Mbsak 14:9 - Hdi

⁹ Nziya nza tsi ná, ma ganava kuni ta sidi ta Yawe. Ma zləŋ kuni ta mnduha ma tsa haɗik ya, ya manda nina dzaʼa zata mu ta həŋ! Diʼiŋaghu diʼiŋa sulkuma lazglaftaha taŋ nda həŋ, ama ta nzaku Yawe ta vata amu. Ma zləŋ kuni tama ta həŋ! » ka həŋ.

Mbsak 14:9 ပူးပေါင်းရင်းမြစ်များ

Zlrafta 48:21

Ka Israʼila nda Yusufu mantsa: « Taghwa a yu ka mtuta wa. Ama dzaʼa nza nza Lazglafta kawadaga nda kaghuni, ŋa vradaghunapta ni ta haɗika dzidza ghuni.

2Rus 13:12

Wana kawadaga Lazglafta nda aŋni, tsatsi mghama ŋni, nda paya vgha gwal dranatá skwi ŋa vya duli ŋa dzaʼa guyata nda kaghuni. Ariwa Israʼila! Ma vulu kuni ta vulu nda Yawe, Lazglafta dzidzíha ghuni, kabga haɗ kuni dzaʼa zatá ghwa wu! » kaʼa.

2Rus 15:2

Ka sab tsi ta kəma Asa, kaʼa nda tsi mantsa: « Fihawa fa ta sləməŋ, i Asa nda inda la Yuda nda la Biŋyamiŋ! Kawadaga Yawe nda kaghuni, ka kawadaga kaghuni nda tsi. Ka ta zbay kuni, dzaʼa slay kuni, ama ka zlanava zla kuni, dzaʼa zlavaghuna zla.

2Rus 20:17

Kaghuni a dzaʼa vula tsa vulu ya wa. Payavata kaghuni ŋa ghuni, sladawa slada hada, dzaʼa nghay kuni ká Yawe dzaʼa katatá kaghuni. La Yuda nda la Ursalima, ma zləŋ kuni ta zləŋ, yaha kuni da ghudzafta. Mahtsim, ka sliʼagapta kuni da guyata nda həŋ, kawadaga Yawe nda kaghuni,” kaʼa, » kaʼa.

2Rus 32:8

Mbrakwa sluʼuvgha kweŋkweŋ ŋa gwal kawadaga nda tsa mgham ya, ama kawadaga nda amu, mamu Yawe, Lazglafta mu, dzaʼa sagha da kata amu, dzaʼa vulamatá vulu, » kaʼa. Ka vlaŋtá tsa gwaɗa Hizkiya mghama la Yuda ya ta mbraku ta mnduha.

Nəhemiya 4:14

Ka nda sna kuni ta vyata talakwa, dər ga kuni ya, ka tskakta kuni ta vgha ta vata iʼi. Dzaʼa vulamavula Lazglafta mu ta vulu, » ka yu.

Sabi 14:13

Ka Musa mantsa: « Ma zləŋ kuni ta zləŋ! Nzawa nza, dzaʼa nghay kuni ka Yawe dzaʼa mbaghunafta gita u na. Nana la Masar ta nghə kuni gita u na ná, nghəglaŋta a kuni ta həŋ ha ŋa ɗekɗek wa.

Sabi 33:16

Ka si la a vərɗa htsiŋa kagha mista ŋni wu, ta wu dzaʼa grafta lu kazlay zɗəgagha zɗa mnduha gha, nda iʼi tani kəʼa na? Mbaɗay gha ta mbaɗa kawadaga nda aŋni, dzaʼa klə ŋni ka nzakway tsəkəm nda hamata inda sanlaha ma mnduha ta haɗik, » kaʼa.

Danyel 9:5

Gaga ŋni ta dmaku, kwalaghu kwala ŋni ta snatá gwaɗa, ŋa ŋni dmaku, gavagha ga ŋni ta sidi, mbəɗana mbəɗa ŋni ta hul ta zlahuha gha, nda skwiha ya mnaŋna ka ŋa magay.

Danyel 9:9

Kuravagha kura ŋni, Mgham Lazglafta ŋni. Kulam nda tsa, ta plaŋna pla ka ta dmakwa ŋni ma tawa hiɗahiɗa gha.

Mbsak 13:30

Ka lɓanatá Kalep ta mnduha ta kəma Musa: « Mbaɗma! Dzaʼa za za mu ta tsa haɗik ya, kabga dzaʼa ghuɓasap ghuɓasa mu ta tsa haɗik ya, » kaʼa.

Mbsak 17:6

Ga mahtsima ni, ka ruruŋwaku inda guyatá ghəŋa la Israʼila ta ruruŋwaku ta ghəŋa i Musa nda Haruna. Ka həŋ mantsa: « Rwana rwa kuni ta mnduha Yawe! » ka həŋ.

Mbsak 20:2

Haɗ imi ŋa say guyatá ghəŋa mnduha wu, ka tskanavatá həŋ ta vgha ta i Musa nda Haruna.

Mbsak 24:8

Ka hlagaptá Lazglafta ta həŋ ma Masar, manda duliha sladra nzakwa ni ŋa taŋ. Dzaʼa niʼavatá ghumaha taŋ ka mndəra sana mnduha, dzaʼa paslafvatá ghudzifa taŋ, dzaʼa hahatá həŋ nda havaha ni.

Mata 1:23

« Wya dzaʼa zlghaf zlgha daghala makwa ta kul snaŋtá zgun ta huɗi, ŋa yata ni ta zwaŋa zgun, ŋa tsanaftá hga ni ka Emanuwel, » manda mnay kazlay: Kawadaga Lazglafta nda amu kəʼa ya.

La Ruma 8:31

Ka si mantsa tsi, nu ta ŋa mnay mu ta ghəŋa tsaya tama? Ka si ŋa mu Lazglafta ya ní, wa dzaʼa dzaŋtá kəma nda amu na?

Vrafta ta zlahu 1:21

Nghawa ɓa, Yawe, Lazglafta ghuni ta vlaghunatá ma dzva ghuni ta na haɗik na. Ŋladafwa ŋla ka kla kuni ŋa ŋa ghuni manda ya mnaghuna Yawe, Lazglafta dzidzíha ghuni. Ma zləŋ kuni ta zləŋ, ma ghudzu kuni ta ghudzaku,” ka yu.

Vrafta ta zlahu 1:26

Ama ka kwalaghutá kuni ta ŋladafta, ka ganavatá sidi ta skwi mnaf Yawe, Lazglafta ghuni.

Vrafta ta zlahu 1:29

Ka yu nda kaghuni na: Ma ghudzaku kuni ta ghudzaku, ma zləŋ kuni ta zləŋ,

Vrafta ta zlahu 31:6

Mbrawa vgha ka dihavata kuni, ma zləŋ kuni ta zləŋ, ma ghudzaku kuni ta ghudzaku ta kəma taŋ, kabga ta mbaɗa Yawe, Lazglafta ghuni kawadaga nda kaghuni, zlaghunata a wu, vzighunista a guli wu, » kaʼa nda həŋ.

Vrafta ta zlahu 31:8

Yawe dzaʼa mbaɗa ta kəma gha. Tsatsi dzaʼa nzata kawadaga nda kagha. Haɗ dzaʼa zlavaghata wu, vzighista a wa. Ma zləŋ ka ta zləŋ, ma ghudzaku ka ta ghudzaku, » kaʼa.

Vrafta ta zlahu 32:42

Dzaʼa ghuyanaf ghuya yu ta havaha ɗa nda us, dzaʼa zuza kafaya ɗa ta sluʼi, usa gwal psla lu nda gwal hlagha lu, ta mbəzagapta ma ghəŋa maliha ghumaha ɗa”. »

Vrafta ta zlahu 7:18

Ma zləŋ kuni ta həŋ. Havakwa hava ta skwi ya magana Yawe, Lazglafta ghuni ta Firʼawna nda inda la Masar.

Vrafta ta zlahu 7:21

Yaha kuni da zləŋ ta kəma tsa mnduha ya, kabga kawadaga Yawe, Lazglafta ghuni nda kaghuni, tsatsi Lazglafta dagala, ka makwitkwit.

Vrafta ta zlahu 9:7

« Havakwa hava, ma zanap kuni ya ká kuni gufanaftá ŋuɗuf ta Yawe, Lazglafta ghuni ma mtak. Daga baɗ saba ghuni ma haɗika Masar ha ka ɓhagaghatá ghuni da hadna, ta ga sidi kuni nda Yawe.

Filip 1:27

Skwi ná, nzawa nza ta nzaku ya ta raku ŋa nghaŋta mnduha kazlay: Gwal ta maga skwi manda ya ta mnə gwaɗa *Kristi kuni kəʼa. Skwi ta kum yu ta snaŋta ná, ta nzaku ka kuni manda ya ta raku. Dər má lab la yu da kaghuni, dər má lab a yu da kaghuni wu, nda guya ka ghəŋa ghuni. Ta ŋava ŋa ka kuni nda ŋuɗuf turtuk ka dzaʼa ta kəma ta kəma nda mna gwaɗa Lazglafta.

Yəhusuwa 1:5

Ma inda nzakwa gha ná, haɗ mndu dzaʼa ŋaŋta da kagha wa. Manda ya nza yu nda Musa ya, manda va tsaya dzaʼa nzata yu nda kagha guli. Haɗ yu dzaʼa walaŋta zlaghata wu, haɗ yu dzaʼa walaŋtá vzighista guli wa.

Yəhusuwa 14:12

Ndanana tama, vliha vla ta mayaka ɗa ta haɗikha ya ta ghwá, manda ya taɗif Yawe ta imi ta sləməŋ ma tsa fitik ya. Snaŋ sna kagha baɗ tsaya kazlay na, ta nzaku ma luwaha dagala dagala ŋam lu ma matsak ŋa katá ghəŋ da vulu, na la Ghanak kəʼa. Ka kawadaga Yawe nda iʼi katsi ná, dzaʼa ghəzliŋ ghəzla yu ta həŋ manda va ya mna Yawe, » kaʼa.

Gwal tsa guma 1:22

Ka laf mndəra la Yusufu guli da liŋtá Betel nda vulu, ka nzatá Yawe kawadaga nda həŋ.