Mbsak 15:15 - Hdi

¹⁵ Tsa tva skwi ŋa magay ya ná, nda nza ŋa inda guyatá ghəŋa ghuni, ŋa ghuni nda ya ŋa mayəm ta nzaku ma səla ghuni. Nda nza ka tva skwi ŋa magay ghuni ŋa kɗekedzeŋa ghuni ha zivira zivirha ghuni. Ka nzakwa tsi ŋa ghuni nda ya ŋa mayəm mataba ghuni ta kəma Yawe.

Mbsak 15:15 ပူးပေါင်းရင်းမြစ်များ

Asta 9:27

ka mblatá la Yahuda ta fatá tsa skalu ya ka ŋa taŋ, ŋa zivirha taŋ, nda ya ŋa inda gwal dzaʼa nuta ka la Yahuda. Inda vaku, ta tsa fitik tsaf lu ya, ŋa skalay taŋ ta tsa skalu ka fitik his ya manda ya ta raku, ka magay manda va ya mnaf Murduhay.

Sabi 12:14

Dzaʼa nzakway tsa fitik ya ŋa ghuni ka fitika havu. Ka ŋanata kuni ka skalu ŋa Yawe. Ka ŋanata kaghuni nda zivirha ghuni ka skwi ŋa magay ha ŋa ɗekɗek.

Sabi 12:24

Tsa skwiha ya ná, ka ŋanata kuni ka skwi ŋa magay, kaghuni nda zwana ghuni ha ŋa ɗekɗeka ghuni.

Sabi 12:43

Ka Yawe nda i Musa nda Haruna mantsa: « Wya skwi ŋa magay ghuni ma skala Pak: Yaha mayəm da zay.

Sabi 12:49

Tsaya zlahu turtuktuk ŋa la Israʼila nda mayəmha ta nzakw ma mataba ghuni, » kaʼa.

Sabi 28:43

Ka suɗivta i Haruna nda zwana ni ta lam həŋ da tumpula guyaku, ka ta lagha həŋ da magihatá slna ma vli nda ghuɓa a tsi, kada kwala həŋ gatá krughuvi ŋa kwala mtaku slanaghatá həŋ. Tsaya skwi dzaʼa mag i Haruna nda inda zivirha ni ŋa ɗekɗek. »

La Levi 24:22

Ka skwa turtuk zlaha ghuni, dər nda zwana haɗik tani dər nda mayəmha ta nzakw ma səla ghuni tani, kabga iʼi Yawe, Lazglafta ghuni, » kaʼa.

Mbsak 10:8

Zwana Haruna, gwal ta dra skwi ŋa Lazglafta dzaʼa vya tsa duliha ya. Dzaʼa nzakway tsaya ka zlahu ŋa ɗekɗek ŋa ghuni nda zivirha ghuni tani.

Mbsak 15:14

Ka ma zivira ghuni mamu mayəm ta nzata ma səla ghuni, mamu ya lama ni yeya da səla ghuni, ka ta vlay tsi ŋa Yawe ta skwa pla ghəŋ ŋa dray ta vu zɗəgana həlata ni, manda va tsa ta magata kaghuni ya dzaʼa magata tsatsi guli.

Mbsak 15:29

Dər má mnda Israʼila tsi, dər mayəm ta nzaku mataba ghuni a tsi, nda nza tsa tva skwi ŋa magay ya ŋa inda mndu dzaʼa gatá dmaku ka fərtaku.

Mbsak 18:8

Ka Yawe nda Musa mantsa: « Nda ngha ka ná, iʼi ta vlaghatá slna nghapta ka inda mbəhuha ta faghuta la Israʼila ŋa ɗa. Ta vlagha vla yu, mayaka kagha tsaya, kagha nda zivira gha ŋa ɗekɗek.

Mbsak 9:14

Ka ta kumay mayəm ta nzaku ma səla ghuni ta skala paka Yawe, snata ni ta tva skwiha ya ŋa magay, nda zlahuha ta ghəŋa skala Pak. Ka skwa turtuk dzaʼa nzakwa tva skwiha ŋa magay, nda mayəm tani, nda zwaŋa haɗik tani, » kaʼa.

Galat 3:28

Ma tsaya tama, ta haɗ skwi ta dganatá la *Yahuda nda la *Grek wu, haɗ skwi ta dganatá vuʼa nda mndu kul nzakway ka vuʼa wu, haɗ skwi ta dganatá zgun nda marakw wa. Kaghuni demdem, ka skwa turtuk kuni ma ndiʼatá vgha ghuni nda Yesu Kristi.

Kwalus 3:11

Ndanana tama, ta haɗ mnay kazlay: La *Grek yehaya, la *Yahuda yehaya, gwal nda tsa fafaɗa taŋ yehaya, gwal kul tsaku fafaɗa taŋ yehaya, gwal ma mtak yehaya, gwal kul gunaku ghəŋa taŋ yehaya, la vuʼa yeya, gwal flaʼu vgha taŋ yehaya ya kəʼa wa. Mamu *Kristi ta nzakway ka hɗatani ma inda taŋ.

Yəhusuwa 8:33

Inda la Israʼila, nda la galata mnduha taŋ tani, nda maliha taŋ tani, nda gwal tsanatá guma ta həŋ tani, nda zwana haɗik tani, nda la mayəm ma səla taŋ tani, inda tsa mnduha ya ta sladata nda ga slərpuha tsa akwata dzratá wa Yawe ya. Ka nzatá həŋ mbəŋ nda tsa la Levi gwal dra skwi ŋa Lazglafta ya ta kla tsa akwati ya. Gəts la Israʼila nda təv ghwá Gərizim. Gəts la Israʼila guli nda təv ghwá Gheval. Mantsa ya ka lu dzaʼa magata, ka Musa kwalva Yawe mnuta ŋa tfanaghatá wi ta la Israʼila.

1Sam 30:25

Ka fatá Dawuda ka zlahu, nda ya ka skwi ŋa gɗata ta magay mataba la Israʼila, ta ksə lu ta slna nda tsi daga baɗ tsaya ha gita.