Mbsak 14:43 - Hdi

⁴³ Wya la Ghamalek nda la Kanʼana hada ta kəma ghuni, dzaʼa rwu rwa kuni da kafayha taŋ. Dabga zlanavata ghuni ta dzaʼa mista Yawe, haɗ dzaʼazlay kawadaga nda kaghuni wu, » kaʼa.

Mbsak 14:43 ပူးပေါင်းရင်းမြစ်များ

1Rus 28:9

Kagha zwaŋa ɗa Salumuŋ, snaŋ sna ta Lazglafta da gha, ka maganata ka ta slna nda hya hya ŋuɗufa gha, ka ɗvuta ka nda hafa gha, kabga da hya ŋuɗuf ta nghadamta Yawe, ka gala inda ndanu. Ka ta zbay ka, dzaʼa fagha fa ta vgha, ama ka zlanava zla ka, dzaʼa wuɗighis wuɗa ŋa ɗekɗek.

2Rus 15:2

Ka sab tsi ta kəma Asa, kaʼa nda tsi mantsa: « Fihawa fa ta sləməŋ, i Asa nda inda la Yuda nda la Biŋyamiŋ! Kawadaga Yawe nda kaghuni, ka kawadaga kaghuni nda tsi. Ka ta zbay kuni, dzaʼa slay kuni, ama ka zlanava zla kuni, dzaʼa zlavaghuna zla.

La Levi 26:17

Dzaʼa lighunis la yu, ŋa zata ghumaha ghuni ta kaghuni. Dzaʼa nzaghunagha nza gwal ta husaŋta kuni ta həŋ. Dzaʼa kakafaku kuni ka hwaya dər haɗ mndu ta ghəzla kaghuni.

Mbsak 13:29

Ma kwakwara Negev nzata la Ghamalek. Ta ghwá nza nzata la Het, nda la Yəbus, nda la Amuru. Ndusa nda wa drəf dagala, nda laghwa vli ta wa Yardeŋ nza nzata la Kanʼana, » ka həŋ.

Mbsak 14:25

Ndanana ná, wa a la Ghamalek nda la Kanʼana ta nzaku ma didiŋa. Mahtsim, ka mbəɗa kuni ta vgha, ŋa ksa tvi nda ma mtak, təv drəfa Zaŋwafi, » kaʼa.

Mbsak 14:42

Ma ŋladaf kuni, da pslata ghumaha ghuni ta kaghuni, kabga haɗ Yawe kawadaga nda kaghuni wu.

Mbsak 14:44

Ama ka təŋaftá həŋ ta ghəŋ ka lafi ta bɗəmaha tsa ghwáha ya, ama akwata dzratá wa Yawe, nda Musa ya, gigɗava a həŋ ma ghuɓu wa.

Vrafta ta zlahu 28:25

Dzaʼa vlaŋ vla Yawe ta tvi ta ghumaha ghuni ŋa zata ghwa ta ghəŋa kaghuni. Nda ta təv turtuk dzaʼa lagha kuni gəmata nda həŋ, ama nda ta təvha ndəfáŋ dzaʼa hwayafta kuni ta kəma taŋ. Dzaʼa mbiɗ nda mbiɗa inda ga mghamha nghaŋər həŋ ta skwi ta slaghunaghata.

Yəhusuwa 22:15

Ka lagha həŋ slanaghatá mndəra la Rubeŋ, nda mndəra la Gat, nda rita mndəra la Mənase ta haɗika Gilghat. Ka həŋ nda həŋ mantsa:

Yəhusuwa 7:12

Tsaya tama, haɗ la Israʼila dzaʼa ŋəglaŋta da ghumaha taŋ wu, dzaʼa hwayaf hwaya həŋ da ghumaha taŋ. Nda nza vərɗa hahəŋ manda skwiha ŋa zaɗanata nekwnekw. Haɗ yu dzaʼa gɗavata kawadaga nda kaghuni, ka hwanzaɓiŋ a kuni ta tsa skwiha ŋa zaɗanata nekwnekw mataba ghuni ya wa.

Gwal tsa guma 16:20

Ka Dəlila mantsa: « Wya la Filisti ta ghəŋa kagha Simsuŋ! » kaʼa. Ka sliʼavatá tsi ta hana ni, kaʼa ma ghəŋa ni mantsa: « Dzaʼa sab sa yu manda ya ghalya, ka pliŋtá vgha, » kaʼa. Ama sna a kazlay na diʼiŋaghu diʼiŋa Yawe nda tsi kəʼa wa.