Mbsak 14:5 - Hdi

⁵ Ka zlambatá i Musa nda Haruna zluzlumbruh ta haɗik ta kəma inda guyatá ghəŋa la Israʼila ta tskavata.

Mbsak 14:5 ပူးပေါင်းရင်းမြစ်များ

Zlrafta 17:3

Ka zləmbatá Abram zlumbruh ta haɗik. Ka Lazglafta nda tsi guli mantsa:

1Mgh 18:39

Nghanata inda mnduha ta tsa skwi ya, ka zlambatá həŋ zluzlumbruh ta haɗik, ka həŋ mantsa: « Yawe, Lazglafta! Yawe, Lazglafta! » ka həŋ.

1Rus 21:16

Kəʼa ka Dawuda klaŋtá ghəŋ ná, ka nghaŋtá tsi ta duhwala Yawe ta sladu ma takataka haɗik nda luwa, nda tsəhatá kafay, tɗanagha tsi ta dzvu ta ghəŋa Ursalima. Ka pghavatá i Dawuda nda la galata mndu ta buhu ta vgha, ka zlambatá həŋ zluzlumbruh ta haɗik.

Danyel 10:9

Ka snaŋtá yu ta lwa tsa mndu ya ta gwaɗata, zlumbruhwa yu ghərmbəzla ta haɗik.

La Levi 9:24

Ka sab vu da Yawe, ka dəghwaɗutá tsa skwa pla ghəŋ ŋa dray tsuh tsuh, nda vliha nda mala nda mala ta gwir ya. Ka nghaŋtá la Israʼila demdem, ka hlaftá həŋ ta wi ka rfu, ka zlambata həŋ zluzlumbruh ta haɗik.

Mbsak 14:6

Lagha i Yəhusuwa zwaŋa Nuŋ, nda Kalep zwaŋa Yəfune, si mataba gwal ta laghwi da vitsaptá tsa haɗik ya, ka kwahiŋtá lgutha taŋ.

Mbsak 16:22

Ka zlambatá i Musa nda Haruna zluzlumbruh ta haɗik, ka həŋ mantsa: « Lazglafta ɗa, Lazglafta ta ŋanatá hafa inda skwi ta hafu. Mndu turtuk ta gatá dmaku ná, ka dzaʼa ka da ɓasanavatá ŋuɗuf ta inda guyatá ghəŋa mnduha rki! » ka həŋ.

Mbsak 16:4

Na snanata Musa ta tsa gwaɗa ya, ka zləmbatá tsi zlumbruh ta haɗik.

Mbsak 17:10

« Sabwa sa mataba na guyatá ghəŋa mnduha na, ka zaɗanata yu ta həŋ nda va nana! » kaʼa. Ka zlambatá həŋ zluzlumbruh ta haɗik.

Mbsak 20:6

Ka zlanatá i Musa nda Haruna ta guyatá ghəŋa mnduha, ka lagha həŋ ta wa tgha lami da tumpula guyaku, ka zlambata həŋ zluzlumbruh ta haɗik. Ka zlagaptá glakwa Yawe da həŋ.

Mata 26:39

Zadaptani dawʼ ta kəma, ka zləmbatá tsi ka mbumba, ka maga duʼa. Kaʼa mantsa: « Da ɗa, ka ta magaku tsi, diʼiŋiŋ diʼiŋa ta na leghwa ghuya ɗaŋwa na nda iʼi. Nziya nza tsi ná, manda ya ta kum iʼi a wu, manda ya ta kum kagha, » kaʼa.

Yəhusuwa 5:14

Ka tsa mndu ya mantsa: « Haɗ ya mista ni yu wa. Iʼi mali ta ghəŋa gwal vula Yawe, sagha ɗa yeya, » kaʼa. Gi ka zləmbata Yəhusuwa zlumbruh ta haɗik ka vlaŋtá glaku, kaʼa mantsa: « Iʼi ná, kwalva gha yu. Nu ta kum mghama ɗa ta mnay ŋa kwalva ni na? » kaʼa nda tsi.

Yəhusuwa 7:10

Ka Yawe nda Yəhusuwa mantsa: « Sliʼaf sliʼa, kabgawu kəl ka ka nzata zlumbruha ta haɗik na?

Suna Yuhwana 4:10

ta zlambatá tsa galata mnduha hisambsak fwaɗ mida ya ta kəma Lazglafta ta nzaku ta dughurukwa ga mgham. Ta tsəlɓu həŋ ta tsəlɓu ta kəma Lazglafta ya nda hafu ŋa kɗekedzeŋ ya, ta hlapta həŋ ta tsa zewazewaha ma ghəŋa taŋ ya ka pghata ta kəma tsa dughurukwa ga mgham ya. Ka həŋ mantsa:

Suna Yuhwana 5:14

« Mantsa ya nzakwa ni! » ka tsa skwiha fwaɗ nda hafu ma həŋ ya. Ka zləmbata tsa galata mnduha ya ka tsəlɓu ta kəma ni.

Suna Yuhwana 7:11

Inda duhwalha Lazglafta, nda la halata mndu, nda tsa skwiha fwaɗ nda hafu ma həŋ ya kay tani ta wanafta tsa dughuruk ya. Ka zləmbata həŋ ta kəma tsa dughuruk ya ka tsəlɓu ŋa Lazglafta.