu ŋa Yawe, mantsa ya mnaɗif Lazglafta.

La Levi 27:2

« Ka ka nda la Israʼila na: Ka waɗana waɗa mndu ta vlaŋta ni ŋa Yawe ta mnda səla katsi, laviŋ lava ta hɗamta taɓta sgita tsa mnda ni ya.

La Levi 7:16

Ama skwa pla ghəŋ ta ghəŋa skwi waɗa tsi ta magay, ka mbəhu nda kumay ŋuɗuf a tsi ná, dzaʼa zuza lu ta sluʼa ni baɗ tsa fitik vla lu ya. Ama pɗakwa ni, laviŋ lava lu ta zay ga mahtsima ni.

Mbsak 28:27

Ka kladaghata kuni ŋa Yawe ta skwa pla ghəŋ ŋa dray tsuh tsuh ya zɗəgana həlata ni, ta lghəŋha dɓakw dɓakwa his, nda maŋazak turtuk, nda slaɓalakwa maŋazakha ndəfáŋ turtuk turtuk vakwa taŋ,

Mbsak 29:8

Ka vlaŋta kuni ta skwa pla ghəŋ ŋa dray tsuh tsuh zɗəgana həlata ni ta Yawe: Ta lghəŋ dɓakwa turtuk, nda maŋazak turtuk, nda slaɓalakwa maŋazakha ndəfáŋ, turtuk turtuk vakwa taŋ. Ka klafta kuni ta rini kul haɗ maslivinza ta həŋ,

Mbsak 6:15

nda tughba buradi kul haɗ is mida magaf lu nda hpu kəzlitit hwaɗam lu nda rɗi, nda biskwit kul haɗ is mida masaf lu ta rɗi tida, nda mbəha nimaya taŋ, nda skwi ŋa slranata.

Mata 3:17

« Nana na zwaŋa ɗa ya ɗvu yu, ya ta zɗəgihata katakata, » ka sana lwi snagata daga ta luwa.

2Kwa 2:15

Manda va tsaya, nda nza aŋni manda urdi zɗa vərtikatani klaf Kristi ka vlaŋtá Lazglafta. Tsa urdi ya ná, nda nza ka ŋa gwal ta mutsa mbaku, nda gwal ta zaɗiŋtá ghəŋa taŋ tani.

2Kwa 2:16

Ka ŋa gwal ta mutsa mbaku ná, zɗa tsa vərtikatani ya, ta vlaŋ vla Lazglafta ta hafu ta həŋ. Ka ŋa gwal ta zaɗiŋtá ghəŋa taŋ guli ná, zɗa a tsa vərtikatani ya wu, ta klanak kla ta mtaku ta həŋ. Wa ya prək ka magaftá tsa slna ya tama?

Afisus 5:2

Ma slnaha ghuni ta mag kuni inda fitik, maraŋwa mara ta ɗvu ŋa sanlaha. Mantsa ya ɗvuta *Kristi ta amu ma mtuta ni ŋa mbamafta. Tsa skwi maga tsi ya ná, zɗəgana zɗa ta Lazglafta manda skwa pla ghəŋ ta vlaŋta lu.

Vrafta ta zlahu 12:11

Tahula tsa, dzaʼa zbapta Yawe, Lazglafta ghuni ta vli ŋa nzakwa hga ni, hada dzaʼa hladaghata kuni ta inda skwiha ya mnaghunaf yu: Tsaya skwi ŋa pla ghəŋ ghuni ŋa dray tsuh tsuh, nda sanlaha ma pla ghəŋha ghuni, nda zaka ghuni, nda mbəhuha ghuni ta klapta kuni, nda mbəhuha ta zbapta kuni ŋa vlaŋta Yawe ŋa hɗamtá skwi waɗana kuni.

Vrafta ta zlahu 12:17

Laviŋ a kuni ta zay ma luwa ghuni ta zaka nimaya ghuni, nda ŋa ima inabi ta ka nunu, nda ŋa rɗi, dər taŋtaŋa yakwa sla ghuni nda rina fisika ghuni, dər inda mbəhuha vla lu ka ŋa hɗamtá skwi waɗa lu a tsi, dər mbəhuha nda kumay ŋuɗuf, dər mbəhuha ghuni ta klapta kuni.

Vrafta ta zlahu 12:6

Hada dzaʼa hladaghata kuni ta skwa pla ghəŋa ghuni ŋa dray tsuh tsuh, nda sanlaha ma pla ghəŋha ghuni, nda zaka ghuni, nda mbəhuha ghuni ta klapta kuni, nda mbəhuha ŋa hɗamtá skwi waɗa kuni, ka ya ta vlata kuni nda kumay ŋuɗufa ghuni a tsi, nda taŋtaŋa yakwa slaha ghuni, nda rina fisika ghuni.

Filip 4:18

Zlghaf zlgha yu ta tsa zɗakatahuɗa ghuni tsghaf kuni ta Yufratis ya. Haɗ skwi ta pəɗəgəlta yu wu, hwaslu hwasla katakata. Tsa skwi vla kuni ya ná, manda skwi dranaf lu ta Lazglafta ta zɗəganata katakata ya nzakwa ni.